റാല്‍മിനോവ് -ചിന്തകളും കുറിപ്പുകളും

തോല്‍ക്കുക എല്ലായ്പ്പോഴും

2009-11-10T23:48:00.001+03:00

നിയമസഭാഉപതെരഞ്ഞെടുപ്പു് കഴിഞ്ഞു. സീപ്പീയെം എട്ടു് നിലയില്‍ പൊട്ടി. സീപ്പീയൈക്കു് പരിക്കില്ല. തോറ്റുവെന്നേ ഉള്ളൂ.

ഇതു് ഭരണവിരുദ്ധവികാരമാണെന്നു് മനസ്സിലാക്കാത്തതു് സീപ്പീയെമ്മുകാര്‍ മാത്രമേയുള്ളു. ഒരു ചാനല്‍ ചര്‍ച്ചയില്‍ ഒരു സഖാവു് പറയുന്നതു് കേട്ടു സര്‍ക്കാര്‍ ചെയ്ത നല്ല കാര്യങ്ങള്‍ ജനങ്ങളെ ബോദ്ധ്യപ്പെടുത്തുന്നതില്‍ വന്ന വീഴ്ചയാകാം എന്നൊക്കെ. ജനങ്ങള്‍ക്കു് എന്തെങ്കിലും ഉപകാരം കിട്ടിയിരുന്നെങ്കില്‍ അവരെ ആരെങ്കിലും പറഞ്ഞു് ബോദ്ധ്യപ്പെടുത്തണോ ?
ഒരു കാര്യവുമില്ലാതെ ജനങ്ങളെ "നന്നാക്കാന്‍ " ശ്രമിച്ചുകൊണ്ടേയിരിക്കുകയാണു് സര്‍ക്കാര്‍ .ആ നേരം കൊണ്ടു് എന്തെങ്കില്‍ സൃഷ്ടിപരമായി ചെയ്തിരുന്നെങ്കില്‍ ! സ്മാര്‍ട്ട് സിറ്റി പറഞ്ഞു് പറഞ്ഞു് ഒരു ക്ലീഷെ ആയിക്കഴിഞ്ഞു.

സഖാക്കളേ , ഒന്നുകില്‍ വാചകക്കസര്‍ത്തുകള്‍ നിര്‍ത്തി വൃത്തിയായി ഭരിക്കുക. അല്ലെങ്കില്‍ തോല്‍വികള്‍ ശീലമാക്കുക.

ഒരു കാര്യം കൂടി. എന്നൊക്കെ കാങ്ഗ്രസിന്റെ വോട്ട് അവരുടെ പെട്ടിയില്‍ തന്നെ വീണിട്ടുണ്ടോ അന്നൊക്കെ അവര്‍ ജയിച്ചിട്ടുമുണ്ടു്.

എന്തുകൊണ്ടു് തോറ്റു ?

2009-05-17T20:03:00.000+03:00

ശരിയുത്തരം കുറവു് വോട്ടുകള്‍ ലഭിച്ചതുകൊണ്ടു് എന്നാണു്.
അതിന്റെ കാരണം ചികഞ്ഞിട്ടു് പ്രത്യേകിച്ചു് കാര്യമൊന്നുമില്ല. "വാരി"യവരെ പുറത്താക്കിയിട്ടും കാര്യമില്ല. എങ്കിലും അറിഞ്ഞിരിക്കുന്നതു് നല്ലതാണു്.
ഒന്നാമത്തെ കാരണം മൂന്നാം ബദലിനെപ്പറ്റിയുള്ള പേടിയാണു്. ജയലളിതയും മായാവതിയും നായിഡുവും മന്‍മോഹനെപ്പോലെയാവില്ല.കാരാട്ടിനെ വട്ടം കറക്കും. ഒരു വീരനെ അടക്കിനിര്‍ത്താന്‍ പറ്റാഞ്ഞവര്‍ക്കു് മുന്നേ പറഞ്ഞവരെ അടക്കിനിര്‍ത്താന്‍ പറ്റുമെന്നു് ജനങ്ങള്‍ക്കു് തോന്നിക്കാണില്ല.
രണ്ടാമത്തെ കാരണം കഴിഞ്ഞതവണ ഭാജപയ്ക്കു് പറ്റിയതു് തന്നെയാണു്. അമിതാവേശം.
മൂന്നു് വലതുപക്ഷമാദ്ധ്യമങ്ങളുടെ ഇടപെടലുകളാണു്.മുഖ്യമന്ത്രിയെ അവര്‍ വളരെ ഭംഗിയായി ഉപയോഗിച്ചു എന്നതാണു് നേരു്. നേരെ തിരിച്ചാണു് എന്നു് പലര്‍ക്കും തോന്നിയതാണു് തെറ്റു്.ധാരാളം "ഇടതുപക്ഷ"ക്കാരെയും അവര്‍ ചാനലുകളില്‍ അഭിപ്രായം പറയാന്‍ സംഘടിപ്പിച്ചു. തന്റെ പാര്‍ട്ടിക്കാരൊക്കെ കൊള്ളരുതാത്തവന്മാരാണെന്നു് തോന്നത്തക്ക രീതിയിലുള്ള പ്രസ്താവനകള്‍ മുഖ്യമന്ത്രിയില്‍ നിന്നു് തന്നെ അവര്‍ ഒപ്പിച്ചെടുത്തു.
നാലാമത്തേതും എന്നാല്‍ പ്രധാനപ്പെട്ടതുമായ കാരണം സീപ്പീയെം നേതാക്കളുടെ ബോഡി ലാംഗ്വജാണു്. എന്തെങ്കിലും ആരോപണം വന്നാല്‍ (അടിസ്ഥാനമില്ലാത്തതാകട്ടെ ഉള്ളതാകട്ടെ) രാഷ്ട്രീയമായി "നേരിടും" എന്ന ഭീഷണിയാണു്. രാഗേഷൊക്കെ തോല്‍ക്കാന്‍ പ്രധാനകാരണം അദ്ദേഹത്തിന്റെ "വിപ്ലവവീര്യമാണു്".
അഞ്ചാമതു് ഘടകകക്ഷികള്‍ തമ്മിലുള്ള അവിശ്വാസമാണു്. ജയിക്കുന്നതല്ല, മത്സരിക്കുന്നതാണു് പ്രധാനമെന്നു് വിശ്വസിക്കുന്ന പാര്‍ട്ടിയൊക്കെ കൂട്ടിനുള്ളപ്പോള്‍ പ്രത്യേകിച്ചും.
ആറാമതും ഏറ്റവും പ്രധാനപ്പെട്ട കാര്യം സത്യസന്ധതയില്ലായ്മയാണു്. വിഭാഗീയത മറ നീക്കി മുന്നില്‍ തന്നെ നില്‍ക്കുമ്പോള്‍ കണ്ണടച്ചിരുട്ടാക്കിയിട്ടു് ഞാനൊന്നും കാണുന്നില്ല എന്നു് പറയുന്ന കാപട്യം അവസാനിപ്പിച്ചാല്‍ നന്നു്.
ഇനിയുമുണ്ടു് കാരണങ്ങള്‍ . അതൊക്കെ തന്നത്താനങ്ങു് നിരൂപിച്ചാല്‍ മതി. അല്‍ല്ലേ....

ഒരു കണക്കിനു് ഇതാ ഭേദം

2009-05-16T22:17:00.000+03:00

കാങ്ഗ്രസിനു് (യൂപ്പീയേക്കു്) പിന്തുണ നല്‍കില്ലായെന്നു് പറഞ്ഞ കാരാട്ടിനു് അതു് മാറ്റാതെ കഴിഞ്ഞു. ഭാജപയെ സര്‍ക്കാരുണ്ടാക്കാന്‍ അനുവദിക്കില്ലായെന്നു് പറഞ്ഞതും അച്ചട്ടായി. എങ്ങാനും ഭരണം കിട്ടിപ്പോയാല്‍ ആണവകരാറു് റദ്ദാക്കുമെന്നൊക്കെ കീച്ചിയതു് ഇനിയിപ്പോ ഒരു പ്രശ്നമല്ല.
പിന്തുണകൊടുത്തു് കൊടുത്തു് പാര്‍ട്ടിക്കാരൊക്കെ (എംപിമാര്‍ ) സോമനാഥോ അബ്ദുല്ലക്കുട്ടിയോ ആകാതെ നോക്കാം.
(പാര്‍ട്ടിക്കാരൊക്കെ എപ്പഴേ ആയി. അതല്ലേ ബംഗാളത്തിലും കേരളിലും അണികള്‍ കാങ്ഗ്രസിനും യൂപ്പീയേക്കും കുത്തിയതു്)
സീപ്പീയെമ്മിനെ നന്നാക്കാന്‍ സീപ്പീയെമ്മിനെ തോല്‍പ്പിക്കുക എന്നാണു് ഇടതു് ഏകോപനസമിതിക്കാര്‍ പറഞ്ഞുനടന്നതു്.

സീപ്പീയെമ്മേ നന്നായിക്കോളൂ.
ഒന്നുകില്‍ പാര്‍ട്ടിക്കാരൊക്കെ അച്ചുതാനന്ദന്‍ സ്റ്റൈലിലേക്കു് മാറുക, അല്ലെങ്കില്‍ അച്ചുതാനന്ദനെ എടുത്തു് പുറത്തുകളയുക.
ഒരേ വണ്ടി രണ്ടുദിക്കിലേക്കും ഒരേസമയം ഓട്ടാന്‍ പറ്റില്ല.

ശുഭം.

മൻമോഹൻ ഇടതുപക്ഷത്തെ ഇഷ്ടപ്പെടുന്നു

2009-04-15T20:30:00.000+03:00

ഇടതുപക്ഷവുമായി സഹകരിക്കുമ്പോൾ ബല്യ സന്തോഷമായിരുന്നു എന്നാണു് പീയെമ്മിന്റെ ലേറ്റസ്റ്റ് നിലപാടു്.
ഇനഫ് ഈസ് ഇനഫ്, കൊറേക്കാലമായി സഹിക്കുന്നു,വേണേ പിന്തുണ പിൻവലിച്ചോ എന്നു് പറഞ്ഞതും ഭവാൻ. അതു് ആണവകരാറിൽ ഒടക്കു് വന്നപ്പോ.
റീജണൽ പാർട്ടികളും സ്വതന്ത്രരുമൊന്നും ശരിയല്ലെന്നും പീയെം. ഭേഷ്.
ശരിയാണു് ഈർക്കിലികൾ ഇല്ലാരുന്നേൽആണവകരാറിനു് എണ്ണമൊപ്പിക്കാൻ പറ്റില്ലാരുന്നു.
കേരളത്തിൽ വന്നാൽ ഇടതുവിരോധം. പുറത്തുപോയാൽ ലൌ.

എനി കൊറച്ചുനാൾ രാജ്യസഭേൽ വെറുതെയിരി.
സീപ്പീയെമ്മും റീജണൽ പാർട്ടികളും കൂടി ഭാരതം ഭരിക്കണതെങ്ങനെയെന്നു് കണ്ടുപഠി.

Vote LDF വോട്ട് എൽ ഡി എഫ്

2009-04-15T19:37:00.000+03:00

മുന്നേ പറഞ്ഞ അരാഷ്ട്രീയ വിഷ് ലിസ്റ്റ് പിൻവലിക്കുന്നു.
രാഷ്ട്രീയമായാണു് വോട്ട് ചെയ്യേണ്ടതു്.
സീപ്പീയെം നയിക്കുന്ന ഇടതുമുന്നണി കേന്ദ്രഭരണത്തിൽ നിർണായകശക്തിയാകാൻ നമ്മുടെ ആത്മാഭിമാനം നിലനിർത്താൻ ഈ അവസരം ഉപയോഗിക്കൂ.

വോട്ട് എൽഡിഎഫ്

ഭിന്നതകൾ മറക്കൂ. ഇതു് നഷ്ടപ്പെടുത്തിക്കൂടാ.

20ൽ 20

ശശി തരൂരിനോടു് മലയാളത്തില്‍ ...

2009-04-09T22:18:00.000+03:00

ചില ചോദ്യങ്ങള്‍ . ഫാന്‍സോ മീഡിയ മാനേജര്‍മാരോ മറുപടി തന്നാലും മതി.
1.താങ്കള്‍ക്കു് മറ്റൊരു രാജ്യത്തിന്റെയും പാസ്പോര്‍ട്ടില്ലെന്നും ഇന്ത്യന്‍ പാസ്പോര്‍ട്ട് മാത്രമുപയോഗിക്കുന്നതില്‍ അഭിമാനമുണ്ടെന്നും പറയുന്നതു് കേട്ടു. നല്ലതു്. താങ്കള്‍ ഇപ്പോള്‍ വിദേശഇന്ത്യാക്കാരനാണോ?
2.താങ്കള്‍ക്കു് കുറെക്കാലമായി റേഷന്‍ കാര്‍ഡില്‍ പേരുണ്ടെന്നോ മറ്റോ കേട്ടതു് പോലെ തോന്നി, താങ്കളുടെ പാലക്കാട്ടുള്ള കുടുംബവീട്ടിലോ മറ്റോ .. പ്രവാസിഭാരതീയസമ്മാന്‍ വാങ്ങുമ്പോഴും റേഷന്‍ കാര്‍ഡില്‍ പേരുണ്ടായിരുന്നോ ?
3.താങ്കള്‍ക്കു് ഒരു എന്നാറൈ അക്കൌണ്ടുണ്ടെന്നു് കേള്‍ക്കുന്നു. ഒള്ളതാണോ ?
4.താങ്കള്‍ എന്നെങ്കിലും ഇന്ത്യയില്‍ വരുമാന നികുതി അടച്ചിട്ടുണ്ടോ ?
5.വിദേശഇന്ത്യാക്കാര്‍ക്കു് കൃഷിഭൂമി വാങ്ങാനാകില്ല എന്ന നിയമമുള്ളതു് താങ്കള്‍ക്കറിയാമോ ? താങ്കള്‍ വിദേശഇന്ത്യാക്കാരനോ താങ്കള്‍ക്കു് കൃഷിഭൂമിയുണ്ടെന്നോ ഞാന്‍ പറഞ്ഞതിനു് അര്‍ത്ഥമില്ല. താങ്കളുടെ മീഡിയാമാനേജര്‍മാര്‍ക്കു് പലര്‍ക്കും അതറിയില്ല എന്നു് തോന്നിയിട്ടുണ്ടു്.
6.താങ്കള്‍ ജയിച്ചാല്‍ വിദേശഇന്ത്യാക്കാര്‍ക്കു് വോട്ടവകാശം നേടാന്‍ എന്തെങ്കിലും ചെയ്യുമോ ? അതായതു് നിയമപരമായിത്തന്നെ പ്രവാസികള്‍ക്കു് വോട്ട് ചെയ്യാന്‍ സൌകര്യമുണ്ടാക്കുമോ എന്നാണു് ചോദ്യം. വോട്ട് ചെയ്യുന്ന പ്രവാസികള്‍ നിയമവിരുദ്ധമായി ആണു് അതു് ചെയ്യുന്നതു്.
7.കൊക്കക്കോല ജലചൂഷണം നടത്തുന്നുണ്ടോ ?
8.ബാന്‍ കി മൂണ്‍ താങ്കളെ ഒഴിവാക്കിയതാണോ അതോ താങ്കള്‍ സ്വയം ഒഴിവായതാണോ ? പറ്റിയ പണി അദ്ദേഹം തരികയാണെങ്കില്‍ കൂടെ ജോലി ചെയ്യുന്നതില്‍ വിരോധമില്ല എന്നു് താങ്കള്‍ പറഞ്ഞതായി ഒരു വാര്‍ത്ത കണ്ടിരുന്നു. ബാന്‍ കി മൂണിന്റെ ക്ഷണം താങ്കള്‍ സ്നേഹത്തോടെ നിരസിച്ചതാണെന്നും മറ്റൊരു വാര്‍ത്തയും കണ്ടിരുന്നു. താങ്കള്‍ നുണ പറയാത്ത ആളായതുകൊണ്ടു് ചോദിക്കുന്നതാണു്. ഏതാണു് നേരു് ?
9.ഇന്ത്യയിലെ രാഷ്ട്രീയക്കാര്‍ ഒന്നിനും കൊള്ളാത്തവരാണെന്നു് താങ്കള്‍ക്കു് ഇപ്പോള്‍ അഭിപ്രായമുണ്ടോ ? ഈയടുത്ത കാലത്തും അങ്ങിനെയൊരു പ്രസ്താവന താങ്കളില്‍ നിന്നും ഉണ്ടായിരുന്നു. അതുകൊണ്ടാണു് താങ്കള്‍ മത്സരിക്കുന്നതെന്നും താങ്കള്‍ അന്നു് പറഞ്ഞിരുന്നു. ഒള്ളതാണോ.
10.ഇസ്രയേലിനോടു് ഇപ്പഴും അസൂയ തോന്നുന്നുണ്ടോ. ബോസ്നിയന്‍ മുസ്ലിങ്ങളെ സെര്‍ബുകള്‍ ഉന്മൂലനം ചെയ്തപ്പോഴും അസൂയ തന്നെയായിരുന്നോ.
11.മൂലമ്പിള്ളിയിലെയും ചെങ്ങറയിലേയും സമരങ്ങളെ താങ്കള്‍ എങ്ങനെ നോക്കിക്കാണുന്നു ?

ഒരു തെരഞ്ഞെടുപ്പു് ചോദ്യം

2009-04-09T16:54:00.000+03:00

If pro is the opposite of con,

What is the opposite of progress?

ലിങ്ക്:

എന്തുകൊണ്ടു് സീപ്പീയെം മുന്നണി

2009-03-28T23:14:00.000+03:00

ഇടതുമുന്നണിയെന്നു് പറയാത്തതു് കരുതിക്കൂട്ടിയാണു്. സീപ്പീയെം എന്തു് മുന്നണിയുണ്ടാക്കിയാലും അതു് ഇന്ത്യക്കാരന്റെ ആത്മാഭിമാനം സംരക്ഷിക്കുന്ന ഒന്നായിരിക്കും. ഞാനോര്‍ക്കുന്നു പണ്ടു് കാങ്ഗ്രസ് സുഹൃത്തുക്കള്‍ ലാലു പ്രധാനമന്ത്രിയായാലുള്ള ദുരന്തം ഓര്‍ത്തു് വിലപിച്ചിരുന്നതു്. പിന്നെപ്പിന്നെ ലാലു കേമനായി. പിന്തുണ പിന്‍വലിച്ചാല്‍ ലാലു ലല്ലുവാകും.വിഡ്ഢി.
നമുക്കു് അയല്‍ക്കാരെ പിണക്കി ജീവിക്കാനാവില്ല. പാകിസ്താനും ചൈനയുമായൊക്കെ നല്ല ബന്ധമാണു് ഉണ്ടാക്കേണ്ടതു്. അവര്‍ ശത്രുക്കളാണെങ്കില്‍ പോലും ദൂരെ വല്ല ബന്ധുവുണ്ടാകുന്നതിലും നല്ലതാണു്. അല്ലെങ്കില്‍ തന്നെ ഈ ഗ്ലോബല്‍ വില്ലേജില്‍ ആരുമായും ശത്രുത നന്നല്ല.
അത്താഴം മുടക്കാന്‍ നീര്‍ക്കോലിയായാലും മതി എന്നതു് കാരണമായെടുത്തു് നീര്‍ക്കോലിയെ കൊല്ലാന്‍ രാജവെമ്പാലയെ സുഹൃത്തായി സ്വീകരിക്കുമോ വെളിവുള്ള ആരെങ്കിലും ?
കമ്മ്യൂണിസം എന്ന അജണ്ട തത്ക്കാലം അട്ടത്തു് വെച്ചു് രാഷ്ട്രനന്മയ്ക്കായി സമാനമനസ്കരുമായി പ്രവര്‍ത്തിക്കുന്ന പ്രസ്ഥാനമാണു് സീപ്പീയെം. അവര്‍ക്കു് ചുവപ്പു് പോരാ എന്നു് പറയുന്ന "ഇടതുപക്ഷ"ക്കാര്‍ കാങ്ഗ്രസ് സര്‍ക്കാര്‍ വരാന്‍ തങ്ങളാല്‍ കഴിയുന്നതു് പോലെ പ്രവര്‍ത്തിക്കുന്നതു് ജുഗുപ്സാവഹമാണു്. തങ്ങള്‍ മുന്നോട്ടു് വെക്കുന്ന നിലപാടുകളുമായി യോജിക്കുന്നവരുമായി സഹകരിച്ചുപ്രവര്‍ത്തിക്കുന്നതില്‍ ഒരു തെറ്റും സീപ്പീയെം കാണുന്നില്ല. എന്തിനു്, കാങ്ഗ്രസിനോടു് പോലും ഒരു മിനിമം പരിപാടിയുടെ അടിസ്ഥാനത്തില്‍ സഹകരിക്കാന്‍ സീപ്പീയെം നേതൃത്വം നല്‍കിയ മുന്നണി തയ്യാറായിട്ടുണ്ടു്. ഇപ്പോഴത്തെ നിലപാടു് വര്‍ഗ്ഗീയവിഷം ചീറ്റുന്ന ഭാജപയേയും (മുന്നണിയൊക്കെ ഉണ്ടോ ആവോ) രാജ്യാഭിമാനം പണയം വെച്ച കാങ്ഗ്രസിനേയും തോല്‍പിച്ചു് ഒരു ബദല്‍ മുന്നണി കെട്ടിപ്പടുക്കുക എന്നതാണു്. എക്കാലത്തേക്കാളും പ്രസക്തവും പ്രായോഗികവുമാണു് ഇതിപ്പോള്‍ . യൂപ്പീയില്‍ ബസപയും ആന്ധ്രയില്‍ റ്റീഡീപ്പി മുന്നണിയും തമിഴ് നാട്ടില്‍ ഏതെങ്കിലും ദ്രാവിഡ മുന്നണിയും ഒറീസയില്‍ ബീജെഡി മുന്നണിയും ബംഗാള്‍, കേരളം സീപ്പീയെം മുന്നണിയും കര്‍ണാടകയില്‍ ജനതാദളും ബീഹാറില്‍ ലാലു പസ്വാന്‍ അല്ലെങ്കില്‍ നീതിഷ്. പിന്നെയുള്ള സംസ്ഥാനങ്ങള്‍ ഭാജപയും കാങ്ഗ്രസും വീതം വെച്ചാല്‍ ... കാങ്ഗ്രസിനു് പരമാവധി 90 സീറ്റ് കിട്ടും. ഭാജപയ്ക്കു് ഒരു 130. ബാക്കി മറ്റു കക്ഷികള്‍ക്കു്. ഇവരൊക്കെയും തന്നെ സീപ്പീയെമ്മുമായി സഹകരിക്കാന്‍ വിരോധമില്ലാത്തവരാകും. അങ്ങനെയുള്ള ഒരു സാഹചര്യത്തില്‍ സര്‍ക്കാരില്‍ പങ്കാളിയാകാനും വേണ്ടി വന്നാല്‍ കാങ്ഗ്രസിന്റെ തന്നെ പിന്തുണ സ്വീകരിക്കാനും തയ്യാറാണെന്നു് സീപ്പീയെം വ്യക്തമാക്കിയിട്ടുണ്ടു്.
അപ്പോള്‍ വ്യക്തമായ കാഴ്ചപ്പാടുള്ള ഈ മുന്നണി തന്നെയാകട്ടെ ഇന്ത്യ ഭരിക്കുന്നതു്. ഒബാമ പറഞ്ഞതു് പോലെ "യെസ് വി കാന്‍ "

ശശി തരൂര്‍ ഭാജപ സ്ഥാനാര്‍ത്ഥിയോ ?

2009-03-23T00:11:00.000+03:00

വെറുതെയാണോ രാജേട്ടന്‍ ഒഴിഞ്ഞതു്.
ഒരു കോലീബി സഖ്യം ഇങ്ങു് തിരുവനന്തപുരത്തു്. ഭാജപയുടെ പ്രഖ്യാപിതനിലപാടുകളാണു് ശശിയ്ക്കു്. ഇസ്രയേലിന്റെ ഗാസ ആക്രമണം കണ്ടിട്ടു് ഇന്ത്യയ്ക്കു് കൊതിയാവുന്നെന്നു് (അസൂയയാകുന്നുവെന്നു്, ഞങ്ങള്‍ക്കു് ഇങ്ങനെ ചെയ്യാന്‍ പറ്റുന്നില്ലല്ലോ). ഞാന്‍ വെറുതെ പറയുന്നതല്ല, ദോ ലിങ്ക്.
ഇസ്രയേലി പത്രത്തില്‍ അങ്ങേരു് എഴുതിവിട്ടതാണു്.
ഇതു് ഞാന്‍ കണ്ടുപിടിച്ച ലിങ്കല്ല. ഇദ്ദേഹം തന്നതാണു്.
കേവി തോമസ് അവസാന നിമിഷം കയറിക്കൂടിയതും കൂടി നോക്കിയാല്‍ ഒരു കോണ്‍ - ഭാജപ സര്‍ക്കാരിനു് ഒരു സാദ്ധ്യത കാണുന്നുണ്ടു്. ലീഗിനു് ഒരെംപിയെങ്കിലും ഉണ്ടെങ്കില്‍ ആ സര്‍ക്കാരിനു് ലീഗിന്റെ പിന്തുണയും കാണും. മതേതരത്വം സംരക്ഷിക്കണ്ടേ ? അതു് കോണ്‍ഗ്രസിന്റെ കുത്തകയാണല്ലോ.
മാഡത്തിനെ ശശിയ്ക്കു് പുല്ലുവിലയാണു്. എന്നാലും വല്ല പ്രധാനമന്ത്രിയോ മറ്റോ ആകാന്‍ പറ്റിയാലോ? കാലമതല്ലേ. ഏതു് മന്‍മോഹനും പ്രധാനമന്ത്രിയാകാന്‍ പറ്റുന്ന കാലം.

തെരഞ്ഞെടുപ്പു് വിഷ് ലിസ്റ്റ്

2009-03-21T22:50:00.002+03:00

1.മലപ്പുറം : റ്റി.കെ ഹംസ
2.പൊന്നാനി : ഹുസൈന്‍ രണ്ടത്താണി
3.ചാലക്കുടി : യു.പി.ജോസഫ്
4.തൃശൂര്‍ : പി.സി.ചാക്കോ
5.ആറ്റിങ്ങല്‍ : എ.സമ്പത്ത്
6.തിരുവനന്തപുരം : രാമചന്ദ്രന്‍ നായര്‍
7.കൊല്ലം : പി.രാജേന്ദ്രന്‍
8.പത്തനംതിട്ട : അനന്തഗോപന്‍
9.കോട്ടയം : സുരേഷ് കുറുപ്പു്
10.മാവേലിക്കര : കൊടിക്കുന്നില്‍ സുരേഷ്
11.ആലപ്പുഴ : കെ.എസ്.മനോജ്
12.എറണാകുളം : സിന്ധു ജോയ്
13.ഇടുക്കി : പി.റ്റി.തോമസ്
14.ആലത്തൂര്‍ : പി.കെ.ബിജു
15.പാലക്കാടു് : എം.ബി.രാജേഷ്
16.വടകര : പി.സതീദേവി
17.കോഴിക്കോടു് : മുഹമ്മദ് റിയാസ്
18.വയനാടു് : എം.ഐ.ഷാനവാസ്
19.കണ്ണൂര്‍ : കെ.കെ.രാഗേഷ്
20.കാസര്‍ഗോഡ് : പി.കരുണാകരന്‍

സീപ്പീയെമ്മും കോണ്‍ഗ്രസും ജയിച്ചോട്ടെ. ഈര്‍ക്കിലുകള്‍ തോറ്റോട്ടെ എന്ന മാനദണ്ഡമാണു് ഉപയോഗിച്ചതു്.

ഒരു കാലത്തും ജയിക്കാത്ത ഷാനവാസിനെതിരെ സീപ്പീയൈക്കു് കിട്ടിയതു് ഒരു കാലത്തും ജയിക്കാത്ത റഹ്മത്തുള്ള.
രാജ്യസഭയിലൂടെയല്ലാതെ തെരഞ്ഞെടുപ്പില്‍ നില്‍ക്കാന്‍ ധൈര്യം കാണിച്ചതിനു് ശശിതരൂരിനു് പിന്തുണയുണ്ടെങ്കിലും, എന്നാറൈക്കു് വോട്ടവകാശം കിട്ടാന്‍ കാര്യങ്ങള്‍ എളുപ്പമാകും ഇദ്ദേഹം ജയിച്ചാല്‍ എന്നും ഒരു പ്രതീക്ഷയുണ്ടെങ്കിലും കൊക്കക്കോലയുടെ വക്താവാണു് ഇദ്ദേഹമെന്നറിയുന്നതു് കൊണ്ടു് സീപ്പീയൈ രാമചന്ദ്രന്‍ നായര്‍ ജയിച്ചോട്ടെ.

എമ്മെല്ലെമാര്‍ വെറുതെ ജയിച്ചു് ഉപതെരഞ്ഞെടുപ്പു് ഉണ്ടാക്കേണ്ട കാര്യമില്ലല്ലോ. സോ തോമസ് മാഷും വേണുഗോപാലും സുധാകരനും ജയിക്കണ്ട.
ഒരു നിലപാടും വെളിപാടുമില്ലാത്ത മു.ലീഗ് വെറുതെ പാര്‍ലമെന്റില്‍ പോയിട്ടെന്തു് കാര്യം. അഹമ്മദ് സായ്വ് കുറച്ചു് നാള്‍ വീട്ടിലിരിക്കു്. ബഷീര്‍ സായ്വും കൂട്ടിരിക്കു്.

സീപ്പീയെം മുന്നണിയുണ്ടാക്കുമ്പോള്‍ പുറത്തുനിന്നു് പിന്തുണയ്ക്കാന്‍ കുറച്ചു് കോണ്‍ഗ്രസുകാര്‍ വേണ്ടേ ! അതിനാണു് ചാക്കോയും തോമസും ഷാനവാസും സുരേഷും .

ഒരു പാസ്പോര്‍ട്ട് തരൂ പ്ലീസ്

2009-03-18T00:54:00.000+03:00

ബഹു. അഹമ്മദ് സാഹിബിനു്,
ഹജ്ജിനു് പോകാന്‍ "നോമ്പ് നോറ്റിരിക്കുന്ന" ഇന്ത്യന്‍ മുസ്ലിങ്ങള്‍ക്കു് സമയത്തിനു് "ഇന്റര്‍നാഷണല്‍ " പാസ്പോര്‍ട്ട് നല്‍കാന്‍ കഴിയില്ലെന്നും ഇപ്രാവശ്യത്തേക്കു് "മാപ്പാക്കണമെന്നു്" സഊദി ഭരണകൂടത്തോടു് താങ്കള്‍ കെഞ്ചിയെന്നും കേള്‍ക്കുന്നു. എന്താണിതിന്റെ സത്യാവസ്ഥ ? ഇന്റര്‍നാഷണല്‍ പാസ്പോര്‍ട്ടുണ്ടാക്കല്‍ ഇത്ര വിഷമം പിടിച്ച പണിയാണോ ? ഇവിടെയൊക്കെ ഒറ്റ ദിവസം കൊണ്ടു് ഈ മുതല്‍ കിട്ടാറുണ്ടു്.

കേരളത്തില്‍ എത്ര പാര്‍ട്ടികള്‍ വേണം ?

2009-03-16T20:55:00.000+03:00

ശരിക്കും കേരളത്തില്‍ ആറു് പാര്‍ട്ടികളുടെ ആവശ്യം മാത്രമേയുള്ളൂ. ആറു് ഇനിയും വേണമെങ്കില്‍ വെട്ടാം.
1.മാര്‍ക്സിസ്റ്റ് പാര്‍ട്ടി അഥവാ സീപ്പീയൈയെം
2.കോണ്‍ഗ്രസ് അഥവാ അയ്യെന്‍സിയൈ
3.മുസ്ലിം ലീഗ് അഥവാ ഐയുഎമ്മെല്‍
4.ഭാജപ അഥവാ ബീജേപ്പി
5.കേരളാ കോണ്‍ഗ്രസ് അഥവാ കേസി
6.വിരുദ്ധര്‍ അഥവാ വിമതര്‍ അഥവാ അരാഷ്ട്രീയര്‍ അഥവാ ചാനല്‍ ബുജീസ് അഥവാ നണ്‍ ഓഫ് ദീസ്

ഇത്രയും പാര്‍ട്ടികളുടെ സ്ഥാനാര്‍ത്ഥികള്‍ മാത്രം ഉള്ളൂവെങ്കില്‍ പോലും 99% മലയാളികള്‍ക്കും തങ്ങള്‍ക്കു് "കുത്താന്‍ " പറ്റിയ ഒരു പാര്‍ട്ടി കാണും.

ബാക്കി ആളുകള്‍ക്കു് വേണ്ടി എന്തോരം പാര്‍ട്ടികളാ ?

സംവൃതോകാരമില്ലാത്ത കാലം

2009-03-13T22:33:00.000+03:00

സംവൃതോകാരം എന്നതു് വകയ്ക്കു് കൊള്ളാത്ത ഒരു സാധനമാണെന്നും അതിനു് പുരാവസ്തുവിന്റെ സ്ഥാനമേയുള്ളൂവെന്നാണു് പലരും പറഞ്ഞുനടക്കുന്നതു്.

അവന് എന്നെഴുതിയാപ്പോരേ അവനു് എന്നു് തന്നെയെഴുതണോ എന്നാണു് ചോദ്യം. അതാണു് പഠിക്കാനും പഠിപ്പിക്കാനും എളുപ്പമെന്നാണു് ഇക്കൂട്ടരുടെ വാദം.

എന്നാല്‍ അതല്ല ശരി എന്നു് സമര്‍ത്ഥിക്കാനല്ല, അഭിപ്രായപ്പെടാനാണു് ഇവിടെ ഞാന്‍ ശ്രമിക്കുന്നതു്.

ഉച്ചാരണം പരമാവധി കൃത്യമായി മനസ്സിലാക്കാന്‍ സംവൃതോകാരമുപയോഗിച്ചു് ശീലിച്ചാല്‍ നമുക്കു് കഴിയും.

ഉദാഹരണത്തിനു് ഒരിംഗ്ലിഷ് അദ്ധ്യാപകന്‍ കുട്ടിയെപ്പറ്റി പരാതി പറയുന്നതു് നോക്കൂ.
പുതിയ രീതിക്കാരുടെ രീതി ആദ്യം :
"ഉച്ചാരണം ശ്രദ്ധിക്കൂ കുട്ടീ, വാട്ട് എന്നല്ല, വാട്ട് എന്ന് പറയൂ"
"അതുപോലെ ഗിവ് എന്നല്ല , ഗിവ് എന്ന് പറയണം"

പഴമക്കാരുടെ രീതി :

"ഉച്ചാരണം ശ്രദ്ധിക്കൂ കുട്ടീ, വാട്ടു് എന്നല്ല, വാട്ട് എന്നു് പറയൂ"
"അതുപോലെ ഗിവു് എന്നല്ല , ഗിവ് എന്നു് പറയണം"

ഏതാണു് പഠിക്കാനും പഠിപ്പിക്കാനും എളുപ്പം ?

കുട്ടി ചത്തോട്ടെ, ന്നാലും ...

2009-03-13T17:52:00.000+03:00

കുട്ടി ചത്തോട്ടെ, ന്നാലും മര്വോള്‍ടെ കരച്ചില്‍ കാണാലോ എന്ന മട്ടിലാണു് സീപ്പീയൈ എന്നാണു് വെളിയത്തിന്റെ വെളിപാടു് കണ്ടപ്പോ തോന്നിയതു്. തോന്നിയതല്ല, അദ്ദ്യം തെളിച്ചു് തന്നെ പറഞ്ഞൂലോ, ഞങ്ങട മൂന്നു് പോവും, അവരട എല്ലാം പോവും.
അങ്ങനെ തന്നെ വേണം സഖാവേ.
പോട്ടെ സഖാവേ, ആരായാലും കാങ്ഗ്രസിനു് കൈ പൊക്കാനുള്ളതല്ലേ. അതിനിപ്പോ ഈട്ടി മൊഹമ്മദ് ബഷീര്‍ സായ്വ് തന്നെ മതി. ഒരത്താണീം വേണ്ട, കുഞ്ഞാമൂം വേണ്ട. ങ്ങക്കു് ജയിക്കണ്ടെങ്കി പിന്നെ ഞമ്മക്കെന്താ കൂട്ടരെ.
സീപ്പീയൈയുടെ നാലും (അതോ മൂന്നോ) പോവുമെന്നു് ഏകദേശം ഉറപ്പായിക്കഴിഞ്ഞു. കോഴിക്കോടു് ജനതാദളും കളയും. എറണാകുളം സിന്ധുജോയീം കളയും.
എന്നാപ്പിന്നെ അടുത്ത എലക്ഷനു് കാണാം.

മൂന്നാം മുന്നണിയേ !
ആ ഗതികിട്ടാത്ത മുരളിയണ്ണനു് ആരെങ്കിലും ഒരു കൈ കൊടുത്തു് സഹായിക്കണേ.

ചെങ്ങറ - ഭൂമി കൊടുക്കരുതോ

2009-03-07T18:51:00.000+03:00

കിടപ്പാടമില്ലാത്തവരല്ല ചെങ്ങറയില്‍ ഭൂമി കിട്ടാന്‍ സമരം ചെയ്യുന്നതു് എന്നാണു് ഞാന്‍ മനസ്സിലാക്കുന്നതു് (കട: ളാഹ ഗോപാലന്റെ വാക്കുകള്‍ റ്റീവിയിലൂടെ കേട്ടതു്).
അവര്‍ കൃഷിഭൂമിക്കു് വേണ്ടിയാണു് സമരം ചെയ്യുന്നതു്. അതും വീടു് പൂട്ടിയിട്ടോ വാടകയ്ക്കു് കൊടുത്തോ ഒക്കെയാണു് ഈ ജീവന്മരണപോരാട്ടത്തില്‍ മുഴുകിയിരിക്കുന്നതു്.
പാവപ്പെട്ടവരായ "പണക്കാര്‍ " കാശുണ്ടാക്കാന്‍ പെടാപ്പാടു് പെടുമ്പോഴാണു്, കൃഷിക്കാര്‍ (കര്‍ഷകര്‍ എന്നും പറയും) ലോണ്‍ തിരിച്ചടച്ചു് എടങ്ങേറായി കഴിയുമ്പോഴാണു് (അടച്ചവര്‍ക്കു് ഇളവില്ല) ഈ അഭ്യാസമെന്നോര്‍ക്കണം.
എന്നാലും സാരമില്ല. ഒരു പാക്കേജ് പോലെ ഇവര്‍ക്കു് സ്ഥലം കൊടുക്കുക. കൃഷി ചെയ്യാന്‍ മാത്രമായിട്ടു്. ഉടമസ്ഥാവകാശം സര്‍ക്കാരിനു്. കൃഷി ചെയ്തു് മുതലും ലാഭവും എടുത്തോട്ടെ. ലാഭത്തീന്നു് എന്തെങ്കിലും വല്ല "വാടക"യായോ മറ്റോ സര്‍ക്കാരിനു് നികുതി കൊടുക്കുക. ലാഭത്തീന്നു് മതി കേട്ടോ.
അങ്ങനെ ചെങ്ങറ ഒരു നെല്ലറയോ കവുങ്ങറയോ തെങ്ങറയോ ഒക്കെ ആക്കി മാറ്റാം. അമേരിക്കയില്‍ ഒബാമ ആര്‍ക്കും കാശു് വെറുതെ കൊടുക്കരുതെന്ന അഭിപ്രായക്കാരനാണു്. ഓസടിക്കുവോളം ആ ബോദ്ധ്യമുണ്ടായിരിക്കണം. പൊതുജനത്തിനു് കണക്കും കൊടുക്കണം.

God Save America

2009-03-05T19:11:00.000+03:00

ദൈവമേ അമേരിക്കയെ കാത്തോളണേ!
കാര്യം അമേരിക്ക എന്നെ കുറെ ബുദ്ധിമുട്ടിച്ചിട്ടുണ്ടു് എന്നതു് ശരിയാണു്. പക്ഷെ അമേരിക്ക ഒരു പ്രതീക്ഷയാണു്. ഒബാമയെപ്പോലെ ഒരു പ്രതീക്ഷ.
അമേരിക്ക എന്റെ നാട്ടില്‍ ധാരാളം കുഴപ്പങ്ങളുണ്ടാക്കി.
അമേരിക്ക എന്നെ വിമാനത്താവളത്തില്‍ വെച്ചു് അപമാനിച്ചു.
അമേരിക്ക ധാരാളം നിരപരാധികളെ കൊന്നൊടുക്കി.
എങ്കിലും
അമേരിക്ക എനിക്കു് ജോലി തന്നു. എന്റെ കുടുംബം പോറ്റി.
അമേരിക്ക എന്റെ നാട്ടിനു് ധാരാളം വികസനം നല്‍കി.

അമേരിക്ക മാത്രമല്ല ഞാനും എന്റെ നാടും എന്റെ നാട്ടില്‍ കുഴപ്പമുണ്ടാക്കാറുണ്ടു്. എന്റെ നാട്ടിലെ വിമാനത്താവളങ്ങളിലും അപമാനിതരാകാത്തവര്‍ ചുരുക്കം. നിരപരാധികളെ കൊന്നൊടുക്കുന്നതില്‍ ഉന്മത്തരാകുന്നവര്‍ എന്റെ നാട്ടുകാരില്‍ ധാരാളം.
എന്റെ നാടു് എനിക്കു് കുടുംബം പോറ്റാനുള്ള ജോലി നല്‍കിയില്ല. പകരം പണിയന്വേഷിക്കുന്ന പണി നല്‍കി. വല്ലവരും വരുത്തുന്ന വികസനത്തില്‍ കണ്ണുനട്ടു് കഴിയുകയാണു് എന്റെ നാട്ടുകാര്‍ . അതു് അവനവന്റെയൊഴിച്ചു് ആരുടെയും ചുമതലയാണു്.
അമേരിക്ക തകരുന്നു എന്നു് കേള്‍ക്കുമ്പോള്‍ തകരേണ്ടതു് നമ്മുടെ ചങ്കാണു്. ഒന്നു് ചീഞ്ഞാണു് മറ്റേതിനു് വളമാകുന്നതു് എന്നാരോ വെറുതെ പറഞ്ഞതാണു്. കൂടയിലുള്ള ഒരു ചീഞ്ഞ ആപ്പിള്‍ എല്ലാ ആപ്പിളും കേടു് വരുത്തും എന്നതാണു് ശരി.
മഹാമേരു നിലംപൊത്തിയാല്‍ കേടു് ആര്‍ക്കൊക്കെയെന്നു് പ്രവചിക്കാനാകില്ല.
ഒന്നും തകരുന്നതു് ഒരിക്കലും നല്ലതല്ല. ഒരു താഴ്ച എന്നാല്‍ നല്ലതുമാണു്. തെറ്റുകള്‍ തിരുത്താന്‍ അവസരം.

ലോകാഃ സമസ്താഃ സുഖിനോ ഭവന്തു.

ബക്കറ്റിലെ വെള്ളമല്ല കമ്മ്യൂണിസ്റ്റ്

2009-03-04T00:07:00.002+03:00

ഉറുദു കവിയും കവിതക്കാരനും പറയുന്നതു് പോലെ ബക്കറ്റിലെ വെള്ളമാണോ കമ്മ്യൂണിസ്റ്റ് ? ഒരിക്കലുമല്ല. ചുരുട്ടിയ മുഷ്ടിയിലെ വിരലാണു് കമ്മ്യൂണിസ്റ്റ് . മുഷ്ടിയുടെ ശക്തിയെവിടെ കിടക്കുന്നു, വിരലിന്റെ ബലമെവിടെ കിടക്കുന്നു ? എന്നാലോ വിരലൊന്നു് പോയാല്‍ മുഷ്ടിക്കു് ബലക്ഷയമുണ്ടാകും. അപ്പോള്‍ വിരലിനു് അര്‍ബുദം ബാധിച്ചാലോ ? ആ !

വെറുതെ കൊതിപ്പിച്ചു അഥവാ ബിരിയാണി കൊടുക്കുന്നുണ്ടെങ്കിലോ ?

2009-03-03T00:05:00.003+03:00

വെള്ളിയാഴ്ച വൈകിയാണു് ആ ഫോണ്‍ വന്നതു്.
05********** അല്ലേ. അറബിയിലാണു് ചോദ്യം.
ശരിയാണു്. ഏതായാലും റോങ് നമ്പര്‍ അല്ല.
അതെ.
പേരു് ?
പറഞ്ഞുകൊടുത്തു.
താങ്കള്‍ക്കു് സവാ കാര്‍ഡിന്റെ പ്രൈസ് അടിച്ചിട്ടുണ്ടു്.
90000 റിയാല്‍ .
എന്തിനു് ?
ഇപ്പോ ഒരു പ്രൊമോഷന്‍ ഉള്ള വിവരം താങ്കള്‍ക്കറിയില്ലേ. താങ്കളുടെ സിം കാര്‍ഡ് നമ്പര്‍ നറുക്കെടുപ്പിലൂടെ തെരഞ്ഞെടുക്കപ്പെട്ടു. 899660 അല്ലേ അതെന്നു് നോക്കൂ. ആണെങ്കില്‍ എന്നെ തിരിച്ചുവിളിക്കൂ.
റിസഷനൊക്കെയല്ലേ, കാശു് കിട്ടുമെങ്കില്‍ മേടിച്ചേക്കാം. സിം കാര്‍ഡ് നോക്കി. അമ്പട ! 899660 കറക്റ്റ്.
തിരിച്ചു വിളിച്ചു. ബിസി. കുറെ ശ്രമത്തിനു് ശേഷം ആളെക്കിട്ടി.
ഞാന്‍ 899660 ന്റെ ആളാണു്.
നിങ്ങളുടെ സ്ഥലമെവിടെയാണു് ?
അതൊക്കെപ്പറയാം കാശെവിടുന്നു് കിട്ടുമെന്നു് പറ.
അതു് അല്‍റാജ്ഹി ബാങ്കില്‍ പോയാല്‍ കിട്ടും. നിങ്ങളുടെ ഇഖാമയുടെ കോപ്പിയും സിംകാര്‍ഡിന്റെ കോപ്പിയും കൊണ്ടു് പോയാല്‍ മതി. പിന്നെ എന്റെ കയ്യിലുള്ള സമ്മാനറ്റിക്കറ്റും വേണം.
ഓഹോ റ്റിക്കറ്റ് കിട്ടാന്‍ ഞാന്‍ എസ് റ്റി സി യുടെ ഏതു് ഓഫീസിലാണു് പോകേണ്ടതു് ?
അതങ്ങനെ ഓഫീസില്‍ പോയാലൊന്നും കിട്ടില്ല. ഞാന്‍ നേരിട്ടു് തന്നെ തരാം. പക്ഷെ എനിക്കു് നീ 300 റിയാലിന്റെ രണ്ടു് റീചാര്‍ജ് കൂപ്പണ്‍ തരണം.
എസ് റ്റീ സി യിലും എച്ചികളോ ?
ഒരു കാര്യം ചെയ്യാം. കാശു് മേടിച്ചിട്ടു് ഒരു പത്തു് കൂപ്പണ്‍ തന്നെ വാങ്ങിത്തന്നേക്കാം.
അതു് പറ്റില്ല. ആദ്യം കൂപ്പണ്‍ , പിന്നെ റ്റിക്കറ്റ്.
അതു് നീ മറ്റാരോടെങ്കിലും പറഞ്ഞാല്‍ മതി. ആദ്യം റ്റിക്കറ്റ് മാറി പണം കിട്ടട്ടെ. എന്നിട്ടു് കൂപ്പണിന്റെ കാര്യം ചിന്തിച്ചാല്‍ മതി.
ശരി, എന്നാല്‍ നീ നാളെ രാവിലെ ഒമ്പതു്മണിയ്ക്കു് ബാങ്കില്‍ വാ. അവിടെയെത്തിയിട്ടു് എന്നെ വിളിച്ചാല്‍ മതി. കൂപ്പണ്‍ കൊണ്ടുവരാന്‍ മറക്കരുതു്. കാശു് കിട്ടിയിട്ടു് കൂപ്പണ്‍ തന്നാല്‍ മതി. പക്ഷെ ഒരു കാര്യം, ഈ വിവരം ആരോടും പറയരുതു്.
ശരി. ഫോണ്‍ കട്ടായി.

ഇതു് തട്ടിപ്പാണെന്നതു് തെളിയിക്കാമോ സൌദിയിലെ സുഹൃത്തുക്കളേ ?

മത്സരം നിറുത്തി.
ഇനി ഉത്തരത്തിനു് കാക്കുന്നില്ല.
എസ്റ്റീസിയില്‍ ജോലി ചെയ്യുന്നയാള്‍ക്കു് പോലുമറിയില്ല 899660 എന്നതു് സവായുടെ ഏതു് സിം കാര്‍ഡിലും കാണുമെന്നു് ! പിന്നെയാണോ ബിരിയാണി കഴിക്കാനോടുന്ന ജനങ്ങള്‍ക്കു്..

അതു് മാത്രമല്ല. എസ്റ്റീസിക്കാരനു് ആളെ ഫോണില്‍ വിളിച്ചു് സമ്മാനം കൊടുക്കേണ്ട കാര്യമില്ല. അതും സബ്സ്ക്രൈബറുടെ പേരു് പോലുമറിയാതെ.

അതു് കൊണ്ടു് സുഹൃത്തുക്കളേ, ബിരിയാണി കൊതിയന്മാരേ ജാഗ്രതൈ !

കുഴപ്പമില്ല

2009-02-06T23:08:00.023+03:00

കുഴപ്പമില്ല, തരക്കേടില്ല തുടങ്ങി ഇല്ല വാക്കുകള്‍ ഉപയോഗിക്കുന്നതില്‍ മലയാളികള്‍ പിന്നിലല്ല. ഇതൊരു തരം നെഗറ്റിവ് തിങ്കിങ് കൊണ്ടുണ്ടാകുന്നതാണു് എന്നാണു് എന്റെ പക്ഷം.
എന്തൊക്കെയുണ്ടെടോ എന്നൊരു സുഹൃത്തു് കുശലം ചോദിച്ചാല്‍ "കുഴപ്പമില്ല" എന്നും "മാഫി മുശ്കില" എന്നും മലയാളികള്‍ തരം പോലെ പറയുന്നതു് ധാരാളം കണ്ടിട്ടുണ്ടു്.
"സുഖമാണു്" എന്നു് പറയാന്‍ എന്തിനാണു് മടിക്കുന്നതു് . പറയുമ്പോഴെങ്കിലും ഒരു സുഖം കിട്ടുന്നതു് കളയണോ ?
ഒരു സിനിമയെപ്പറ്റിയാണെങ്കിലും "തരക്കേടില്ല" എന്നതിനേക്കാള്‍ നല്ലതല്ലേ "കണ്ടിരിക്കാം" എന്നതു്.
Not bad is always inferior to good.

സോമനാഥിനു് പഠിക്കുന്നോ അച്ചുതാനന്ദന്‍ ?

2009-02-05T01:07:00.022+03:00

പെട്ടെന്നൊരു ദിവസം സോമനാഥിനു് വെളിപാടുണ്ടായി ,താന്‍ പാര്‍ട്ടിക്കൊക്കെ മീതെയാണെന്നു് , ഇനി പാര്‍ട്ടിയില്‍ നിന്നും കൂടുതലായി ഒന്നും കിട്ടാനില്ലെന്നു് . അതുകൊണ്ടു് കിട്ടിയ സ്ഥാനം കളയേണ്ടതില്ല. എപ്പോഴും പറ്റില്ലല്ലോ "ആളാകാന്‍ ". അങ്ങനെ സോമനാഥ് പാര്‍ട്ടിക്കു് പരമാവധി ചീത്തപ്പേരുണ്ടാക്കിക്കൊടുത്തു് വിടവാങ്ങി. ഭാര്യയ്ക്കും മക്കള്‍ക്കും നല്ല ജോലിയുണ്ടു്, മുഖ്യമന്ത്രിയായി, പീബീലുണ്ടു് . ചികിത്സിക്കാന്‍ വിദേശ ആശുപത്രികള്‍ ക്യൂ നില്‍ക്കുന്നു. ഇനി കൂടുതല്‍ എന്തു് പ്രതീക്ഷിക്കാന്‍ ? കൂടെ നില്‍ക്കുന്ന സഖാക്കള്‍ക്കു് പരമാവധി പാര പണിയുക. താന്‍ മാത്രമേ കേമനുള്ളൂ, മറ്റുള്ളവര്‍ പോഴന്മാര്‍ , കള്ളന്മാര്‍ , വെറുക്കപ്പെട്ടവര്‍ .
വാചകം മാത്രം.
സോമനാഥിനു് കാണിച്ചു കൊടുത്ത ആ വഴി ഇദ്ദേഹത്തിനും കാണിച്ചുകൊടുത്തൂടേ കാരാട്ട് സഖാവേ ?
ബാക്കിയുള്ള സമയമെങ്കിലും ഭരിക്കാനറിയാവുന്ന ആരെയെങ്കിലും പിടിച്ചിരുത്തു് കൂട്ടരെ !

ക്രീമി കടി

2009-01-16T17:46:00.000+03:00

ക്രീമിലെയര്‍ അഥവാ വെണ്ണപ്പാളി സംവരണത്തില്‍ ആവശ്യമില്ല. കാരണം അങ്ങനെയൊരു പാളി കണ്ടുപിടിക്കാന്‍ നിലവിലുള്ള മാര്‍ഗ്ഗങ്ങള്‍ പര്യാപ്തമല്ല എന്നതാണു്. പാളി രണ്ടു് ലക്ഷത്തില്‍ നിജപ്പെടുത്തിയാല്‍ മാസം ഇരുപതിനായിരം വാങ്ങുന്ന സര്‍ക്കാര്‍ ഉദ്യോഗസ്ഥരുടെ മക്കള്‍ കൃമികളാകും. റ്റാക്സ് അടയ്ക്കാത്ത വിസിനസുകാരുടെ മക്കള്‍ , പാവങ്ങള്‍ , കയറിക്കൂടുകയും ചെയ്യും. പ്രവാസികളുടെ വരുമാനം അളക്കാന്‍ മാര്‍ഗ്ഗമൊന്നുമില്ലല്ലോ.
തഹസില്‍ദാരുടെ ക്രിമിലെയര്‍ സര്‍ട്ടിഫിക്കറ്റ് കിട്ടണേ അത്യാവശ്യം ഹോള്‍ഡൊക്കെ വേണ്ടിവരും , അതു് പണക്കാര്‍ക്കു് കിട്ടാന്‍ നമ്മുടെ നാട്ടില്‍ വല്യ മുടക്കൊന്നുമില്ല. സര്‍ക്കാര്‍ ജീവനക്കാര്‍ക്കും നേരെചൊവ്വെ ജീവിക്കുന്നവര്‍ക്കും ബുദ്ധിമുട്ടാകുമെന്നു് മാത്രം.
പിന്നെയൊരു നിര്‍ദ്ദേശം എനിക്കുള്ളതു് സംവരണത്തിന്റെ ആനുകൂല്യം ഒരു കുടുംബകണ്ണിയില്‍ ഒരാള്‍ക്കു് മാത്രമായി നിജപ്പെടുത്തുക എന്നതാണു്. അതായതു് ഞാന്‍ ഈ ആനുകൂല്യം ഉപയോഗിച്ചാല്‍ എന്റെ മക്കള്‍ക്കു് അതു് നിഷേധിക്കണം എന്നതാണു്. എന്റെ സഹോദരര്‍ക്കോ ഭാര്യയ്ക്കോ നിഷേധിക്കാന്‍ പാടില്ല താനും. ക്രിമിലെയര്‍ ഒരു പരിഹാരമല്ല, ഒരു പ്രശ്നമാണു്. സാമ്പത്തികാവസ്ഥ മാറിമറിയാന്‍ ഒരു നിമിഷം മതി. "സത്യം" നിക്ഷേപകരുടെ കാര്യം മാത്രം ഓര്‍ത്താല്‍ മതി.

ഇതു് വായിച്ചപ്പോ തോന്നിയതാണു്.

വോട്ട് രാഷ്ട്രീയം അവകാശം

2009-01-14T19:55:00.000+03:00

രാഷ്ടീയക്കാരെ പരിഹസിക്കുന്നതു് നമ്മുടെ ഒരു വിനോദമായി മാറിയിരിക്കുന്നു. അവര്‍ അഴിമതിക്കാരാണു്, കോര്‍പറേറ്റ് ഭീമന്മാരെ ആ പണിയേല്പിക്കൂ (ഭരണമേ !) എന്നു് തുടങ്ങി വോട്ട് ബഹിഷ്കരിക്കൂ എന്നു് വരെ വാദങ്ങള്‍ നീളുന്നു. തനിക്കു് തൃപ്തിയില്ലാത്ത സ്ഥാനാര്‍ത്ഥികളേയുള്ളൂവെങ്കില്‍ "നണ്‍ ഒഫ് ദീസ്" ഓപ്ഷന്‍ വേണമെന്നാണു് പുതിയ വാദം. "നണ്‍ ഒഫ് ദീസ്" ജയിച്ചാല്‍ തെരഞ്ഞെടുപ്പ് അസാധുവാകണം പോലും. കൊള്ളാം, നല്ല ചിന്ത. എന്നാലും "നമ്മള്‍" ഇതിനൊന്നും നില്‍ക്കില്ല, അതിനു് രാഷ്ട്രീയക്കാരുണ്ടല്ലോ. "നാം" ജോലി ചെയ്യുന്നു, കുടുംബം പോറ്റുന്നു, നമുക്കു് ചീത്ത പറയാനല്ലോ രാഷ്ട്രീയക്കാര്‍.
"സത്യം" പുറത്തായതോടെ ഇനി കോര്‍പറേറ്റുകള്‍ക്കും മാര്‍ക്കറ്റില്ല. ഇനിയാരു് ഭരിക്കുമെന്റെ ശിവനേ .
മമ്മൂട്ടിയാണെങ്കില്‍ വോട്ട് ചെയ്യാത്തവര്‍ മിണ്ടിപ്പോകരുതു് (ഇത്തിരി കടുപ്പം ഞാനിട്ടതാണു്) എന്ന അഭിപ്രായക്കാരനാണു്. പ്രവാസികള്‍ക്കു് വോട്ടവകാശം ഇല്ലാത്തതു് കൊണ്ടു് പ്രവാസികളേ നിങ്ങള്‍ ബ്ലോഗിലൂടെ പോലും നാടിനെപ്പറ്റി അഭിപ്രായങ്ങള്‍ പ്രകടിപ്പിക്കരുതു്.വല്ല കഥയോ കദയോ, കവിതയോ, തമാശയോ, വളിപ്പോ മാത്രം എഴുതി ജീവിക്കുക.
ഇനി വെബില്‍ മാത്രം ജീവിക്കുന്ന റാല്‍മിനോവിന്റെ കാര്യമോ ? കട്ടപ്പൊക.

പ്രശസ്തരുടെ ബ്ലോഗ് സ്പൂഫ് ചെയ്യാന്‍...

2009-01-10T21:49:00.000+03:00

പ്രശസ്തരുടെ ബ്ലോഗ് സ്പൂഫ് ചെയ്യാന്‍ ചിന്ത ബ്ലോഗ് റോള്‍ ഉപയോഗിക്കുന്നതും കണ്ടു. പോളിനു് (ചിന്ത) ഒന്നും ചെയ്യാന്‍ കഴിയില്ലായിരിക്കാം. അതാണു് സാങ്കേതികത ദുരുപയോഗം ചെയ്താലുള്ള അവസ്ഥ. ഒരു നല്ല കാര്യം ആരെങ്കിലും ചെയ്താല്‍ അതെങ്ങനെയെങ്കിലും നശിപ്പിക്കണം എന്ന ചിന്ത എല്ലാ മലയാളികളുടെയും മനസ്സില്‍ നിന്നു് എന്നാണാവോ മാറുന്നതു് ? (എല്ലാ മലയാളികള്‍ക്കും അങ്ങനെ ഒരു ചിന്തയുണ്ടന്നു് അര്‍ത്ഥം കല്പിക്കേണ്ടതില്ല).മമ്മൂട്ടിയുടെ ബ്ലോഗാണല്ലോ ഇപ്പഴത്തെ ഹിറ്റ്. അതിനു് മാസ്കും സ്പൂഫുമായി അണ്ണന്മാര്‍ എത്തിക്കഴിഞ്ഞു. മമ്മൂട്ടിയുടെ പുതിയ പോസ്റ്റ് ഞാന്‍ ആദ്യം വായിച്ചതു് സ്പൂഫ് ചെയ്ത സൈറ്റില്‍ നിന്നു് !
ഇനി ബ്ലോഗ് റോള്‍ ഉപേക്ഷിക്കേണ്ടി വരുമോ ? ബ്ലോഗിലെ ഫീഡ് ഉപയോഗിച്ചു് വായിക്കാന്‍ പഠിക്കാം. ബ്ലോഗ് റോള്‍ ഒരു റഫറന്‍സാകട്ടെ, പുതിയ പോസ്റ്റുകള്‍, ബ്ലോഗുകള്‍ , കാണാന്‍ ...

നാനോ ഫ്രോഡ് - വായിക്കാന്‍ മറക്കല്ലേ

2009-01-06T20:06:00.000+03:00

സൂരജിന്റെ ഈ പോസ്റ്റ് വായിക്കാന്‍ മറക്കല്ലേ. അതിന്റെ ലിങ്ക് സകലമാന മാനവര്‍ക്കും അയച്ചുകൊടുക്കാനും...

മലയാളികളെല്ലാവരും മണ്ടന്മാരല്ല എന്നു് ഫ്രോഡുകള്‍ മനസ്സിലാക്കട്ടെ.
ഇതൊരു മാസ് പെറ്റീഷന്‍ പോലെയൊക്കെ മാറ്റി സര്‍ക്കാരിനെ അറിയിച്ചാലോ ?
ഇവമ്മാരെ വെറുതെ വിട്ടുകൂടാ.

ഇതും നല്ലതിനാകട്ടെ അഥവാ മമ്മൂട്ടിയുടെ ബ്ലോഗ്

2009-01-03T21:41:00.000+03:00

മമ്മൂട്ടി ബ്ലോഗ് തുടങ്ങി. ഇതിനി അറിയാന്‍ ഭൂമിമലയാളത്തില്‍ ഞാന്‍ മാത്രമേ ബാക്കിയുണ്ടായിരുന്നുള്ളൂ. ആള്‍ക്കൂട്ടത്തില്‍ ഒരാളായി അവിടെ കമന്റുന്നതില്‍ ഒരു ത്രില്‍ തോന്നാഞ്ഞതു്കൊണ്ടും എനിക്കുമൊരു സ്ഥലമുള്ളതു് കൊണ്ടും ഇവിടെകിടക്കട്ടെ കുന്തം എന്നു് കരുതിയതു് കൊണ്ടും...
മമ്മൂട്ടി പോലെ പ്രശസ്തനായ ഒരാള്‍ ഔദ്യോഗികമായിത്തന്നെ ബ്ലോഗ് തുടങ്ങിയതു് കണ്ടപ്പോള്‍ സന്തോഷം തോന്നി. മമ്മൂട്ടിക്കു് ഇതിനൊന്നും സമയം കാണില്ല. അതൊക്കെ കൂലിയെഴുത്തുകാരുടെ പണിയാകും എന്നൊക്കെ ദോഷൈകദൃക്കുകള്‍ പാട്ടു് തുടങ്ങിയിട്ടുണ്ടു്. അവിടെ എന്തു് എഴുതപ്പെട്ടാലും അതു് മമ്മൂട്ടി അഭിപ്രായമായി കരുതാവുന്ന സാഹചര്യത്തില്‍ മമ്മൂട്ടി അങ്ങനെയൊരു സാഹസത്തിനു് തുനിയും എന്നു് ഞാന്‍ കരുതുന്നില്ല. എഴുതുന്നതാരു് എന്നതു് ഒരു വിഷയമേയല്ല. അതു് മമ്മൂട്ടിയുടെ അഭിപ്രായമാണു് എന്നതിനാണു് പ്രസക്തി. പിന്നെ , ഒരു ചോദ്യാവലി അയച്ചുകൊടുത്തിരിക്കുകയാണു് ചിലര്‍ . അഭിപ്രായം പറയാന്‍ സ്വാതന്ത്ര്യമുള്ളതു് പോലെ തന്നെ പറയാതിരിക്കാനുമുണ്ടു് സ്വാതന്ത്ര്യം. (ചോദിക്കാനുമുണ്ടെന്നതു് വിസ്മരിക്കുന്നില്ല, ഇതു് പോലെ പ്രതികരിക്കാനുമുണ്ടെന്നും കൂട്ടിക്കോളൂ).
ഒരു കാര്യത്തില്‍ അദ്ദേഹം അഭിപ്രായം പറഞ്ഞാല്‍ എല്ലാക്കാര്യത്തിനും അഭിപ്രായം പറയണമെന്നതു് എന്തു് നീതിയാണു് ?
പറഞ്ഞു്വന്നതു് ഇതൊന്നുമല്ല. മമ്മൂട്ടിയെ മാതൃകയാക്കി രാഷ്ട്രീയക്കാരും മറ്റു് സിനിമാക്കാരും ബ്ലോഗ് തുടങ്ങണം. ജനമദ്ധ്യത്തിലേക്കു് ഇറങ്ങാന്‍ ഇതും ഒരു വഴിയാണിപ്പോള്‍ , പ്രത്യേകിച്ചു് മഴയോ ബന്തോ ഒക്കെ ആകുമ്പോള്‍ .
ഗുണപാഠചിത്രങ്ങളില്‍ മാത്രമേ താങ്കള്‍ അഭിനയിക്കാവൂ എന്നൊക്കെ അഭിപ്രായം കണ്ടു. അതാണു് ശരി. നന്മയുടെ ആള്‍രൂപങ്ങളായി മാത്രം അഭിനയിച്ചാല്‍ മതി. അതിനാകുമ്പോള്‍ ശരിക്കു് "അഭിനയിക്കേണ്ടി" വരും. ശരിയുടെ ഭാഗത്തു് നിന്നു് മാത്രം പ്രവര്‍ത്തിക്കുന്ന ആളായി അഭിനയിക്കൂ. അക്രമസിനിമകള്‍ കൈവെടിയൂ.
താങ്കള്‍ അഭിനയിച്ചതിനേക്കാള്‍ കൂടുതല്‍ കഥാപാത്രങ്ങള്‍ പുറത്തു് കാത്തുകിടക്കുമ്പോള്‍ എന്തിനു് വെറുതെ ഫോര്‍മുലകളുടെ പുറകേ പോകുന്നു ?
മമ്മൂട്ടി തന്റെ നയങ്ങള്‍ വ്യക്തമാക്കട്ടെ . തുടര്‍ന്നു് മറ്റുള്ളവരും...

[മമ്മൂട്ടിക്കു് ഒരു വേഡ്പ്രസ് ബ്ലോഗായിരുന്നു നല്ലതു്.. ഈ ഫ്രീ ബ്ലോഗറെക്കാള്‍ , അതു് മമ്മൂട്ടി ഡോട് കോമില്‍ തന്നെ ആകാമായിരുന്നു താനും]

ബലിപെരുന്നാളിലെ ബലി - ഒരു വായന

2008-12-10T20:58:00.000+03:00

സുനന്ദ് കെ നമ്പ്യാരാണു് ഈ പഴയ പോസ്റ്റിലേക്കു് ലിങ്ക് തന്നതു്. അത്യാവശ്യമായും വായിച്ചിരിക്കേണ്ട ഒരു പോസ്റ്റാണു് എന്നാണു് സുനന്ദ് പറഞ്ഞതു്. എന്റെ അഭിപ്രായമാണു് ചുവടെ.

ഇസ്ലാം എല്ലാക്കാലത്തേക്കുമുള്ള മതമാണെന്നും ശാസ്ത്രീയമാണെന്നും മറ്റും മറ്റും പലയിടത്തും വായിക്കാനിടയായി. ഈയിടെ ഒരു ഇസ്രയേലി വെബ്സൈറ്റിലും ഖുറാനിന്റെ മഹത്വം വെളിവാക്കുന്നതു് കാണാനിടയായി. എന്നാല്‍ ബലിപെരുന്നാളിനോടനുബന്ധിച്ചു് നടത്തപ്പെടുന്ന നിര്‍ബന്ധിത മൃഗബലി വളരെ ക്രൂരമല്ലേ എന്നാളുകള്‍ ചിന്തിക്കുന്നതില്‍ കുഴപ്പമുണ്ടോ ? ഈ ഒരു സാഹചര്യത്തില്‍ മുന്‍ പരാമര്‍ശിച്ച പോസ്റ്റ് വളരെ ശ്രദ്ധയാകര്‍ഷിക്കേണ്ടതും പഠനാര്‍ഹവുമാണു്.
ഇബ്രാഹീം(അബ്രഹാം) നബിയുടെ കാലത്തു് ഏറ്റവും വിലപിടിപ്പുള്ള വസ്തുക്കള്‍ കന്നുകാലികളായിരുന്നു. അതിനാല്‍ അതിനെ ദൈവപ്രീതിയ്ക്കായി ബലിയര്‍പ്പിക്കുക എന്നതു് ഒരു ത്യാഗം തന്നെയാണു്. മറ്റൊന്നു് , നരബലിയേക്കാള്‍ ഭേദം മൃഗബലിയാണു് എന്ന ഒരു സന്ദേശവും അതിലുണ്ടു്. എന്നാല്‍ ഇന്നോ. 350-400 റിയാല്‍ കൊടുത്താല്‍ ബലിയ്ക്കുള്ള സംഖ്യയായി. അതില്‍ എന്തു് ത്യാഗമാണുള്ളതു്. അതു് തന്നെ കാശിന്റെ ലാഭം നോക്കി പിന്നേയ്ക്കു് മാറ്റി വയ്ക്കുന്ന വിരുതന്മാരേയും എനിക്കറിയാം. യഥാര്‍ത്ഥത്തില്‍ വേണ്ടതു് നമുക്കു് വളരെ വേണ്ടപ്പെട്ട വസ്തുക്കള്‍ ഉപേക്ഷിക്കാനുള്ള മാനസികാവസ്ഥ നേടിയെടുക്കുകയാണു് ഈ ബലിദിനത്തില്‍ മുസ്ലിങ്ങള്‍ ചെയ്യേണ്ടതു്. അതെങ്ങനെ, വിവാദവാര്‍ത്തകള്‍ ഫോളോ ചെയ്യാന്‍ നമസ്കാരം പോലും പിന്നത്തേക്കു് മാറ്റുന്ന മുസ്ലിങ്ങളുള്ള നാടാണിതു്. കാലികളെ കശാപ്പു് ചെയ്യാനാണു് ഖുര്‍ആന്‍ ഉപദേശിക്കുന്നതു് എന്നല്ല ഞാന്‍ മനസ്സിലാക്കുന്നതു്. ആലങ്കാരികമായി പറയുന്നതു് വാക്ക്യാര്‍ത്ഥത്തില്‍ എടുത്താലുണ്ടാകുന്ന കുഴപ്പങ്ങളാണിതു്. അന്നത്തെ കാലത്തു് കാലികളായിരുന്നു സമ്പത്തു്. അന്നു് അതിനെ ബലിയര്‍പ്പിച്ചു. ഇന്നു് കാലികളെ ഈയാവശ്യത്തിനു് വേണ്ടി ആസ്ത്രേലിയായില്‍ നിന്നും മറ്റും വരുത്തി ബലിയര്‍പ്പിക്കുന്നു. 400 റിയാലിന്റെ ത്യാഗം !
മൃഗങ്ങളെ കശാപ്പു് ചെയ്യുന്നതില്‍ എനിക്കു് യാതൊരു വിരോധവുമില്ല.മനുഷ്യനു് പുല്ല് വിലയുള്ള നാടാണു് നമ്മുടേതു്. എന്നാലതു് നിര്‍ബന്ധിതവും മതത്തിന്റെ പേരിലുമാകുമ്പോള്‍ എന്തോ ഒരിതു് ! അതും ഇസ്ലാമില്‍ !
ഖുര്‍ആന്‍ ശാസ്ത്രീയമാണെന്നു് സമര്‍ത്ഥിക്കാന്‍ പുതിയ വ്യാഖ്യാനങ്ങള്‍ ചമയ്ക്കുന്നതിനോടു് എനിക്കു് വിരോധമില്ല. കാരണം വ്യാഖ്യാനങ്ങള്‍ കാലാകാലങ്ങളില്‍ മാറ്റാന്‍ സാധിക്കും. ബുദ്ധി വളരുന്നതിനനുസരിച്ചു് വ്യാഖ്യാനങ്ങളും മാറ്റാന്‍ സാധിക്കും. മൂലകൃതി അതുപോലെ തന്നെ തുടരുകയും ചെയ്യും. എങ്ങും തൊടാതെ കാര്യങ്ങള്‍ പറയുന്നതു് (ആലങ്കാരികമായി) ഖുര്‍ആനിന്റെ ഒരു രീതിയാണു്. അതുകൊണ്ടു് തന്നെയാണു് അതു് എക്കാലവും നിലനില്‍ക്കാന്‍ കഴിയുന്നതു്. ഈ ബലിയുടെ കാര്യത്തിലും ഒരു പുനര്‍വായന ആയിക്കൂടേ.

[ഖുര്‍ആനിനെ പറ്റിയുള്ള പരാമര്‍ശങ്ങള്‍ ഗൂഗിളും വിക്കിയും മറ്റു് സോഴ്സുകളും ഉപയോഗിച്ചു് എഴുതിയതാണു്. ആധികാരികത അവകാശപ്പെടുന്നില്ല. എന്റെ മാത്രം നിഗമനങ്ങളാണു് ഇവിടെ എഴുതിയിരിക്കുന്നതു്. മുസ്ലിം സുഹൃത്തുക്കള്‍ ക്ഷമിക്കുക ]

എല്ലാവര്‍ക്കും ബലിപെരുന്നാളാശംസകള്‍

ഇനി പട്ടാളം ഭരിച്ചാ മതി.

2008-12-10T01:23:00.000+03:00

തീവ്രവാദികള്‍ അരങ്ങു് തകര്‍ക്കുന്നു. രാഷ്ട്രീയക്കാരാണെങ്കില്‍ കുപ്പായം മാറ്റി (സോറി മന്ത്രിമാരെ മാറ്റി) കളിക്കുന്നു. "പണ്ടും പറഞ്ഞൂ ഞാന്‍ സൂക്ഷിക്കണംന്നു് " പറയണതു് പ്രതിരോധമന്ത്രി. പ്രതിരോധം ഭേദിച്ചാണല്ലോ വിദേശികള്‍ ആക്രമിക്കുന്നതു്. പക്ഷെ അതു് ഭാരതത്തിന്റെ ആഭ്യന്തര പ്രശ്നമായി ചുരുങ്ങിപ്പോയി. ആ ഒരര്‍ത്ഥത്തില്‍ ആരെങ്കിലും നോക്കിയാല്‍ രാജിവെക്കും എന്നു് ഭീഷണിപ്പെടുത്തുന്ന ആളാണു് പ്രതിരോധവകുപ്പില്‍ എന്നു് എല്ലാവര്‍ക്കും അറിയാവുന്നതു് കൊണ്ടു് ആരും അതിനു് മുതിര്‍ന്നു് കണ്ടില്ല.

സെപ്തംബര്‍ 11നു് ശേഷം അമേരിക്ക കാട്ടിക്കൂട്ടിയ വിക്രസ്സുകളാണു് ഇന്ത്യന്‍ സര്‍ക്കാരിന്റെ പ്രചോദനമെങ്കില്‍ അമേരിക്ക അകപ്പെട്ട കെണി കൂടി മനസ്സിലാക്കുന്നതും നല്ലതായിരിക്കും. ഇന്ത്യന്‍ ജനതയെ ഭയപ്പെടുത്തി ഭീകരനിയമങ്ങള്‍ കൊണ്ടു്വന്നു് തോന്ന്യാസ ഭരണം നടത്താനാണു് പരിപാടിയെങ്കില്‍ അതിനെ എതിര്‍ത്തു്തോല്‍പ്പിക്കേണ്ടതുണ്ടു്.
ഒരു സുനാമി വന്നാല്‍ വാവിട്ടു് നിലവിളിക്കും.
ഒരു ഭീകരാക്രമണം നടന്നാല്‍ പാക്കിസ്ഥാന്റെ മെക്കിട്ടു് കേറും.
അമേരിക്കയില്‍ ആര്‍ക്കെങ്കിലും ജലദോഷം വന്നാല്‍ സ്റ്റോക്ക് മാര്‍ക്കറ്റ് തൂഫാനാകും.
എന്നാലും നമ്മുടെ ഫണ്ടമെന്റലുകള്‍ എപ്പഴും സ്റ്റ്രോങ് ആയിരിക്കും.
യുദ്ധമൊക്കെ നാം നമ്മുടെ മണ്ണില്‍ വച്ചു് മാത്രം ചെയ്യുകയുള്ളൂ. എന്നാലല്ലേ ഗ്രൌണ്ട് സപ്പോര്‍ട്ട് കിട്ടുകയുള്ളൂ.
ആകെയുള്ള യുറേനിയമൊക്കെ നാം ആളാകാന്‍ പൊട്ടിച്ചു് കളയും. പിന്നെ യുറേനിയവും ചോദിച്ചു് കണ്ണീക്കണ്ടവരുടെ ഒക്കെ പുറകെ നടക്കും. മാനം പണയം വച്ച കരാറാണെങ്കിലും അതൊപ്പിട്ടതില്‍ മേനി നടിക്കും.

ഇനി പട്ടാളം ഭരിച്ചാ മതിയെന്നു് പലരും കൂവി വിളിക്കുന്നുണ്ടു്. ഏതു് പട്ടാളം ? പത്തു് ചുള്ളന്മാരെ പിടിക്കാന്‍ ഇല്ലവും ചുട്ടിട്ടും മൂന്നാലു് ദിവസം പാടു്പെട്ടവരുടെ നേതൃത്വമോ ? അതിര്‍ത്തി ഭേദിച്ചു് ഇവമ്മാരൊക്കെ അകത്തു്കയറിയതറിയാത്തവരുടെ പട്ടാളമോ ?

അഞ്ചു്കൊല്ലം കഴിഞ്ഞാലെങ്കിലും ജനങ്ങളോടു് സമാധാനം പറയണം എന്ന ഒരവസ്ഥയെങ്കിലും ഇന്നുണ്ടു്. ഇനി പട്ടാളത്തോന്ന്യാസം വന്നാ ഇവരൊക്കെത്തന്നെയല്ലേ അന്നും "കാക്കാനുണ്ടാവുക".ചോദ്യോം പറച്ചിലും ഒന്നും ഉണ്ടാവില്ല എന്നു് മാത്രം.

അതുകൊണ്ടു് ജനങ്ങളേ.. നമ്മുടെ ബഹന്‍ജി, സര്‍വസമാജ് നേതാ, മായാവതിയെ പ്രധാനമന്ത്രിയാക്കാന്‍ വേണ്ടതു് ചെയ്യുക. പെണ്ണൊരുമ്പെട്ടാല്‍ എന്നു് കേട്ടിട്ടില്ലേ.

ഇസ്ലാമിക് ബാങ്കിങ്

2008-12-09T03:44:00.000+03:00

ഇസ്ലാമിക് ബാങ്കിങ് കാലഘട്ടത്തിന്റെ ആവശ്യമാണു് എന്ന മട്ടില്‍ പല കോണുകളില്‍ നിന്നും കേള്‍ക്കാനിടയായതായി കണ്ടു. എന്നാല്‍ എന്താണു് ഇസ്ലാമിക് ബാങ്കിങ് ? എനിക്കറിയാവുന്നതു് ഇവിടെ നിലവിലുള്ള ഇസ്ലാമിക് ബാങ്കിങിനെ പറ്റിയാണു്. എന്റെ അറിവു് ശരിയാകണമെന്നും ഇല്ല. ഒരു ബാങ്കിന്റെ "ഇസ്ലാമിക്" ഫിക്സഡ് ഡെപ്പോസിറ്റ് സ്കീമില്‍ നിന്നും കിട്ടിയ പരിമിതമായ അറിവാണു് എന്നു് പറയുന്നതാകും കൂടുതല്‍ ശരി. അതിന്‍ പ്രകാരം നാം ഇന്നു് പണം നിക്ഷേപിക്കുമ്പോള്‍ ബാങ്ക് അതു് "കമ്മോഡിറ്റി"യാക്കി മാറ്റുന്നു പോലും. അതു് നിശ്ചിത കാലം കഴിയുമ്പോള്‍ മുന്‍ നിശ്ചയപ്രകാരമുള്ള ഉയര്‍ന്നവിലയില്‍ ബാങ്ക് തിരിച്ചുവാങ്ങുന്നു,പണം നല്‍കുന്നു.
ലോണും ഇതേപോലെത്തന്നെ. കമ്മോഡിറ്റി സാങ്കല്‍പികമാണു്. പലിശ എന്നു് പച്ചയ്ക്കു് പറയാത്തതുകൊണ്ടാണോ ഇതിനെ ഇസ്ലാമിക് ബാങ്കിങ് എന്നു് പറയുന്നതു് എന്നു് നിശ്ചയമില്ല.
അറിവുള്ളവര്‍ വിശദീകരിച്ചാലും.

വാല്‍: ആരോ പറഞ്ഞു് കേട്ട കഥയാണു്. ഹാജിയാരുടെ കയ്യില്‍ ധാരാളം പണമുണ്ടു്. പക്ഷെ പലിശയ്ക്കു് കൊടുക്കാന്‍ വയ്യ. ഹറാമാണു്. അദ്ദേഹം എന്തായാലും കടം കൊടുത്തു് ലാഭമുണ്ടാക്കാന്‍ തന്നെ തീരുമാനിച്ചു. നൂറിന്റെ നോട്ടുകള്‍ കൊണ്ടു് വഞ്ചിയുണ്ടാക്കുക. വഞ്ചി വാടകയ്ക്കു് കൊടുക്കുക.

ആഡ്‍വാണിജി അറിയാന്‍

2008-11-21T15:01:00.000+03:00

മാലേഗാവ് സ്ഫോടനങ്ങളുടെ പശ്ചാത്തലത്തില്‍ അറസ്റ്റിലായ സ്വാമിനിയുടെ കാര്യത്തില്‍ താങ്കള്‍ വളരെ ഉത്കണ്ഠ പ്രകടിപ്പിച്ചതായി അറിയുന്നു. ആയതിനാല്‍ താങ്കള്‍ക്കുണ്ടായിരിക്കുന്ന ധാരണകള്‍ തിരുത്താന്‍ സര്‍ക്കാര്‍ തങ്ങളുടെ പക്കലുള്ള തെളിവുകള്‍ മൊത്തമായും ചില്ലറയായും താങ്കളെ തെര്യപ്പെടുത്താന്‍ ആഗ്രഹിക്കുന്നു. പ്രധാനമന്ത്രിയുടെ സുരക്ഷാ ഉപദേഷ്ടാവു് തന്നെ ഈയവസരത്തില്‍ താങ്കളെ വന്നു് കണ്ടു് വസ്തുതകള്‍ ബോദ്ധ്യപ്പെടുത്തുന്നതായിരിക്കും.
ഇനി ഒരു സ്വകാര്യം. താങ്കള്‍ക്കു് പ്രധാനമന്ത്രിയാകണമെന്നുണ്ടെങ്കില്‍ ഇങ്ങനെയല്ല ചെയ്യേണ്ടതു്. സിമിയെന്നും മുജാഹിദ്ദീനെന്നും പറഞ്ഞു് അറസ്റ്റു് ചെയ്യപ്പെടുന്നവരെക്കുറിച്ചുമാണു് ഈ ഉത്കണ്ഠയും മനുഷ്യാവകാശവുമൊക്കെ പറയേണ്ടതു്. ഒരു ഗുഡ് കോപ് ബാഡ് കോപ് കളി കളിച്ചു് നോക്കൂ. എന്‍കൌണ്ടറുകളും ജുഡീഷ്യല്‍ അന്വേഷണത്തിന്റെ പരിധിയില്‍ കൊണ്ടുവരണമെന്നു് പറഞ്ഞുനോക്കൂ. പ്രതിപക്ഷത്തായതു്കൊണ്ടു് ധൈര്യമായി എന്തും പറയാമല്ലോ.
താങ്കള്‍ക്കു് മലയാളമറിയാത്തതു് എന്റെ ഭാഗ്യം !

ഓടിവരൂ, ബാങ്കില്‍ നിക്ഷേപിക്കാം

2008-10-30T16:27:00.000+03:00

പ്രിയപ്പെട്ട നിക്ഷേപകാ,
നിങ്ങളുടെ അറിവിലേക്കായി ഒരു കാര്യം. നിങ്ങള്‍ക്കറിയാം ഷെയര്‍ മാര്‍ക്കറ്റ് താഴ്‌ന്നുകൊണ്ടേയിരിക്കുന്നു. റിയല്‍ എസ്റ്റേറ്റും സ്തംഭനാവസ്ഥയിലാണു്. ഏതു് നിമിഷവും നിലംപതിക്കാം. അപ്പോള്‍ ബാങ്ക് നിക്ഷേപം വളരെ ആകര്‍ഷകമായിരിക്കുന്നു. എന്നാറൈ ആയ താങ്കള്‍ക്കു് രൂപയുടെ മൂല്യശോഷണം ഇപ്പോള്‍ നന്നായി മുതലാക്കാം. ഈ സുവര്‍ണ്ണാവസരം പാഴാക്കാതിരിക്കുക.

സഹകരണം പ്രതീക്ഷിച്ചു കൊണ്ടു്,
ബ്രാന്‍ച് മാനേജര്‍ ,
---------- ബാങ്ക്.
-----------

പ്രിയപ്പെട്ട മാനേജര്‍ അവര്‍കള്‍ക്കു്,
താങ്കള്‍ക്കു് ആളു് മാറിയെന്നു് തോന്നുന്നു. ബാങ്കിന്റെ ഭാഗത്തു് നിന്നുള്ള സഹകരണത്തില്‍ മനം നൊന്തു് എന്റെ അക്കൌണ്ടിലെ രൂപ മുഴുവന്‍ ഞാന്‍ പിന്‍വലിച്ചിട്ടു് മൂന്നു് വര്‍ഷങ്ങള്‍ കഴിഞ്ഞു. ബാങ്കുകള്‍ പൊളിയുന്ന ഈ കാലത്തു് എന്തു് വിശ്വസിച്ചു് ഞാന്‍ നിക്ഷേപിക്കും ? ഓഹരിവിപണി താഴ്‌ന്നു നില്‍ക്കുന്നതു് ഒരു അവസരമായല്ലേ കാണേണ്ടതു് ? ഭൂമിയ്ക്കു് വില കുറയുകയാണെങ്കില്‍ അത്രയും നല്ലതു്. കുറച്ചു് വാങ്ങിയിടാമല്ലോ. ഏതായാലും പുര കത്തുമ്പോഴുള്ള ഈ വാഴ വെട്ടുണ്ടല്ലോ അതെനിക്കു് ബോധിച്ചു. അതിനാല്‍ അടുത്ത അവധിക്കു് വരുമ്പോള്‍ ഔദ്യോഗികമായിത്തന്നെ എന്റെ അക്കൌണ്ട് അടച്ചേക്കാം.
മറുപടി അയയ്ക്കില്ലെന്ന പ്രതീക്ഷയില്‍ ,
------------
അക്കൌണ്ട് നമ്പര്‍ : --------

ഇനിയും വേണോ ഓഹരി വിപണി ?

2008-10-16T20:50:00.000+03:00

ഇനിയും വേണോ ഓഹരി വിപണി ? എന്റെ ചില ആംഗലേയ ചിന്തകള്‍ ദോ ഇവിടെ.

റിയല്‍ എസ്റ്റേറ്റ് മാഫിയക്കാരേ, സൂക്ഷിച്ചോണ്ടൂ !

2008-10-09T00:56:00.000+03:00

റിയല്‍ എസ്റ്റേറ്റ് മാഫിയക്കെതിരെ സര്‍ക്കാരിന്റെ ബഡായിയെപ്പറ്റിയല്ല കേട്ടോ.
സൂക്ഷിച്ചാല്‍ ദുഃഖിക്കേണ്ട. അമേരിക്കയിലെ സ്ഥിതി കണ്ടല്ലോ. ഭൂമിക്കു് വില കുറയില്ല എന്നു് ഏതു് വിവരംകെട്ടവനാണു് പറഞ്ഞതു് ? ഭൂമി വാങ്ങുമ്പോള്‍ അതു് നമുക്കു് "മുതലാകുന്ന" വിലയ്ക്കു് വാങ്ങണം. മാത്രമല്ല ഇന്നലെ മുപ്പതിനായിരം ഉണ്ടായതു് ഇന്നു് രണ്ടു് ലക്ഷമായതു് പോലെ നാളെ പത്തു്ലക്ഷമാകും എന്നൊന്നും കരുതി ചാടിപ്പുറപ്പെടരുതു്. ആളുകളുടെ കയ്യില്‍ കാശില്ലെങ്കില്‍ (ലിക്വിഡിറ്റി) ഒക്കെ അവിടെ കിടക്കുകയേയുള്ളൂ. ഒരറ്റത്തു് നിന്നു് വില കുറഞ്ഞു്തുടങ്ങിയാലോ സ്റ്റോക്ക് മാര്‍ക്കറ്റിന്റെ അപ്പുറത്തായിരിക്കും സ്ഥിതി.
മണ്ടന്മാരായ പ്രവാസികളുടെ കയ്യിലെ കാശും തീര്‍ന്നാപ്പിന്നെ പറയാനുമില്ല.

ഇതൊന്നും പോരാഞ്ഞാണു് സര്‍ക്കാര്‍ മാഫിയ മാഫിയ എന്നും പറഞ്ഞു് സെസ് പോലും അനുവദിക്കാതെ വെച്ചേക്കുന്നതു്.

സ്മാര്‍ട്ട് സിറ്റിയില്‍ ചൂഷണമാകാമോ ?

2008-10-07T16:01:00.000+03:00

സ്മാര്‍ട്ട് സിറ്റി സെസില്‍ തൊഴിലാളി ചൂഷണമാകാമെന്നും ഈ ആനുകൂല്യം മറ്റു മുതലാളിത്ത (കരിം) സെസുകള്‍ക്കു് ബാധകമല്ലെന്നുമാണോ ?
സീപ്പീയൈ എന്തു് പറയുന്നു ?
ഐട്ടുക് എന്തു് പറയുന്നു ?
പാവങ്ങളുടെ പടത്തലവന്‍ , വിപ്ലവാധിപന്‍ , കേന്ദ്രവിരുദ്ധ, സര്‍വ വിരുദ്ധ , പാര്‍ട്ടി നേതാ വിരുദ്ധ , പോഴന്മാരുടെ മുഖ്യന്‍ എന്തു് പറയുന്നു ?

നിങ്ങള്‍ പറയൂ ? ഇതും സര്‍ക്കാരിനു് തിരിച്ചടിയാണോ ?

സര്‍ക്കാരിനു് തിരിച്ചടി

2008-10-07T00:04:00.000+03:00

നിങ്ങള്‍ പറയൂ.
1.പാഠപുസ്തക കമ്മിഷനെ നിയോഗിക്കണമെന്ന് ശുപാര്‍ശ സര്‍ക്കാരിനു് തിരിച്ചടി അല്ലേ ( അഥവാ ആണോ ) ?
2.വീണ്ടും ഗാര്‍ഹിക വൈദ്യുതി നിയന്ത്രണം : സര്‍ക്കാരിനു്
തിരിച്ചടി അല്ലേ ( അഥവാ ആണോ ) ?
3.ഗോള്‍ഫ് ക്ലബ് ഏറ്റെടുക്കല്‍ കോടതി റദ്ദാക്കി : സര്‍ക്കാരിനു്
തിരിച്ചടി അല്ലേ ( അഥവാ ആണോ ) ?
4.ബ്ലാ ബ്ലാ ബ്ലാ : സര്‍ക്കാരിനു്
തിരിച്ചടി അല്ലേ ( അഥവാ ആണോ ) ?

എല്ലാത്തിനും ഒരതിരുണ്ടു് . നിയന്ത്രണരേഖ.
സര്‍ക്കാരിനെ അടിക്കാനല്ലാതെ എന്തെങ്കിലും ചോദിക്കൂ, പ്ലീസ്..

മെഡിക്കോസിനു് പിന്തുണ

2008-10-04T00:30:00.001+03:00

മെഡിക്കോസ് സമരത്തിലാണല്ലോ. ബോണ്ട് പരിപാടി മനുഷ്യാവകാശലംഘനം തന്നെ.
കയ്യീന്നു് നാലു് ചക്രം മുടക്കാതെ അഞ്ചാറുകൊല്ലം ജനങ്ങളുടെ ചെലവില്‍ പഠിച്ചെങ്കിലെന്തു് അതു് കാഷ് മുടക്കി എന്‍ട്രന്‍സിനു് പഠിച്ചു് ജയിച്ചതുകൊണ്ടല്ലേ.
25 ലക്ഷം രൂപ തരാനില്ലാഞ്ഞിട്ടല്ല, ബോണ്ട് ഒരു മനുഷ്യാവകാശപ്രശ്നമായതു്കൊണ്ടാണു് എതിര്‍പ്പു്. ഒരു കാര്യവും ആരും ആരെയും നിര്‍ബന്ധിക്കാന്‍ പാടില്ല. നമുക്കു് സൌകര്യമുണ്ടെങ്കില്‍ നാം രോഗികളെ പരിശോധിക്കും. മരുന്നുണ്ടെങ്കില്‍ കൊടുക്കും. കാരണം നാം മെറിറ്റുകാരാണു്. പഠിച്ചവരാണു്. റാങ്കുകാരാണു്. റാങ്കുകാരൊക്കെ ഗ്രാമീണമേഖലയിലും കാശുകൊടുത്തു് ഡിഗ്രിയെടുത്തവരൊക്കെ ഫൈവ് സ്റ്റാര്‍ ഹോസ്പിറ്റലുകളിലും എന്നു് പറയുന്നതു് എന്തു് ന്യായമാണു് ? മെഡിക്കല്‍ കോളജില്‍ വച്ചു് തന്നെ ധാരാളം ദാരിദ്ര്യവാസികളെ "നോക്കി" പഠിക്കുന്നുണ്ടു് പഠനത്തിന്റെ ഭാഗമെന്ന പേരില്‍ . ഇനി കാട്ടിലും മേട്ടിലുമൊക്കെ പോയി കഷ്ടപ്പെടണമെന്നു് നിര്‍ബന്ധിക്കുന്നതു് മനുഷ്യാവകാശധ്വംസനമാണു്.
നിര്‍ബന്ധിച്ചു് പണിയെടുപ്പിച്ചാല്‍ ആ രോഗികളുടെ കാര്യം കട്ടപ്പൊക എന്നു് മാത്രം കരുതുക.

ഇതു് വായിച്ചതില്‍ നിന്നു് എന്തു് മനസ്സിലായി ? ആരെയും "വെറുതെ" പഠിപ്പിക്കരുതു് എന്നു് മനസ്സിലായില്ലേ ? കാശില്ലാത്തവനും (വാര്‍ഷികഫീസിന്റെ ഇരട്ടിയില്‍ കുറഞ്ഞ വരുമാനമുള്ളവര്‍ക്കു്) ഉയര്‍ന്ന റാങ്കുകാര്‍ക്കും (ഒരു കോളജില്‍ 10 പേര്‍ക്കോ മറ്റോ) സ്കോളര്‍ഷിപ് നല്‍കാം. മറ്റുള്ളവര്‍ക്കു് ഇന്ററസ്റ്റ് ഫ്രീ ലോണ്‍ കൊടുക്കാം. ഫ്രീയായിട്ടു് ആരെയും പഠിപ്പിക്കരുതു്. ഈ ഫ്രീയ്ക്കു് കുറച്ചു് സ്വാതന്ത്ര്യം കൂടുതലാണു്.

ചലോ മൂന്നാര്‍

2008-10-02T06:14:00.000+03:00

മൂന്നാറിനെപ്പറ്റി ഞാന്‍ മുമ്പു് പറഞ്ഞു (ഓപ്പറേഷനു് മുമ്പു് ).. അതു് സര്‍ക്കാരിനു് നാലു് ചക്രം കിട്ടുന്ന കാര്യമായിരുന്നു.അതു് കേട്ടില്ല. ഇപ്പോ കയ്യിലുണ്ടായിരുന്നതും കടം മേടിക്കണതും ഒക്കെ കൊണ്ടുപോയി അവിടെ ഒണ്ടായിരുന്നതു് ചെലതൊക്കെ പൊളിച്ചു് കളഞ്ഞു് കോടതീടെ ചീത്തവിളീം കേട്ടു് അടങ്ങിയൊതുങ്ങിയിരിക്കുമ്പഴാണു് "മോങ്ങാനിരുന്ന നായുടെ തലയില്‍ തേങ്ങാ വീണെന്നു്" പറഞ്ഞതു് പോലെ സെസും ഗോള്‍ഫ് ക്ലബും ചെങ്ങറയും വിഴിഞ്ഞവുമൊക്കെ ലൈംലൈറ്റില്‍ വരുന്നതു്. സ്മാര്‍ട്ട് സിറ്റിക്കു് സെസ് പ്രമാണിച്ചു് റെജിസ്റ്റ്രേഷന്‍ ഇളവും നല്‍കണം. എന്നാപ്പിന്നെ "ചലോ മൂന്നാര്‍,റ്റാറ്റാ മൂര്‍ദ്ദാബാദ് ".
കയ്യടി പാക്കേജും എംബഡഡ് ജേണലിസ്റ്റുകളും കൂടെ. പാവപ്പെട്ട കയ്യേറ്റക്കാര്‍ക്കു് ഭൂമി പതിച്ചു് നല്‍കും, മാഫിയയെ കെട്ടു് കെട്ടിക്കും. ബ്ലാ ബ്ലാ ബ്ലാ.. കോടതി ചോദിക്കും നാട്ടിലെ പൌരന്മാര്‍ക്കൊക്കെ ഒരേ നിയമമല്ലേ. പാര്‍ട്ടിയാപ്പീസിനു് ഒന്നു് ധന്യശ്രീയ്ക്കു് വേറൊന്നു് .. അങ്ങനെ പാടുണ്ടോ. കോടതിയെ തെറി വിളിച്ചു് രണ്ടാം ദൌത്യവും അട്ടത്തു്. ഇനി വേറെ എന്തെങ്കിലും പ്രശ്നം വരുമ്പോള്‍ "ചലോ മൂന്നാര്‍" അല്ലെങ്കില്‍ ഭൂപരിഷ്കരണം മൂന്നാം ഘട്ടം (രണ്ടാം ഘട്ടം പറഞ്ഞു് തീര്‍ത്തല്ലോ).

ആ സീപ്പീയൈ കുര്യന്‍ പറഞ്ഞതു് പോലെ "കേട്ടു് കേട്ടു് ചെവി തഴമ്പിച്ചു".

തീവ്രവാദിപ്പോലീസിന്റെ ശ്രദ്ധയ്ക്കു്

2008-09-27T02:58:00.000+03:00

സോറി, തീവ്രവാദവിരുദ്ധപ്പോലീസിന്റെ ശ്രദ്ധയ്ക്കു്,
ഒരു കുറിപ്പു് എന്റെ ഇംഗ്ലിഷ് ബ്ലോഗില്‍.

ക്രെഡിറ്റ് ക്രന്‍ച് (Credit Crunch)

2008-09-26T19:07:00.000+03:00

ഇങ്ങനെയുള്ള വാക്കുകളൊക്കെ ഇപ്പഴാണു് കേട്ടു് തുടങ്ങിയതു്. സാമ്പത്തിക സ്ഥാപനങ്ങള്‍ ചൂതാട്ടകേന്ദ്രങ്ങളായി അധഃപതിക്കാന്‍ പാടില്ലെന്നും പുതിയ വെളിപാടുകള്‍ അമേരിക്കയില്‍ നിന്നും വന്നുകൊണ്ടിരിക്കുന്നു.
ഹേയ് ഇതൊന്നും നമ്മെ ബാധിക്കുന്ന പ്രശ്നമല്ല. ഹൈഡ് ആക്റ്റ് പോലെ ഇതും അമേരിക്കയുടെ ആഭ്യന്തരപ്രശ്നമാണു് എന്ന മട്ടില്‍ നമ്മുടെ ഉത്തരവാദിത്വപ്പെട്ടവര്‍ തട്ടിമൂളിക്കുന്നു.
യഥാര്‍ത്ഥത്തില്‍ എന്താണീ ക്രഡിറ്റ് ക്രന്‍ച് ?
വരുമാനത്തില്‍ കൂടുതല്‍ ചെലവു് ചെയ്തുകൊണ്ടിരിക്കുകയും അവധി ചിലതു് തെറ്റുകയും പെട്ടെന്നു് കടക്കാരന്‍ കഴുത്തിനു് പിടിക്കുന്ന ഒരവസ്ഥയാണു് ലളിതമായി പറഞ്ഞാല്‍ ഇതു്, സാധാരണക്കാരനെ സംബന്ധിച്ചു്. കടം കൊടുത്തയാളെ സംബന്ധിച്ചാണെങ്കിലോ കൊടുത്തതു് മുഴുവനും കിട്ടാക്കടമായി മാറുകയും ഈടു് ലഭിച്ച വസ്തുവിനു് വിലയിടിഞ്ഞു് കൊണ്ടിരിക്കുകയും ചെയ്യുന്ന അവസ്ഥ. ചുരുക്കിപ്പറഞ്ഞാല്‍ ഇനി കടം കൊടുക്കാന്‍ പോയിട്ടു് ശമ്പളം കൊടുക്കാന്‍ പോലും ദമ്പിടി ഇല്ലാണ്ടായി വരുന്ന അവസ്ഥ. കൊറെ ആസ്തി ഉണ്ടായിട്ടെന്താ കാര്യം ? വാങ്ങാനാളു് വേണ്ടേ . കാശിനു് കാശു് തന്നെ വേണ്ടേ ?
(എനിക്കു് മനസ്സിലായ രീതിയില്‍ എഴുതിയതാണു്. യഥാര്‍ത്ഥത്തില്‍ ഇതൊന്നുമല്ലായിരിക്കാം ക്രെഡിറ്റ് ക്രന്‍ച്).
ഇതൊക്കെ ഏതു് നാട്ടിലും ബാധകമാണു് ഏതു് മന്ത്രി മറിച്ചു് പറഞ്ഞാലും.
അതായതു് ഒരു കമ്പനിയില്‍ നിക്ഷേപിക്കുമ്പോള്‍ ചുരുങ്ങിയതു് അവര്‍ എന്തു് ബിസിനസാണു് ചെയ്യുന്നതു് എന്നെങ്കിലും അന്വേഷിക്കുക. അല്ലെങ്കില്‍ ടോട്ടല്‍ പോയിക്കിട്ടും. ഇതിനു് മാത്രം കാശു് മലയാളികളുടെ കയ്യിലുണ്ടെന്നോര്‍ക്കുമ്പഴാ !

ഈ അക്രമത്തിനു് മാപ്പില്ല

2008-09-13T22:06:00.000+03:00

ദാ ഇപ്പോ ദില്ലിയിലും നിരപരാധികളുടെ ജീവനെടുത്തുള്ള കളി. പൈശാചികമെന്നു് മാത്രമേ വിശേഷിപ്പിക്കാനാകൂ. ജനങ്ങളെ സംരക്ഷിക്കാന്‍ ബാദ്ധ്യതപ്പെട്ട ഭരണകൂടം ജനങ്ങളില്‍ ഭീതി പടര്‍ത്താനാണു് ശ്രമിക്കുന്നതു്. ഇത്ര കഴിവുകെട്ടവരോ നമ്മുടെ "സംരക്ഷകര്‍ " ! നമ്മുടെ കയ്യില്‍ ആണവായുധമല്ല, വജ്രായുധം ഉണ്ടായിട്ടും കാര്യമില്ല. നാടു് സംരക്ഷിക്കാനറിയാത്തവര്‍ ഭരിക്കുന്നതെന്തിനു് ?
നിരായുധരായവരെയും സ്ത്രീകളെയും കുട്ടികളെയും ഒളിഞ്ഞിരുന്നു് കൊല്ലുന്നതു് വലിയ ധീരതയാണെന്നും മറ്റും കരുതുന്നവര്‍ വിഡ്ഢികളും ഭീരുക്കളും മാത്രമാണു്.
ഇതു്കൊണ്ടൊന്നും തകരുന്നതല്ല ഇന്ത്യന്‍ ജനതയുടെ ആത്മവിശ്വാസവും പ്രതീക്ഷയും ശേഷിയും.
ഈ കാട്ടാളന്മാര്‍ക്കു് മാപ്പില്ല.
ഇത്രയും സ്ഫോടനങ്ങള്‍ ഭരണകൂടത്തിന്റെ അറിവില്ലാതെ നടത്താന്‍ കഴിയുന്നു എന്നതു് പക്ഷെ എന്നെ ആശ്ചര്യപ്പെടുത്തുന്നു.

ഈ "സിമി" ഒരു "ഭയങ്കരന്‍ " തന്നെ

2008-09-11T03:13:00.000+03:00

സിമിയെന്നാല്‍ നമ്മുടെ നാട്ടില്‍ അല്‍ഖ്വയ്ദ എന്നര്‍ത്ഥം. നമ്മുടെ ഇന്റലിജന്‍സിനെയൊക്കെ വെട്ടിച്ചു് "പരിശീലന"ക്യാമ്പുകള്‍ നടത്താന്‍ പറ്റുന്നു, സംഘപരിവാരങ്ങള്‍ ഭരിക്കുന്ന സംസ്ഥാനങ്ങളില്‍ "പുല്ല് പോലെ" ബോംബുകള്‍ വിതറാന്‍ പറ്റുന്നു, അതു് വിളിച്ചറിയിക്കുന്നു, എവിടെയൊക്കെ പൊട്ടിയോ "അതൊക്കെ ഞമ്മള്‍ തന്നെ" എന്നു് വീരസ്യം കൊള്ളുന്നു..
ഈ ഭയങ്കരന്മാരെ "പരിപാടിയൊക്കെ" കഴിഞ്ഞ ശേഷം ഓടിച്ചിട്ടു് പിടിക്കുന്ന പോലീസുകാരെ സമ്മതിക്കണം. എത്ര ബോംബാണു് ഗുജറാത്തീന്നു് പോലീസ് "പെറുക്കിയെടുത്തതു് " !
നിരോധനം നീക്കാന്‍ ഹരജി കൊടുത്തിട്ടു് തന്നെ വേണോ സിമീ നാടു് മുഴുവന്‍ വിളിച്ചു്പറഞ്ഞു് "പൊട്ടിക്കാന്‍ " ?
നിരപരാധികളായ ജനങ്ങളെ ബോംബ് വെച്ചു് കൊല്ലുന്നതു് ധീരതയല്ല, അങ്ങേയറ്റത്തെ ഭീരുത്വമാണു്.

സിമിയല്ല ബോംബ് സ്ഫോടനങ്ങള്‍ക്കു് പിന്നില്‍ എന്നു് ഞാന്‍ പറയില്ല. എന്നാല്‍ കോടതി ശിക്ഷിക്കും വരെ സിമിയാണു് പിന്നില്‍ എന്നും ഞാന്‍ പറയില്ല. ഇതു് സംഘ്പരിവാറിന്റെ ഗൂഢാലോചനയാണു് എന്നും പറയില്ല. വിശ്വസിക്കില്ല.

എനിക്കെന്തറിയാം . മാദ്ധ്യമങ്ങള്‍ അല്ല പ്രതിയെ തീരുമാനിക്കേണ്ടതു് എന്നു് മാത്രമറിയാം.

വൃക്ക തട്ടിക്കുന്ന വെറുക്കപ്പെട്ടവന്‍

2008-09-10T19:22:00.002+03:00

ശ്രീ. ഫാരിസ് അബൂബക്കറിനെപ്പറ്റി സ: അച്ചുതാനന്ദന്‍ മലയാളികളുടെ ഇടയില്‍ ഉണ്ടാക്കിക്കൊടുത്ത ഇമേജാണു് "വൃക്ക തട്ടിപ്പില്‍ പ്രതിയായി ഒളിവില്‍ കഴിയുന്നവന്‍ " എന്നതു്. എന്റെ നേരെ "ഹേറ്റ് ബ്ലേമുമായി" വരുന്നതിനു് മുമ്പു് ഒരു വാക്കു്. ഇതു് സ: അച്ചുതാനന്ദന്‍ എന്ന മുഖ്യമന്ത്രി തിരുവായ് മൊഴിഞ്ഞതാണു്.
എന്താണു് ഫാരിസ് അബൂബക്കറും വൃക്കതട്ടിപ്പുമായുള്ള ബന്ധം എന്നറിയാന്‍ ഗൂഗിളിനെ ആശ്രയിച്ചപ്പോള്‍ എനിക്കു് ലഭിച്ച വിവരം ഇങ്ങനെ ചുരുക്കാം. നാഷണല്‍ കിഡ്നി ഫൌണ്ടേഷന്‍ എന്ന സംഘടനയുടെ അധികാരത്തിലിരുന്ന ഒരാള്‍ (ദുരൈ) സാമ്പത്തിക ക്രമക്കേടു് നടത്തിയെന്നാണു് കേസ്. തന്റെ സുഹൃത്തായ ഫാരിസിന്റെ കമ്പനികള്‍ക്കു് മാനദണ്ഡങ്ങള്‍ പാലിക്കാതെ കരാറുകൾ നൽകി ഫൌണ്ടേഷനു് നഷ്ടമുണ്ടാക്കി തുടങ്ങി ആരോപണങ്ങള്‍ .
ഇതിലെവിടെയാണു് സര്‍ വൃക്ക തട്ടിപ്പു് !
കൂടിപ്പോയാല്‍ കേസ് ശരിയെന്നു് തെളിഞ്ഞാല്‍ സാമ്പത്തിക ക്രമക്കേടു് ആരോപിക്കാം. അതു് "വെറുക്കപ്പെടാന്‍ " മാത്രം കാരണമാകുമോ ?
വി.എ.അരുണ്‍കുമാര്‍ എന്ന ദേഹം വ്യാജ "എക്സ്പിരിയന്‍സ് സര്‍ട്ടിഫിക്കറ്റ് " ചമച്ചു് ഉന്നതപഠനത്തിനു് സീറ്റ് സമ്പാദിക്കാന്‍ ശ്രമിച്ചതു് നാം ചാനല്‍ ചർച്ചകളില്‍ കണ്ടതാണു്. അദ്ദേഹം അന്നു് പറഞ്ഞ ന്യായീകരണം ഇങ്ങനെ "ഞാന്‍ ജോലി ചെയ്യുന്ന സ്ഥാപനം ധാരാളം അദ്ധ്യാപനജോലികള്‍ ഏറ്റെടുത്തു നടത്തുന്നു. അപ്പോള്‍ അതിലെ ഒരു ഉന്നത ഉദ്യോഗസ്ഥന്‍ എന്ന നിലയില്‍ എനിക്കു് ആ എക്സ്പിരിയന്‍സ് അവകാശപ്പെടാന്‍ സാധിക്കും". ശരിയായിരിക്കാം. അപ്പോള്‍ സ്വാമി അമൃതസ്വരൂപാനന്ദപുരിയെ നാം വല്യ ഡോക്ടറായും അംഗീകരിക്കേണ്ടി വരും.
കൃത്രിമം ആരു് ചെയ്താലും കൃത്രിമം തന്നെയാണു്. ഈ വിവാദം പൊന്തിയ സമയത്താണു് പോലും മൂന്നാറില്‍ "പൂച്ചകള്‍ " ഇറങ്ങിയതു്. ഇതു് രണ്ടാമതും പൊന്തിയപ്പോഴാണത്രേ റ്റാറ്റായെ "ഒഴിപ്പിക്കാന്‍ " ബോര്‍ഡ് നാട്ടിയതു്. ഇതൊന്നും ഞാന്‍ പറയുന്നതല്ല കേട്ടോ, അസൂയക്കാര്‍ പറയുന്നതാ.
മുഖ്യമന്ത്രി സാറേ ഫാരിസിനെ വെറുതെ വിട്ടേക്കൂ. തെളിവുണ്ടെങ്കിൽ പിടിച്ചു് ജയിലിലിടൂ. അല്ലെങ്കില്‍ വായടയ്ക്കൂ.

അമ്മ ആര്‍ക്കു് വേണ്ടി ?

2008-08-14T20:56:00.000+03:00

നമ്മുടെയൊന്നും അമ്മമാരെക്കുറിച്ചല്ല. മറ്റു് മാതാ മാരെക്കുറിച്ചുമല്ല. താരസംഘടനയായ അമ്മ യെക്കുറിച്ചാണു്.
എന്താണു് അമ്മയുടെ പ്രവര്‍ത്തനലക്ഷ്യം ?
സംശയമുണ്ടായതു് മറ്റൊന്നും കൊണ്ടല്ല. അമ്മയുടെ രണ്ടു് മക്കളായ ഊര്‍വ്വശിയും മനോജും തങ്ങളുടെ കുട്ടിയുടെ സംരക്ഷണച്ചുമതലയെച്ചൊല്ലി കോടതി കയറുന്ന വാര്‍ത്ത കണ്ടതുകൊണ്ടാണു്.
മക്കളുടെ ഇടയിലുള്ള പ്രശ്നങ്ങള്‍ പോലും പരിഹരിക്കാന്‍ കഴിയാത്ത അമ്മയ്ക്കു് എന്തു് പ്രസക്തി ?
തിലകന്‍ മോനും വേണു മോനും തമ്മിലുണ്ടായ വിഴുപ്പലക്കല്‍ ഞാന്‍ മനഃപൂര്‍വ്വം എഴുതാഞ്ഞതാണു്.

ഒരു അച്ഛനുണ്ടായിരുന്നെങ്കില്‍ !

എന്താ അഭിനവിനെ അഭിനന്ദിച്ചാല്‍ ?

2008-08-13T20:02:00.000+03:00

ഇന്ത്യയ്ക്കു് ആദ്യമായി ഒരു വ്യക്തിഗത ഒളിംപിക്സ് സ്വര്‍ണ്ണമെഡല്‍ ലഭ്യമാക്കിയ വ്യക്തിയെന്ന നിലയില്‍ അദ്ദേഹം ആദരിക്കപ്പെടേണ്ടതാണു് അഭിനന്ദാര്‍ഹനാണു്. അദ്ദേഹത്തിനു് ഭാരതരത്നം നല്‍കിയാണു് ആദരിക്കേണ്ടതു്. അതിനു് കുശുമ്പു് കൂട്ടുകയല്ല ചെയ്യേണ്ടതു്. അദ്ദേഹത്തിനു് വീട്ടുകാരുടെ പിന്തുണയും സാമ്പത്തികചുറ്റുപാടും ഉള്ളതുകൊണ്ടും കൂടിയാണു് ഇതു് സാദ്ധ്യമായതു്. സര്‍ക്കാരിനോ സര്‍ക്കാര്‍ കോച്ചിനോ ഈ നേട്ടത്തില്‍ ഒരു പങ്കും അവകാശപ്പെടാനില്ല. വിശ്വനാഥന്‍ ആനന്ദ് ഇന്നത്തെ നിലയിലെത്തിയതിനും സര്‍ക്കാരിനും നമുക്കും യാതൊരു പങ്കമില്ല. ഒരു ഭാരതരത്നമെങ്കിലും കൊടുത്തു് ആദരിച്ചൂടേ ഇവരെയൊക്കെ ?
സര്‍ക്കാര്‍ ചിലവില്‍ ഒഫീഷ്യലുകള്‍ പോയി "പുട്ടടി"ക്കുന്ന പരിപാടി നിര്‍ത്തി കായികതാരങ്ങളെ വളര്‍ത്തിക്കൊണ്ടു് വരാന്‍ ശ്രമിക്കുകയാണു് വേണ്ടതു്. അല്ലാതെ ബിന്ദ്രയുടെ വീട്ടിലുള്ള സംവിധാനങ്ങള്‍ സ്വപ്നം കാണാന്‍ പോലും ശേഷിയില്ലാത്ത "കോച്ചിന്റെ" കുടുംബാംഗങ്ങളെ ഇന്റര്‍വ്യൂ ചെയ്തു് നടക്കുകയല്ല. നമ്മുടെ കഴിവുകേടു് ആളുകള്‍ അറിയുന്നതില്‍ എന്തിനു് വിഷമിക്കണം ?
ബിന്ദ്രയുടെ സുവര്‍ണ്ണലബ്ധി കൊണ്ടാടിയ മാദ്ധ്യമങ്ങളെ പരിഹസിക്കുന്നവരോടു് ഒരു വാക്കു്. മാദ്ധ്യമങ്ങളെ പരിഹസിച്ചോളൂ. അതേസമയം അഭിനവിനെ അപമാനിക്കരുതു്. അഭിനന്ദിക്കാന്‍ അസൂയ അനുവദിക്കുന്നില്ലെങ്കില്‍.

ഗുരുവേ മാപ്പു് !

2008-07-20T08:55:00.000+03:00

ഗുരുവേ മാപ്പു് !
ഗുരുവേ മാപ്പു് !
ഗുരുവേ മാപ്പു് !

അങ്ങയുടെ മരണമെങ്കിലും കാപാലികര്‍ക്കു് സദ്ബുദ്ധി നല്‍കുമെങ്കില്‍ എന്നു് ചിന്തിച്ചു് പോയതിനും മാപ്പു് !
അദ്ധ്യാപകരെ മര്‍ദ്ദിച്ചു് ഭീകരാന്തരീക്ഷം സൃഷ്ടിക്കാന്‍ ശ്രമിക്കുന്ന കുരുത്തംകെട്ടവന്‍മാരുടെ പേരില്‍ മാപ്പു് !
അദ്ധ്യാപകരുടെ ജീവനു് സംരക്ഷണം നല്‍കാന്‍ കഴിയാത്ത , അക്രമികളെ പഴി പറഞ്ഞു് നടക്കുന്ന സര്‍ക്കാരിന്റെ പേരിലും മാപ്പു് !

മാപ്പു് ഗുരുവേ മാപ്പു് !

പാടപുസ്തഗവിവാദം

2008-07-11T13:54:00.000+03:00

പാഠപുസ്തകം എന്നു് നേരെ ചൊവ്വെ പറയാന്‍ കൂടി അറിയാത്തവരാണു് അതിനെതിരെ തിരിഞ്ഞിരിക്കുന്നതു്. ഈ കുറിപ്പു് അവരുടെ വിവരക്കേടിനെക്കുറിച്ചല്ല. അതൊക്കെ പലരും പറഞ്ഞു് നാം കേട്ടതാണു്.
പാഠപുസ്തകം സൌകര്യപൂര്‍വ്വം മറച്ചുവെച്ച ഒരു കാര്യത്തെക്കുറിച്ചാണു് എനിക്കു് പറയാനുള്ളതു്. വലുതാകുമ്പോള്‍ "അവനിഷ്ടമുള്ള മതം സ്വീകരിച്ചുകൊള്ളട്ടെ" എന്ന നിലപാടാണു് പുസ്തകം മുന്നോട്ടു് വെക്കുന്നതു്. നല്ലതു് തന്നെ. എന്നാല്‍ ജാതിയോ ? ഓബീസിയിലാണോ അതോ മിശ്രവിവാഹക്കാര്‍ക്കുള്ള കാറ്റഗറിയിലാണോ ജനറല്‍ കാറ്റഗറിയിലാണോ ഈ കുട്ടി വലുതാകുമ്പോള്‍ ജോലിയ്ക്കും മറ്റും അപേക്ഷ നല്‍കുക ?
ഇത്രയ്ക്കു് കടന്നങ്ങു് ചിന്തിക്കണോ ഏഴാംക്ലാസ്സിലെ കുട്ടികള്‍ എന്നാണെങ്കില്‍ ഈ പാഠം തന്നെ ആവശ്യമില്ലെന്നു് വരും. കുട്ടികള്‍ പ്രായോഗികമായി കാര്യങ്ങള്‍ കാണണം എന്നതാണു് നിലപാടെങ്കില്‍ കുറച്ചു് റിസര്‍വേഷന്‍ ചിന്തകളും വേണ്ടിവരും.
സോണിയാഗാന്ധിയും രാജീവ് ഗാന്ധിയും പണ്ടു് രാഹുലിനെ സ്കൂളില്‍ ചേര്‍ക്കാന്‍ പോയപ്പോള്‍ ആ ഹെഡ്മാഷും ഇത്തരം ചോദ്യം ചോദിച്ചുകാണും. എന്തുത്തരമാണോ ആവോ നല്‍കിയതു് . മതേതരത്വത്തിന്റെ ജീവിക്കുന്ന ഉദാഹരണങ്ങളായ സോണിയായും പ്രിയങ്കയും മറ്റും ഉള്ളപ്പോള്‍ കോണ്‍ഗ്രസിനു് ഇതെന്തു്പറ്റി ?

മുസ്ലിം താത്പര്യം രാഷ്ട്രതാത്പര്യത്തിനു് എതിരോ ?

2008-07-11T00:52:00.003+03:00

ആണവകരാറിന്റെ കാര്യത്തില്‍ മുസ്ലിം സമുദായത്തിനു് ആശങ്കയുണ്ടെന്നും അതിനാല്‍ തന്നെ കരാറുമായി മുന്നോട്ടു് പോയാല്‍ മന്ത്രിസഭയില്‍ തുടരേണ്ടതില്ലെന്നു് മുസ്ലിംലീഗ് തീരുമാനിച്ചുവെന്നാണു് വാര്‍ത്ത.
അതേസമയം രാഷ്ട്രതാത്പര്യം മുന്‍നിര്‍ത്തി കേന്ദ്രസര്‍ക്കാരിനു് പിന്തുണ തുടരുമത്രേ അതായതു് മുസ്ലിം സമുദായം രാഷ്ട്രത്തിനു് എതിരാണെന്ന അപകടകരമായ നിലപാടു് ഒരു മുസ്ലിം സംഘടന തന്നെ മുന്നോട്ടു് വയ്ക്കുന്നതു് വിചിത്രമായി തോന്നുന്നു.
കോണ്‍ഗ്രസിന്റെ നിലപാടു് വ്യക്തമാണു് . അവര്‍ മുന്നോട്ടു് വയ്ക്കുന്ന കാര്യങ്ങളെ എതിര്‍ക്കുന്നവര്‍ എന്നും വികസനവിരുദ്ധരും വഴിമുടക്കികളുമാണു്. സ്മാര്‍ട്ട്സിറ്റി കാര്യത്തില്‍ നാമതു് കേരളത്തില്‍ കണ്ടതാണു്. അന്നു് പറഞ്ഞതു് "ബംഗാളിനാകാം കേരളത്തിനു് പറ്റില്ല. ഇതെന്തു് വാദം?" . ഇന്നു് പറയുന്നതു് "ചൈനയ്ക്കാകാം ഇന്ത്യയ്ക്കു് പറ്റില്ല. ഇതെന്നാ എടപാടാ ?".
ക്ലാസ്സിഫൈഡ് ഡോക്യുമെന്റുകള്‍ ഇന്റര്‍നെറ്റില്‍ നിന്നു് മാത്രമേ കിട്ടൂ എന്ന സ്ഥിതിയാണിപ്പോള്‍.
ഏതായാലും കോണ്‍ഗ്രസിനെ താങ്ങേണ്ട ഗതികേടില്‍ നിന്നു് ഇടതുപാര്‍ട്ടികള്‍ തലയൂരിയെടുത്തു. ഇനി കോണ്‍ഗ്രസായി ലീഗായി ഭാജപയായി സമാജ്വാദിയായി അവരുടെ പാടായി.

ആര്‍ക്കാനും വേണ്ടി ഓക്കാനിക്കരുതു്

2008-03-07T14:10:00.003+03:00

ആരെങ്കിലും പറഞ്ഞതു് കൊണ്ടു് നമ്മള്‍ ഓക്കാനിക്കുമോ ? നമുക്കു് ഓക്കാനം വരണ്ടേ. ഓക്കാനം വന്നാല്‍ നാം ഓക്കാനിക്കുകയും ചെയ്യും, നിവൃത്തിയില്ലെങ്കില്‍. മറ്റു് പലരും ഓക്കാനിക്കുന്നതു് കാണുമ്പോള്‍ നമുക്കും ഓക്കാനം വരുന്നതു് സ്വാഭാവികമാണു്. എന്നു് കരുതി നമുക്കു് ഓക്കാനം വരുമ്പോഴൊക്കെ ആദ്യം ഓക്കാനിച്ചവരൊക്കെ കൂടെ ഓക്കാനിക്കണമെന്ന ശാഠ്യം നന്നോ ?
അന്നുമിന്നും എനിക്കു് പ്രതിഷേധമുണ്ടെങ്കില്‍ , അതു് പ്രകടിപ്പിക്കണമെന്നു് തോന്നുമ്പോള്‍ മാത്രമാണു് ഞാന്‍ പ്രതിഷേധിക്കാറുള്ളതു്.
യാഹൂവിന്റെ കാര്യത്തിലുള്ള എന്റെ നിലപാടു് ഞാന്‍ വ്യക്തമാക്കിയിരുന്നു. അക്ഷരജാലകക്കാരന്റെ കാര്യത്തില്‍ ചെയ്തതുമില്ല. കാരണം എനിക്കങ്ങനെ തോന്നിയില്ല എന്നതു് തന്നെ. എങ്കിലും ഒരു ചെറിയ കാര്യം എനിക്കിതില്‍ പറയാനുള്ളതു് :
അക്ഷരജാലകം എന്ന ബ്ലോഗ് തുടങ്ങുന്നു, സഹകരിക്കണം എന്ന നോട്ടീസ് പല ബ്ലോഗുകളിലും കമന്റുസ്പാമുകളായി കണ്ടിരുന്നു. പുതിയ ആരെങ്കിലും ആയിരിക്കും, ബ്ലോഗുകളില്‍ പാലിക്കേണ്ട മര്യാദ അറിയാത്തതുകൊണ്ടായിരിക്കും എന്നു് കരുതി മിണ്ടിയില്ല. എന്റെ ബ്ലോഗിലെ കമന്റുകള്‍ ഡിലീറ്റ് ചെയ്തു് കളയുകയും ചെയ്തു. ഇദ്ദേഹം വല്ല്യ പുള്ളിയാണെന്നു് പിന്നീടീ വിവാദം വന്നപ്പോഴാണു് മനസ്സിലായതു് (എന്റെ വിവരക്കേടു് ). ബ്ലോഗുകളെ പറ്റി സാമാന്യവിവരമില്ലാത്ത ഒരാളുടെ കുറിപ്പിനെച്ചൊല്ലി നാമിത്ര ഹാലിളകേണ്ട ആവശ്യമെന്തു് ? അദ്ദേഹത്തെ അദ്ദേഹത്തിന്റെ പാട്ടിനു് വിട്ടേക്കുക. ഇതു് പ്രിന്റ്മീഡിയായും ബ്ലോഗുമായുള്ള യുദ്ധമായി കാണുന്നതു് നമ്മുടെ വിവരക്കേടു്. (ബ്ലോഗിനെപ്പറ്റി) വിവരമില്ലാത്ത ആരെങ്കിലും എന്തെങ്കിലും പറഞ്ഞാല്‍ നമുക്കു് ക്ഷമിച്ചാലെന്താ ? പ്രത്യേകിച്ചു് ചെലവൊന്നുമില്ലല്ലോ.

ബജറ്റിലെ സൂത്രം

2008-03-06T19:57:00.002+03:00

പാവപ്പെട്ടവരുടെ അറുപതിനായിരം കോടി എഴുതിത്തള്ളുക, പാവപ്പെട്ടവര്‍ക്കു് നൂറായിരം കോടിയുടെ പദ്ധതി.... ഇങ്ങനെയൊക്കെ ധൈര്യമായി പ്രഖ്യാപിക്കാം. കാരണം ഒരു പാവപ്പെട്ടവനും നിയമത്തിലെ ഫോര്‍മാലിറ്റീസ് കൃത്യമായി പാലിച്ചു് അപേക്ഷകള്‍ നല്‍കാനുള്ള കെല്‍പുണ്ടാകില്ല. എന്നാലിതിന്റെ ഒരു ശതമാനം പണം ചെലവാകുന്ന പദ്ധതി കോര്‍പറേറ്റുകള്‍ക്കു് പ്രഖ്യാപിച്ചു് നോക്കൂ. കണ്ണടച്ചു് തുറക്കേണ്ട താമസം അതെല്ലാം കിട്ടേണ്ടവര്‍ക്കു് കിട്ടിയിരിക്കും.
ഈ സൂത്രത്തിനു് രാഷ്ട്രീയക്കാരനു് പഴി പറയാനുള്ള പരിചയാണു് ബ്യൂറോക്രസി !

പ്രഖ്യാപനങ്ങള്‍ കേട്ടു് മടുത്തെങ്കിലും ഇന്നല്ലെങ്കില്‍ നാളെ എല്ലാം നന്നാകും എന്നു് തന്നെ കരുതാന്‍ തന്നെ എനിക്കും ഇഷ്ടം.

രാഷ്ട്രീയകൊലപാതകം അഥവാ കൊലപാതകരാഷ്ട്രീയം

2008-03-05T20:24:00.002+03:00

രാഷ്ട്രീയകൊലപാതകങ്ങള്‍ അസാധാരണമല്ലാതായിരിക്കുന്നു. ഇത്രയധികം പ്രബുദ്ധരോ മലയാളികള്‍ ! സ്വന്തം ജീവിതം തന്നെ സഖാക്കള്‍ക്കു് (കൂട്ടുകാര്‍ക്കു്) വേണ്ടി ഉഴിഞ്ഞുവെക്കാന്‍ ജനങ്ങളിനിയുമുണ്ടോ ? ഒരു ദോഷൈകദൃക്കായി ചിന്തിച്ചാല്‍ ഇങ്ങനെ തോന്നാം : ആരോ കീ കൊടുത്തുവിടുന്ന പാവകള്‍ . പ്രസ്ഥാനത്തിനു് വേണ്ടി മരിച്ചാലും പാര്‍ട്ടി കുടുംബത്തെ കാത്തോളും എന്ന വിശ്വാസം.
എന്നാല്‍ മറ്റൊരു രീതിയില്‍ നോക്കിയാല്‍ : സ്വന്തം വിശ്വാസപ്രമാണങ്ങള്‍ക്കു് വേണ്ടി മരിക്കാനും കൊല്ലാനും തയ്യാറായവര്‍.

എന്തുതന്നെയാകട്ടെ, കരുതിക്കൂട്ടി മുന്‍നിശ്ചയപ്രകാരം ആരും ആരെയും കൊല്ലുന്നതു് അപലപനീയമാണു്. കാടത്തമാണു്. വിശ്വാസത്തിനു് ശക്തി നശിക്കുമ്പോഴാണു് അക്രമവാസന കൂടുന്നതു്. ഉത്തരം മുട്ടുമ്പോഴാണല്ലോ കൊഞ്ഞനം കുത്തുന്നതു്.

ഏതു് വിശ്വാസപ്രമാണമനുസരിച്ചുള്ള ജീവിതവും നമ്മുടെ നാട്ടില്‍ സാദ്ധ്യമാണെന്നിരിക്കെ, എല്ലാവരും തങ്ങളുടെ വിശ്വാസത്തിനും രീതിക്കും അനുസരിച്ചു് ജീവിക്കണം എന്നു് വാശി പിടിച്ചു് അനുസരിക്കാത്തവരെ വകവരുത്തുന്നതു് ആര്‍ക്കും ഭൂഷണമല്ല. അവരെ ആര്‍ക്കും പുരോഗമനചിന്താഗതിക്കാരായി കാണാന്‍ സാദ്ധ്യമല്ല.
നീയെന്തിനാ അയാളെ അടിച്ചതു് എന്ന ചോദ്യത്തിനു് അയാളുടെ കൂട്ടുകാര്‍ മഹാ പെഴയാണു് എന്നതു് ഒരു ഉത്തരമേയല്ല.
ഒരാള്‍ എന്തെങ്കിലും ചെറ്റത്തരം ചെയ്താല്‍ അവനിട്ടു് രണ്ടു് പൊട്ടിച്ചാല്‍ അതില്‍ രാഷ്ട്രീയം കലര്‍ത്തുന്നതാണു് ഇന്നത്തെ കൊലപാതകരാഷ്ടീയത്തിനു് പിന്നിലെ സിംപിള്‍ റീസണ്‍. മറ്റുള്ളതൊക്കെ ആളുകള്‍ക്കു് ചര്‍ച്ച ചെയ്യാന്‍ മാത്രം.
ഇതു് വായിച്ചെത്തിച്ചതിനു് നന്ദി.

C A T - ക്യാറ്റോ ?

2008-02-15T01:31:00.002+03:00

പഴയ ക്യാറ്റ് തമാശ ഒന്നുകൂടി ഓര്‍ത്തുപോയി.
യഥാര്‍ത്ഥത്തില്‍ ക്യാറ്റിന്റെ ഉച്ചാരണത്തില്‍ യ ഇല്ല എന്നാണു് ഒരു ഇംഗ്ലിഷ് അദ്ധ്യാപകന്‍ പറഞ്ഞുകേട്ടതു്. ശരിക്കു് കാറ്റ് എന്നാണു്. എന്നാല്‍ കാറ്റ് എന്നാല്‍ കാറ്റു് എന്നാണെന്നു് തെറ്റിദ്ധരിക്കുന്ന നവമലയാളിക്കു് വേണ്ടിയാണു് ക്യാറ്റ് ആയതു്. റാറ്റ് , ദാറ്റ് എന്നിവ പോലെ തന്നെയാണു് കാറ്റ്. മലയാളത്തിലെ കാറ്റു് കാറ്റ് എന്നെഴുതിപ്പഠിച്ചതുകൊണ്ടുള്ള പ്രശ്നം..
കാററ് എന്നെഴുതുന്നതും അബദ്ധം.
ഇംഗ്ലിഷ് അക്ഷരങ്ങള്‍ മലയാളി വെറുതെ സംവൃതോകാരമൊക്കെയിട്ടു് ഉച്ചരിക്കും. ഉദാ: ബുക്കു്. (ബുക് )
സന്തോഷിനു് അഭിവാദ്യങ്ങള്‍.
ഉച്ചാരണം പഠിപ്പിക്കാനും എളുപ്പം സംവൃതോകാരത്തിനു് പ്രത്യേക രീതിയുള്ളതാണു്. അതായാലും കൊള്ളാം ഇതായാലും കൊള്ളാം എന്ന രീതി ഒരു ഭാഷയ്ക്കു് നന്നല്ല.
അഹ്‌മദ് എന്ന പേരു് അഹ്‌മദു് എന്നല്ല എന്നു് ഡിസ്‌ക്ലൈമര്‍ എഴുതാന്‍ പറ്റില്ലല്ലോ. അഹ്മദ് എന്നാക്കരുതേ എന്നപേക്ഷിക്കാനും. ഉമേശ് (ഉമേശു് ? ), ബിനോയ് തുടങ്ങി പേരുകളൊക്കെ സംവൃതോകാരമില്ലാതെയാണു് ഉച്ചരിക്കുന്നതു്, വാക്കിന്റെ അവസാനത്തില്‍ വന്നാലും.
സിബുവിനു് സമാനമനസ്കരെ കിട്ടട്ടെയെന്നാശംസിക്കുന്നു. റ്റൈപ്പ്റൈറ്റര്‍ക്കു് വേണ്ടി പണ്ടു് ചെയ്തതുമാതിരി ഇനി എല്‍ ഇ ഡി ഡിസ്‌പ്ലേകള്‍ക്കു് വേണ്ടിമാത്രം നാം ഗവണ്മന്റ് ലിപി ഉപയോഗിക്കേണ്ടതില്ല. പറ്റുന്നിടത്തൊക്കെ അസ്സല്‍ മലയാളം തന്നെ ഉപയോഗിക്കാം. മലയാളത്തില്‍ തന്നെ. ഹൈഫനും സ്പേസും കേസും ക്വോട്ട്സും വാക്കുകളുടെ അര്‍ത്ഥം വ്യക്തമാക്കാനുപയോഗിക്കാമെങ്കില്‍ ജോയ്‌നറുകളെയും അതിനുപയോഗിക്കുന്നതില്‍ എന്തു് തെറ്റു് ?

[ഒരു കമന്റായി എഴുതിത്തുടങ്ങിയതാണു്. പിന്നെത്തോന്നി ഇവിടെയിട്ടേക്കാമെന്നു്..]

ഓഹരിവിപണി നിരീക്ഷിക്കുമ്പോള്‍

2008-02-07T22:45:00.000+03:00

ഓഹരിവിപണി നല്ലതാണു് എന്ന എന്റെ വിശ്വാസത്തിനു് ഒരു കുറവും വന്നിട്ടില്ല. അതു് ഊഹക്കച്ചവടത്തിനുള്ളതല്ല എന്ന നിഗമനത്തിനും.
ഓഹരിവിപണിയില്‍ 10% വും മറ്റും ഒറ്റദിവസനഷ്ടം കാണുമ്പോള്‍ കരയുന്നവര്‍ അത്രതന്നെ ഒറ്റദിവസലാഭം കാണുമ്പോള്‍ പരിഭ്രമിക്കുന്നില്ല എന്നതു് എന്നെ അത്ഭുതപ്പെടുത്തുന്നു. ഫണ്ടമെന്റല്‍സ് നല്ല ഷേപ്പിലാണെന്നും 9% ശതമാനത്തോളം വാര്‍ഷികവളര്‍ച്ച രാജ്യം നേടുന്നുണ്ടെന്നും പറയുമ്പോള്‍ എന്റെ സംശയം ഇങ്ങനെ: അങ്ങനെയെങ്കില്‍ ഓഹരിവിപണിയിലും അത്രതന്നെ വളര്‍ച്ച കണ്ടാല്‍ പോരെ. കൂടിയാല്‍ 15%. എന്നാല്‍ 45ഉം 100ഉം ശതമാനം വളര്‍ച്ച നിലനിര്‍ത്താനുള്ള കെല്‍പ്പ് നമ്മുടെ സമ്പദ്ഘടനയ്ക്കുണ്ടോ ? കുത്തനെയുണ്ടാകുന്ന കയറ്റത്തിനു് കുത്തനെയുള്ള ഇറക്കവും സ്വാഭാവികമാണു്. ഉത്സവപ്പറമ്പിലെ മുച്ചീട്ടു്കളിക്കാരനെ സമീപിക്കുന്നതു് പോലെ ഓഹരിവിപണിയെ സമീപിച്ചാല്‍ ഫലം ഊഹിക്കാവുന്നതേയുള്ളൂ.

സ്പൂഫിങ് എന്ന അപകടം

2008-01-25T02:24:00.000+03:00

സ്പൂഫിങ് എന്നതു് ഇപ്പോള്‍ വളരെ എളുപ്പം ചെയ്യാന്‍ പറ്റുന്ന കാര്യമാണു്. നമുക്കെങ്ങനെ അതില്‍ നിന്നും രക്ഷപ്പെടാം എന്നാണു് ചിന്തിക്കേണ്ടതു്.
ഞാന്‍ ചെയ്യുന്ന കാര്യങ്ങള്‍ എല്ലാവരുടേയും അറിവിലേക്കായി ഇതാ.

1.ബാങ്കിന്റെ സൈറ്റുകളിലേക്കു് ഒരിക്കലും ലിങ്കു് വഴി പോകാറില്ല.
യു ആര്‍ ഐ ബ്രൌസറില്‍ റ്റൈപ്പ് ചെയ്യുകയാണു് പതിവു്. ഫേവറിറ്റ്സില്‍ പോലും ഇടാറില്ല (അതു് ഏതെങ്കിലും ട്രോജന്‍ മാറ്റിയാലോ!).
2.നമ്മുടെ പേഴ്സണല്‍ ഇന്‍ഫോ കൊടുക്കേണ്ടിവരുന്ന സൈറ്റുകളിലും പരമാവധി ലിങ്കുകള്‍ ഒഴിവാക്കാറുണ്ടു്.

വാല്‍ :
ആണവചില്ലു് വരുമ്പോള്‍ ഫെഡറല്‍ബാങ്കിന്റെ പരസ്യം ഇങ്ങനെയാകും.www.ഫെഡറല്‍ (ആണവചില്ല്) ബാങ്ക്.com.
അപ്പോള്‍ നാം ബ്രൌസറില്‍ അങ്ങനെ തന്നെ അടിച്ചു് പോകണം. അല്ലെങ്കില്‍ വല്ല സ്പൂഫ് ചെയ്യപ്പെട്ട സൈറ്റിലും എത്തിപ്പെടാം.

ലിനക്സിന്റെ സാദ്ധ്യതകള്‍

2008-01-07T22:44:00.000+03:00

ലിനക്സ് ഉപയോഗിക്കാന്‍ ബുദ്ധിമുട്ടാണെന്നും മറ്റുമുള്ള വിലാപങ്ങള്‍ സഹിക്കാം. എന്നാല്‍ ലിനക്സിനോടു് ബൈ എന്നൊക്കെ പറയുന്നതു് അല്‍പം കടന്നകയ്യാകും. സാധാരണ യൂസര്‍ക്കിതു് കോണ്‍ഫിഗര്‍ ചെയ്യാന്‍ ബുദ്ധിമുട്ടാണെന്നു് തന്നെ കരുതുക. ഇതു് യഥാര്‍ത്ഥത്തില്‍ കമ്പ്യൂട്ടര്‍ വില്പനക്കാര്‍ക്കു് വലിയ അനുഗ്രഹമാക്കി മാറ്റാം. പണ്ടു് ഈ സ്ഥിതി വിന്‍ഡോസിനായിരുന്നു. വിന്‍ഡോസ് ഇന്‍സ്റ്റാള്‍ ചെയ്തു്കൊടുത്തു് മാത്രം ധാരാളമാളുകള്‍ കാശുണ്ടാക്കി. ലിനക്സില്‍ നല്ല പ്രാവീണ്യം നേടുകയും ഒരു സപ്പോര്‍ട്ട് പാക്കേജു് ഓപ്ഷന്‍ കസ്റ്റമര്‍ക്കു് നല്‍കുകയും ചെയ്താല്‍ അതു് എല്ലാവര്‍ക്കും ഗുണം ചെയ്യും.
1. മൈക്രോസോഫ്റ്റ് മുതലായവര്‍ക്ക് : അവരുടെ മുതല്‍ ആരും മോഷ്ടിക്കുന്നില്ല.
2.ഉപഭോക്താവിനു് : താരതമ്യേന വളരെ കുറഞ്ഞ ചെലവില്‍ കമ്പ്യൂട്ടറും സോഫ്റ്റുവെയറും സ്വന്തമാക്കാം. മനസ്സാക്ഷിക്കുത്തില്ലാതെ ഉപയോഗിക്കാം.
3.വില്‍പനക്കാരനു് : ഉപഭോക്താവുമായി അടുപ്പം നിലനിര്‍ത്താം. അറിവു് കൂടുതലായി നേടാം. ഒരു "പുലി"യായി മാറാം. റെയ്ഡുകളെ ഭയക്കേണ്ടതില്ല.

സിസ്റ്റം ഇന്റഗ്രേറ്റര്‍മാരെ പോലും പോഴന്മാരായി ആരെങ്കിലും ചിത്രീകരിച്ചാല്‍ അവര്‍ക്കു് നല്ല നമസ്കാരം പറയാന്‍ മാത്രമേ കഴിയൂ.

ഇനി വരാനുള്ളതു് ബ്രോഡ്ബാന്റ് ഇന്റര്‍നെറ്റ് യുഗമാണു്. അതു് കൊണ്ടു് തന്നെ ലിനക്സിന്റെ പ്രസക്തി ഏറുകയും ചെയ്യുന്നു.

വിലകള്‍ കൂടട്ടെ

2008-01-03T21:08:00.000+03:00

അരി, പച്ചക്കറി, തുടങ്ങിയ ഭക്ഷ്യവസ്തുക്കള്‍ക്കു് മാത്രം വില കൂടരുതെന്നു് ശഠിക്കുന്നതു് ശരിയോ ? ഈ കര്‍ഷകര്‍ക്കു് മാത്രം രാജ്യത്തിന്റെ "വളര്‍ച്ച"യില്‍ പങ്കു്പറ്റാന്‍ അവകാശമില്ലെന്നോ ?
ശമ്പളം വര്‍ദ്ധിക്കുന്നു. രൂപയുടെ മൂല്യം കൂടുന്നു. ഭൂമിയ്ക്കാണെങ്കില്‍ ആകാശത്തേക്കാളും വില. ഭൂമിയില്‍ ചോര നീരാക്കി വിളയിക്കുന്നതിനു് മാത്രം വില കൂട്ടാന്‍ പാടില്ല എന്നു് പറയുന്നതു് ശരിയല്ല.
ആളുകള്‍ തീറ്റ കുറയ്ക്കട്ടെ .. കുറെ അസുഖങ്ങളെങ്കിലും കുറഞ്ഞു് കിട്ടും..

മനുഷ്യനും സോഫ്റ്റുവെയറും

2007-12-17T17:32:00.000+03:00

ഞാന്‍ ഒരു പ്രോഗ്രാമര്‍ പ്രോഗ്രാം സൃഷ്ടിക്കുന്നു. സോഴ്സും ബൈനറിയുമൊക്കെ ഒന്നാണെങ്കിലും എല്ലാ ഇന്‍സ്റ്റന്‍സുകളും വ്യത്യാസപ്പെട്ടിരിക്കും. മിക്കവാറും പ്രകടമായിത്തന്നെ. ഫുള്‍ മോഡിലും ഡെമോ മോഡിലും പ്രവര്‍ത്തിക്കുന്നതു് ഒരേ ബൈനറിയാണു്. സിസ്റ്റം മെമ്മറി, പ്രോസസര്‍ സ്പീഡ്, തുടങ്ങിയ ശേഷി വ്യത്യാസങ്ങള്‍ അനുസരിച്ചു് കഴിവിലും വ്യത്യാസമുണ്ടാകും . ഓപ്പറേറ്റിങ്ങ് സിസ്റ്റത്തിനനുസരിച്ചു് അപ്പിയറന്‍സില്‍ മാറ്റമുണ്ടാകും.
കാലാകാലങ്ങളില്‍ ഞാന്‍ അപ്ഡേറ്റുകള്‍ നല്‍കിയാല്‍ പ്രോഗ്രാം കാലോചിതമാകും. സ്വയം വിവരങ്ങള്‍ ശേഖരിക്കാനുള്ള ഇന്റലിജന്‍സ് നല്‍കിയും സൃഷ്ടിച്ചവനെ തെറി പറയാനുള്ള പെര്‍മിഷന്‍ നല്‍കിയും റാന്‍ഡം ഓപ്ഷനുകള്‍ സെലക്റ്റ് ചെയ്തു് വ്യത്യസ്ഥ റുട്ടീനുകളിലൂടെ പ്രവര്‍ത്തിക്കാനുള്ള കഴിവു് നല്‍കിയും സ്രഷ്ടാവു് തന്നെയില്ല, ഞാന്‍ എന്റെ ഡാറ്റാബേസിന്റെ വിവരശേഖരത്തേയും പ്രോഗ്രാം ലോജിക്കിനേയും മാത്രം വിശ്വസിക്കുകയുള്ളൂ എന്നു് "ചിന്തിച്ചു്" പ്രവര്‍ത്തിക്കാനുള്ള കഴിവു് നല്‍കിയും എനിക്കതിനെ മനുഷ്യന്റെ പ്രവര്‍ത്തനവുമായി കമ്പയര്‍ ചെയ്യാന്‍ സാധിക്കും .. (വരി നീളം കൂടി എന്തോ ആയിപ്പോയി )
എന്നാലും എന്റെ ദയയിലാണു് അതു് പ്രവര്‍ത്തിക്കുന്നതു് എന്ന വിവരം ഞാന്‍ ഡാറ്റാബേസ് വഴി ധരിപ്പിച്ചുണ്ടെങ്കിലും അതു് നിരാകരിക്കാനുള്ള കഴിവും ഞാന്‍ തന്നെ നല്‍കിയിട്ടുണ്ടല്ലോ. എന്തിനാണു് ഞാന്‍ ഈ സോഫ്റ്റു്വെയര്‍ ഇങ്ങനെയുണ്ടാക്കിയതു് എന്ന വിവരം ഞാനിതു് വരെ നല്‍കിയില്ല എന്നതു് എന്റെ സൌകര്യമാണു്. ഞാനേ പല പ്രോഗ്രാമുകളും എഴുതുന്ന ആളാണു്. എന്തൊക്കെ വിവരം എപ്പോള്‍ നല്‍കണം എന്നു് തീരുമാനിക്കുന്നതു് ഞാനാണു്. അതു്വരെ സ്വയം അപ്ഡേറ്റു് നല്‍കാനുള്ള കഴിവു് ഉപയോഗിച്ചു് ഡാറ്റാ ശേഖരിച്ചു് കൊള്ളൂ. ഏതൊക്കെ ഇന്‍സ്റ്റന്‍സുകള്‍ എന്നെ അംഗീകരിച്ചു എന്നു് നോക്കി മാര്‍ക്കിടാനും മറ്റും ഞാന്‍ വേറെ സോഫ്റ്റു്വെയറുകള്‍ ഉപയോഗിക്കുന്നുണ്ടു് എന്നും അറിയിക്കുന്നു.

ദൈവനാമത്തില്‍ സത്യപ്രതിജ്ഞ

2007-12-17T02:06:00.000+03:00

അല്ലാഹുവിന്റെ നാമത്തില്‍ സത്യപ്രതിജ്ഞ ചെയ്യാവുന്നതാണെന്നു് സുപ്രീംകോടതി വിധിച്ചിരിക്കുന്നു (ചൂടുള്ള വാര്‍ത്തയല്ല).
താനൊരിക്കലും നിറവേറ്റാനുദ്ദേശിക്കാത്ത പ്രതിജ്ഞയല്ലേ, എന്നാല്‍ ദോഷമൊക്കെ അല്ലാഹുവിനിരിക്കട്ടെ അല്ലേ..
ഒരു മതേതരഭരണഘടന അനുശാസിച്ചു് പ്രവര്‍ത്തിച്ചുകൊള്ളാം എന്ന സത്യപ്രസ്താവം സ്വന്തം പേരിലാവുന്നതല്ലേ കൂടുതല്‍ നല്ലതു് ?
ദൈവഭയമില്ലാത്തവരാണു് ഒരു ഉളുപ്പുമില്ലാതെ എന്തു് കാര്യത്തിനും ദൈവത്തെപ്പിടിച്ചു് ആണയിടുന്നതു്. ഇനിയെങ്കിലും പറയുന്നതെന്തെന്നു് മനസ്സിലാക്കി വേണം ആണയിടാന്‍...
പ്രഖ്യാപിത നിരീശ്വരവാദികളായ കമ്യൂണിസ്റ്റുകാര്‍ (വിശ്വാസികളായ കമ്യൂണിസ്റ്റുകാരല്ല) ദേവസ്വം ബോര്‍ഡുകളില്‍ ഭരിക്കുന്നതു് പോലെ.. എന്നും പറയാം.

മലയാളിയ്ക്കെന്തിനാ ഇംഗ്ലിഷും അറബിയുമൊക്കെ ?

2007-12-05T14:13:00.000+03:00

ദാ ഇതു് പോലെയുള്ള അബദ്ധങ്ങള്‍ പറ്റാതിരിക്കാന്‍ സഹായിച്ചേക്കാം.

ഓ, ഇതിലെന്താ അബദ്ധം.
ഒറിജിനലുകള്‍ കണ്ടു നോക്കൂ.

സൗദിയിലെ മുഴുവന്‍ മലയാളികളെയും ലക്ഷ്യമാക്കിയുള്ള പരസ്യമായതു് കൊണ്ടു് ഇത്ര ബോധമില്ലാത്തയാളുകളെ ഇതൊക്കെ ഏല്‍പ്പിക്കാമോ ?
ഹലാ എന്നു് എല്ലാവരും വിളിക്കുന്ന സ്കീമിനെയാണു് നമ്മുടെ മലയാളി 7 ആലാ ആക്കിയതു്. അദ്ദേഹത്തിന്റെ പരിഭാഷാചാതുരി താഴെയുള്ള "പാര"ഗ്രാഫ് വായിച്ചാല്‍ മനസ്സിലാകും.

[ഫ്ലിക്കറിലേക്കു് പോകാന്‍ പറ്റാത്തവര്‍ക്കു്
പികാസയില്‍ ഒരു ആല്‍ബമുണ്ടാക്കി]

ഹര്‍ത്താലുകളെ കുറ്റം പറയുമ്പോള്‍

2007-11-02T10:47:00.000+03:00

ഹര്‍ത്താലുകളെയും ബന്ദുകളെയും സമരങ്ങളെയും കുറ്റം പറയുക ആളുകള്‍ക്കൊരു ഹരമാണു്. എന്നാല്‍ ആഹ്വാനം തള്ളാണുള്ള ധൈര്യമൊട്ടില്ലാ താനും.
ഹര്‍ത്താലുകള്‍ നിരോധിക്കണം എന്നു് പറയുന്നവര്‍ പ്രതിഷേധിക്കാനുള്ള അവകാശം നിഷേധിക്കണം എന്നാണു് പറയുന്നതു്. ഓരോന്നോരോന്നായി ഇങ്ങനെ നിരോധിച്ചിട്ടു് നാട്ടില്‍ "ഉത്തമപൌരന്മാര്‍" മാത്രം മതിയെന്ന നിലയിലാക്കണം. ഉത്തമപൌരന്മാര്‍ എന്നാല്‍ അവനവന്റെ കാര്യം മാത്രം നോക്കി നടക്കുന്നവര്‍. ഭരണത്തിന്റെ കാര്യത്തിലൊന്നും അഭിപ്രായം പറയാന്‍ വരേണ്ടതില്ല. ഇനി അഭിപ്രായം പറഞ്ഞാല്‍ തന്നെ പറഞ്ഞാല്‍ മാത്രം മതി. അതില്‍ നിറുത്തിക്കോണം പ്രതിഷേധം. അല്ലെങ്കില്‍ അതു് ദേശവിരുദ്ധപ്രവര്‍ത്തനമായി കണക്കാക്കും.
ദുബായി (അതാണല്ലോ സ്വര്‍ഗ്ഗരാജ്യം) ലെ കാര്യമെടുക്കാം. സമരം ചെയ്ത നാലായിരം പേരെയാണത്രെ ജയിലിലിട്ടതു്. അതു്പോലെ നമ്മുടെ നാടും വികസിക്കണം. അപ്പോള്‍ സമ്പദ്ഘടന നന്നാകും. ഏതു് ഭരണകൂടത്തിനും അതായിരിക്കും ഇഷ്ടം.
പിന്നെ നിയമലംഘനങ്ങള്‍ നിയമം മൂലം നിരോധിക്കണം എന്നു് പറയുന്നതിലെ തമാശ ഓര്‍ത്തുനോക്കൂ.
എന്നാല്‍ ഹര്‍ത്താല്‍ എന്ന പ്രതിഷേധമാര്‍ഗ്ഗം കണ്ടമാനം ഉപയോഗിച്ച രാഷ്ട്രീയകക്ഷികള്‍ ഒട്ടും പിന്തുണ അര്‍ഹിക്കുന്നില്ല. ഹര്‍ത്താലുകള്‍ക്കു് അതുദ്ദേശിച്ച ഫലം ലഭിക്കണമെങ്കില്‍ അവ ശ്രദ്ധിക്കപ്പെടണം. അതിനു് വാര്‍ത്താപ്രാധാന്യം ലഭിക്കണം.(ഹര്‍ത്താല്‍ വിജയിപ്പിക്കാന്‍ ആളുകളെ ഉപദ്രവിച്ചുണ്ടാക്കുന്ന വാര്‍ത്താപ്രാധാന്യമല്ല ഞാനുദ്ദേശിച്ചതു്). എന്നും അതുണ്ടായാല്‍ അതു് വാര്‍ത്തയാവില്ല. ഹര്‍ത്താല്‍ ഒരു മരുന്നാണെങ്കില്‍, മരുന്നു് അധികമായാലുള്ള അപകടവും തിരിച്ചറിയണം. അതിനു് മരുന്നു് നിരോധിക്കുകയല്ല വേണ്ടതു്, ഉപയോഗം കുറയ്ക്കുകയാണു്.

ഇവരെ ഐഡന്റിഫൈ ചെയ്യാമോ ?

2007-10-30T23:54:00.000+03:00

ചോദ്യം: ഒരു ലക്ഷം രൂപ നിങ്ങള്‍ക്കു് കിട്ടിയെന്നു് കരുതൂ. അതെങ്ങനെ ഉപയോഗിക്കും ?

ഒന്നാമന്‍ : അതു് മ്യൂച്ച്വല്‍ ഫണ്ടില്‍ ഇന്‍വെസ്റ്റ് ചെയ്യും.
രണ്ടാമന്‍ : പാവപ്പെട്ട കുട്ടികള്‍ക്കു് സ്കോളര്‍ഷിപ്പ് ഏര്‍പ്പാടാക്കും.
മൂന്നാമന്‍ : ചെലവാക്കാനാണോ പാടു്. അതു് ദാന്നു് പറയുമ്പോഴേക്കും തീരും.
നാലാമന്‍ : ഈ ചൂഷണവ്യവസ്ഥ നിലവിലുള്ളപ്പോള്‍ അത്രയും പണം എനിക്കു് ലഭിക്കാന്‍ സാദ്ധ്യതയില്ല. ഒരു ഹൈപ്പോഥെറ്റിക്കല്‍ ചോദ്യത്തിനു് ഉത്തരം പറയാന്‍ ഞാന്‍ തയ്യാറല്ല.
അഞ്ചാമന്‍ : അതു് പോലെ ഇനിയും പണം കിട്ടാന്‍ ശ്രമിക്കും. അതിനുള്ള കൈക്കൂലിയായി ഈ പണം ഉപയോഗിക്കും.
ആറാമന്‍ : പ് ഫ്... ഒരു ലക്ഷം കൂവ ! എന്തിനു് തെകയും അതു് . എന്നിട്ടു് ഒരു ഒലക്കേമല ചോദ്യോം!

ഇവരെ ഐഡന്റിഫൈ ചെയ്യാമോ ? (പേരുകളല്ല)

കോണ്‍സുലേറ്റ് സന്ദര്‍ശനം

2007-10-30T14:10:00.000+03:00

പാസ്‌പോര്‍ട്ടിലെ വിവരങ്ങള്‍ മാഞ്ഞു്തുടങ്ങി. ഏതോ ബുദ്ധിമതി(മാന്‍) ബോള്‍പോയന്റ് പേനയുപയോഗിച്ചു് എഴുതിയതിന്റെ ഫലം (എന്നു് അനുമാനിക്കുന്നു).
കോണ്‍സുലേറ്റില്‍ ചെന്നു. കൌണ്ടറില്‍ വിവരം പറഞ്ഞു. വൈസ് കോണ്‍സലിനെ ഒന്നു് കണ്ടേക്കാന്‍ ഉപദേശം കിട്ടി. ആയമ്മ അന്നു് ജയില്‍ സന്ദര്‍ശനത്തിനോ മറ്റോ പോയതാണു്. "ഇപ്പോ വരും" എന്ന മറുപടി വിശ്വസിച്ചു് കാത്തു്നിന്ന എന്റെ ഒരു പ്രഭാതം അങ്ങനെ പോയിക്കിട്ടി. ഉച്ചയാകാറായപ്പോള്‍ അറിയിപ്പ് കിട്ടി "ആയമ്മ ഇന്നിനി വരികേല". പകരക്കാരന്‍ വന്നു. എനിക്കു് മുമ്പേ കേറിയവര്‍ മലയാളത്തില്‍ അദ്ദേഹത്തോടു് സംസാരിക്കുന്നതു് കേട്ടതു് കൊണ്ടു് ഞാനും മലയാളത്തില്‍ വിവരം പറഞ്ഞു. അദ്ദേഹം കൈമലര്‍ത്തി. ഇഷ്യു ചെയ്ത ഓഫീസില്‍ തന്നെ കൊടുക്കാന്‍ ഉപദേശിച്ചു. നാട്ടിലാകുമ്പോള്‍ കാശും കുറവേയുള്ളുവത്രേ. ഇതിവിടെ ചെയ്യണമെങ്കില്‍ എഴുനൂറ്റമ്പതു് റിയാലാകും. നന്ദി പറയുന്നതു് ശീലമായതു് കൊണ്ടു് അതും പറഞ്ഞു് ഇറങ്ങി.
അടുത്തയാഴ്ച വീണ്ടും. ആയമ്മ അന്നുണ്ടു്. നല്ല ആംഗലേയത്തില്‍ കാര്യം പറഞ്ഞു. അവര്‍ അഡീഷനല്‍ ബുക്ക്‌ലെറ്റിനു് അപേക്ഷിച്ചോളാന്‍ പറഞ്ഞു. എഴുപതു് റിയാലിനു് കാര്യം നടന്നു.
"മലയാളത്തില്‍ പറഞ്ഞതാണോ കുഴപ്പമായതു് അതോ ഉത്തരവാദിത്തമേറ്റെടുക്കാനുള്ള പകരക്കാരന്റെ വിമുഖതയോ"

തെഹല്‍ക്ക റിപ്പോര്‍ട്ട് - ചില ചിന്തകള്‍

2007-10-28T14:32:00.000+03:00

മുന്‍കൂര്‍ ജാമ്യം: കലാപകാരികളെ ന്യായീകരിക്കല്‍ എന്റെ ഉദ്ദേശ്യമല്ല.
തെഹല്‍ക്കയുടെ ഗുജറാത്തു് റിപ്പോര്‍ട്ട് എന്തേ എന്നില്‍ ഞെട്ടലുണ്ടാക്കിയില്ല എന്നാണു് ഞാന്‍ ആദ്യം ആലോചിച്ചതു്. ഒരു പക്ഷെ അപ്രതീക്ഷിതവാര്‍ത്തകളൊന്നും അതില്‍ കാണാത്തതു്കൊണ്ടാകാം. അല്ലെങ്കില്‍ എനിക്കെന്തെങ്കിലും സാരമായ കുഴപ്പമുണ്ടായിരിക്കാം.
ഏതായാലും കുറ്റവാളികളുടെ പ്രസ്താവനകളില്‍ നിന്നും എനിക്കു് മനസ്സിലായതു് അവര്‍ക്കു് കൊല്ലപ്പെട്ടവരോടു് കടുത്ത വിദ്വേഷമുണ്ടായിരുന്നുവെന്നും ഒരു സന്ദര്‍ഭം കിട്ടാന്‍ കൊതിച്ചുകഴിയുകയായിരുന്നുവെന്നുമാണു്.
വളരെ പ്രസക്തമായ ഒരു കാരണമായാണു് ഞാനിതു് മനസ്സിലാക്കുന്നതു്. ആളുകളെ ഇതു്പോലെ ക്രൂരമായ കൊലപ്പെടുത്തണമെങ്കില്‍ അത്രയധികം വെറുപ്പു് ഉണ്ടായിരുന്നിരിക്കണം. വെറുപ്പു് വെറുതെ ഉണ്ടാവില്ലല്ലോ. മുന്‍കാല അനുഭവങ്ങളായിരിക്കാം പ്രേരണ. ഇതൊരു പാഠമായി ആളുകള്‍ ഉള്‍ക്കൊള്ളണം എന്നാണു് എനിക്കു് പറയാനുള്ളതു്. തങ്ങള്‍ക്കു് ശക്തിയുള്ളപ്പോള്‍ (സാമ്പത്തികമായോ രാഷ്ട്രീയപരമായോ) അതിരു് വിട്ടു് നെഗളിക്കാതെ, ആളുകളെ ഉപദ്രവിക്കാതെ, കഴിയുമെങ്കില്‍ (കഴിവുണ്ടല്ലോ) സഹായിച്ചു് , ജീവിക്കുക. അല്ലെങ്കില്‍ തിരിച്ചടികള്‍ പ്രതീക്ഷിക്കാം. അപ്പോള്‍ കരഞ്ഞു്വിളിച്ചാല്‍ ആരുമുണ്ടാവില്ല.
ഈ പ്രവണതയെ വര്‍ഗ്ഗീയമായോ തീവ്രവാദമായോ മറ്റെന്തെങ്കിലുമായോ ചുരുക്കിക്കാണാനാണു് പക്ഷെ നാം ശ്രമിക്കുന്നതു്.
ചുരുക്കം ചിലരുടെ മോശം പ്രവൃത്തികളാകും ഒരു സമുദായത്തേയോ ജനതയേയോ പ്രതിക്കൂട്ടില്‍ നിര്‍ത്തുന്നതു്. നമുക്കു് ചെയ്യാന്‍ പറ്റുന്നതിതാണു് : നാം ആ മോശം ചിലരാകാതിരിക്കുക.

സ്മാര്ട്ട്സിറ്റിയും ആണവകരാറും

2007-10-24T15:27:00.000+03:00

കാങ്ഗ്രസിന്റെ കുഴപ്പമാണോ എന്നറിയില്ല, അവരൊരു പദ്ധതി കൊണ്ടുവന്നാല്‍ അതിനെ എതിര്‍ക്കുന്നവരെ വികസനവിരുദ്ധര്‍ എന്നു് പറഞ്ഞു്കളയും. അതായതു് വികസനം അവരുടെ മാത്രം അജണ്ടയാണെന്നു്.
സ്മാര്‍ട്ട്സിറ്റിയുടെ കാര്യമെടുക്കാം. ദുബായിക്കാരു് വന്നില്ലെങ്കില്‍ കേരളത്തിനു് നിലനില്‍പേ ഇല്ല എന്നു് വലിയ വായില്‍ കരച്ചില്‍. ഈ നിലപാടു് നമ്മുടെ ബാര്‍ഗൈനിങ്ങ് പൊസിഷന്‍ ഇല്ലാതാക്കും. നമുക്കു് ഒരു യാചകന്റെ സ്റ്റാറ്റസ് കൈവരും. മറിച്ചു് "ഈ പദ്ധതി കൊള്ളാം. ഇനിയിപ്പോ ഇതല്ലെങ്കില്‍ മറ്റൊന്നു്" എന്ന നിലപാടു് നമുക്കു് ഒരു പാര്‍ട്ട്ണറുടെ സ്റ്റാറ്റസ് നല്‍കും. നെഗോഷ്യേറ്റ് ചെയ്യാന്‍ അവസരവും.
ദാ നോക്കൂ. ആണവകരാറിന്റെ കാര്യത്തില്‍ പറയുന്നു. ബുഷ് നമ്മോടു് എന്തോ ദയ തോന്നി സമ്മതിച്ചതാണു്. പുള്ളി ഒഴിയുന്നതിനു് മുമ്പു് ഒപ്പിടീച്ചു് മേടിക്കണം ! ഈ മനോഭാവവും കൊണ്ടു് നടക്കുന്ന നമുക്കു് എങ്ങനെ സെക്യൂരിറ്റി കൌണ്‍സിലില്‍ അംഗത്വം കിട്ടും ?
എതിര്‍ക്കുന്നവര്‍ ചാരന്മാരാണത്രെ.
മറ്റൊരു ഓപ്ഷന്‍ എന്നതില്‍ കവിഞ്ഞു് അമിതപ്രാധാന്യം ആണവകരാറിനു് നല്‍കേണ്ട കാര്യമില്ല. ഇതില്ലാതെയും നമുക്കു് ജീവിക്കാം. ഇതും കൊള്ളാം എന്ന ഒരു അഴകൊഴമ്പന്‍ ലൈനിനു് പകരം "അയ്യോ ഇവരെന്നെ ഒപ്പിടാന്‍ സമ്മതിക്കണില്ല്യാ. ഞാന്‍ സായിപ്പിനു് വാക്കു് കൊടുത്തതാ" എന്നൊക്കെ പറയേണ്ട വല്ല കാര്യോണ്ടോ? പിന്ന്യോ ,മോങ്ങാതെയിരുന്ന കമ്മ്യൂണിസ്റ്റുകാരുടെ വായില്‍ കോലിട്ടു് കുത്തി "ഇഞ്ഞി വേണേ പിന്തുണ പിന്‍വലിച്ചോ, ന്നാലും ഞമ്മ ഒപ്പിടും" എന്നൊക്കെ പറയണ്ട വല്ല ആവശ്യോണ്ടാര്‍ന്നോ.
അമേരിക്ക, സഹകരണം എന്നൊക്കെ കേട്ടാ കലി വരുന്ന പലര്‍ക്കും എംബീയെ, സ്കോളര്‍ഷിപ്പ് എന്നൊന്നും കേട്ടാല്‍ പ്രശ്നമില്ല. പേടി നല്ലതാണു്. പക്ഷേ പേടി നല്ലതല്ല.

മനോരമ ന്യൂസ് ഇന്റര്‍നാഷണല്‍

2007-10-24T15:04:00.000+03:00

ഇന്‍സാറ്റ് വൈഡ് ബീമില്‍ മനോരമ സംപ്രേക്ഷണം തുടങ്ങി. ഇപ്രാവശ്യം യെംപെഗ്-2 ലാണു്. ഇതു് ആദ്യമേ ആവാമായിരുന്നു. കേബിളുകാരു് മാത്രം കണ്ടാല്‍ മതിയെന്നു് തീരുമാനിച്ചതു് അവര്‍ തന്നെയാണു്. ആ മണ്ടന്‍ തീരുമാനം തിരുത്തിയതു് അവര്‍ക്കു് കൊള്ളാം. ഗള്‍ഫുകാര്‍ക്കു് മാറ്റിയുടുക്കാന്‍ ഒരു ചാനല്‍ കൂടി. ഇനി സൂര്യേം കൂടി വരണം !

ആത്മഹത്യ

2007-10-23T23:04:00.000+03:00

ആത്മഹത്യകളുടെ മനഃശാസ്ത്രം പഠിക്കാന്‍ ഞാന്‍ ശ്രമിച്ചിട്ടില്ല. തനിക്കു് ജീവന്‍ നല്‍കിയതു് താനല്ലെന്നിരിക്കെ അതു് കളയാനും തനിക്കു് അവകാശമില്ല എന്നൊക്കെ കേട്ടിട്ടുണ്ടു്.
എന്തിനു് ഒരാള്‍ ആത്മഹത്യ ചെയ്യണം ?
കടക്കെണി ! അങ്ങനെയെങ്കില്‍ ഇന്ത്യയൊക്കെ എന്നേ മരിക്കണം !
ഭയം ! ഭീരുക്കള്‍ പല തവണ മരിക്കും. അപ്പോള്‍ അതു് ശരിയാകാം. ഭയത്തെ ഉന്മൂലനം ചെയ്താല്‍ ആത്മഹത്യ കുറയ്ക്കാന്‍ സാധിക്കും. എങ്ങനെ സാധിക്കുമെന്നാ. ആവോ. ആരോടെങ്കിലും ചോദിച്ചുനോക്കു്. അല്ലെങ്കില്‍ ഭയത്തെ മരണഭയമായി കണ്‍വര്‍ട്ടു് ചെയ്യാന്‍ പറ്റുമോ എന്നു് നോക്കു്.
മാനഹാനി ! മാനം കെട്ടു് ജീവിക്കുന്നതിനേക്കാള്‍... ഇതു് കേട്ടു് തഴമ്പിച്ചതല്ലേ.
അപ്പോള്‍ ഇവനാണു് വില്ലന്‍. ഇതാണു് യഥാര്‍ത്ഥ ആത്മഹത്യാപ്രേരണ.
കാണം വിറ്റും ഓണമുണ്ണണം എന്നു് പറയുന്നതു് പോലെ മാനംകെട്ടും കാലം കഴിക്കണം എന്ന ചൊല്ലുണ്ടെങ്കില്‍ പ്രശ്നം സോള്‍വ്ഡ്. കടക്കാരൊക്കെ വരുമ്പോ കൈ മലര്‍ത്തി കാണിക്കുക. ബാങ്കുകാരോടു് പോയി പണിനോക്കാന്‍ പറയുക. വീട്ടീന്നു് എറക്കിവിട്ടാല്‍ പോകരുതു്. അവിടെ കിടക്കുക. ആളുകള്‍ വല്ലാതെ ഉപദ്രവിച്ചാല്‍ ചാനലുകാരെ വിളിച്ചു് പറയുക.
മാനം എന്നൊക്കെ പറയുന്നതു് വളരെ അബ്സ്ട്രാക്റ്റ് ആയിട്ടുള്ള സംഗതിയാണു്. എന്നാല്‍ മരണം റിയലാണു്.
നിരാശ ! ഇനിയെന്തു് ചെയ്യാനാ. പ്രേമിച്ച പെണ്ണു് പോയി. കെട്ടിയ പെണ്ണു് പോയി . കുട്ടികള്‍ ഇട്ടിട്ടു് പോയി. കഷ്ടപ്പെട്ടു് ഉണ്ടാക്കിയ സ്വത്തു് പോയി .തുടങ്ങിയവ (പെണ്ണു് എന്നുള്ളതു് ചെക്കന്‍ എന്നും വായിക്കാം). ഇതൊന്നും ഇല്ലാത്ത ഒരു കാലവും ഉണ്ടായിരുന്നു എന്നു് കരുതിയാല്‍ സൌഖ്യമാകും. വേറെ പണിയൊന്നുമില്ലെങ്കില്‍ ഈ ബ്ലോഗില്‍ രണ്ടു് കമന്റുകളിടാന്‍ വേണ്ടിയെങ്കിലും ജീവിക്കാമല്ലോ !

യൂണിഫോം വിവേചനം അഥവാ ഇന്ത്യാവിഷം

2007-10-22T14:03:00.000+03:00

ഇന്ത്യാവിഷന്‍ "പുറത്തുകൊണ്ടുവന്ന" വാര്‍ത്ത അടിസ്ഥാനമാക്കി മനുഷ്യാവകാശകമ്മിഷന്‍ കേസെടുത്തതു് സംബന്ധിച്ചു് അതേ ചാനലില്‍ നടത്തിയ സംവാദത്തെ അടിസ്ഥാനമാക്കിയുള്ള നിരീക്ഷണമാണു്.

ആദിവാസികുട്ടികള്‍ക്കു് പ്രത്യേകനിറത്തിലുള്ള യൂണിഫോം നല്‍കി സ്കൂളും പഞ്ചായത്തും കുട്ടികളില്‍ വിവേചനം സൃഷ്ടിച്ചു എന്നായിരുന്നു വാര്‍ത്തയുടെ രത്നചുരുക്കം.
നീല ഉടുപ്പിടുന്നവര്‍ ആദിവാസിക്കുട്ടികള്‍ മാത്രമല്ലെന്നാണു് പ്രിന്‍സിപ്പല്‍ പറഞ്ഞതു്. മറ്റു ചില കുട്ടികളും ഇടുന്നുണ്ടത്രെ. ശരിയായിരിക്കും. കാരണം, നീലയുടുപ്പു് തന്നെ പലതരത്തിലുള്ളതു് ടീവി വിഷ്വലില്‍ കാണുന്നുണ്ടായിരുന്നു. പിന്നെയും രണ്ടു്തരം ഉടുപ്പുകളും കാണുന്നുണ്ടായിരുന്നു. ഏറ്റവും ശ്രദ്ധിക്കപ്പെട്ട കാര്യം നീലയുടുപ്പിട്ട കുട്ടികളും മറ്റു കുട്ടികളും തോളില്‍ കയ്യിട്ടും മറ്റും ഒന്നിച്ചാണു് നടന്നിരുന്നതു്. അതായതു് അവര്‍ക്കിതേവരെ ഒരു വിവേചനവും അനുഭവപ്പെട്ടിരുന്നില്ലെന്നാണു് അതു് സൂചിപ്പിക്കുന്നതു്. ഇനി അവര്‍ക്കു് എന്തെങ്കിലും തോന്നുകയാണെങ്കില്‍ അതിനു് ഉത്തരവാദി ഇന്ത്യാവിഷന്‍ വാര്‍ത്തയായിരിക്കും.
സ്കൂളധികൃതരോടു് വിവരം തിരക്കാതെ വാര്‍ത്ത കൊടുത്തതു് മാന്യമായി പറഞ്ഞാല്‍ നിര്‍ഭാഗ്യകരമായിപ്പോയി (സാധാരണമട്ടില്‍ പറഞ്ഞാല്‍ തെണ്ടിത്തരം).വളരെ വിശ്വസനീയമായ വിശദീകരണമാണു് പ്രിന്‍സിപ്പല്‍ നല്‍കിയതു്. തൊപ്പിവെച്ചും തട്ടമിട്ടും കുറിതൊട്ടും യൂണിഫോം അനുസരിക്കാത്തവരുള്ള നാട്ടില്‍ ഇതൊരു ആനക്കാര്യമായി എഴുന്നള്ളിച്ചതു് ഇന്ത്യാവിഷന്റെ പ്രതിഭാദാരിദ്ര്യത്തെയാണു് സൂചിപ്പിക്കുന്നതു്.

ആതിഥേയനെ ചീത്ത വിളിക്കാമോ ?

2007-10-21T20:39:00.000+03:00

നാം ഒരു വീട്ടില്‍ വിരുന്നു പോകുന്നു. അവിടെക്കണ്ട കുറ്റങ്ങളും കുറവുകളും പരസ്യമാക്കാമോ ?

നാം ഒരു നാട്ടില്‍ ജോലിക്കു് പോകുന്നു. ആ നാട്ടുകാരെ നമുക്കു് ആക്ഷേപിക്കാമോ ?

ഇതിലും ആപേക്ഷിക സിദ്ധാന്തമാണോ പ്രയോഗിക്കേണ്ടതു് ?

[ ഉപദ്രവിച്ചാല്‍ പ്രതികരിക്കണം എന്നതു് സാമാന്യതത്വമാണു് . അതു് ഈ ചോദ്യത്തിന്റെ പരിധിക്കു് പുറത്താണു് ]

സഭ്യത

2007-10-21T06:07:00.000+03:00

സഭ്യത അസഭ്യം എന്നിവയൊക്കെ റിലേറ്റീവ് ആണെന്നു് ചിലര്‍ പറയും. പറഞ്ഞോട്ടെ. ഞാന്‍ പറയും അവനവനു് (താന്‍ പറഞ്ഞതു് അസഭ്യമാണെന്നു്) തോന്നുന്നുണ്ടെങ്കില്‍ പിന്നെ ആരുടെയും അഭിപ്രായത്തിനു് കാത്തുനില്‍ക്കേണ്ട കാര്യമില്ലെന്നു്.
നല്ല ഉദ്ദേശ്യത്തില്‍ ചീത്ത വാക്കുകള്‍ (എന്താണു് ചീത്ത?) ഉപയോഗിക്കാറില്ല ആരും.
താന്‍ തന്നെക്കുറിച്ചു് കേള്‍ക്കാനിഷ്ടപ്പെടാത്ത വാക്കുകള്‍ നാം എന്തിനു് മറ്റുള്ളവരെ വിളിക്കണം ?
അതോ തന്നെയെല്ലാവരും ചീത്ത വിളിക്കുന്നു, എന്നാപ്പിന്നെ തനിക്കും ആയ്ക്കൂടേ എന്നാണോ ? അതു്കൊണ്ടു് ആര്‍ക്കെങ്കിലും സുഖം (എന്താണു് സുഖം) കിട്ടുമോ ?
നടു റോഡില്‍ തുണിയുരിഞ്ഞു് നേടാനുള്ളതാണോ പ്രശസ്തി. അല്ലെങ്കില്‍ മറ്റുള്ളവരുടെ തുണിയുരിഞ്ഞാണോ പ്രശസ്തനാവേണ്ടതു് ?

വിശുദ്ധനും കമ്മ്യൂണിസ്റ്റും

2007-10-20T01:06:00.000+03:00

കൈരളി പീപ്പിളിലെ വര്‍ത്തമാനം എന്ന പരിപാടി കാണാനിടയായി. അതില്‍ ഒരു ബിഷപ്പിന്റെ ഉദ്ധരണിയെപ്പറ്റി പറഞ്ഞതു് എനിക്കു് ക്ഷ ബോധിച്ചു.
(പേരൊന്നും ഓര്‍മ്മയില്ല, ക്ഷമി)
എന്തുവാ "പട്ടിണി കിടക്കുന്നവനു് ആഹാരം നല്‍കിയാല്‍ വിശുദ്ധന്‍, പട്ടിണി എങ്ങനെയുണ്ടാകുന്നു എന്നു് കണ്ടെത്തുന്നവന്‍ (അതേപ്പറ്റി ചിന്തിക്കുന്നവന്‍) കമ്മ്യൂണിസ്റ്റ് " എന്നോ മറ്റോ ആണു്. അവതാരകനും അതു് കാര്യമായി ബോധിക്കുകയും ഇതു് വളരെ കാലികപ്രസക്തമാണെന്നും അഭിപ്രായപ്പെടുകയും ചെയ്തു. (സഭ കമ്മ്യൂണിസ്റ്റുകളെ വിശുദ്ധ പച്ചത്തെറി വിളിക്കുന്ന കാലമാണു് , തിരിച്ചും അത്ര വിശുദ്ധമല്ലെങ്കിലും അശുദ്ധമായ)
ബിഷപ്പ് കമ്മ്യൂണിസ്റ്റുകാരെ പുകഴ്ത്തി എന്നല്ലേ ഞാനും ആദ്യം കരുതിയതു്. ഹമ്പട ബിഷപ്പേ എന്നു് കരുതുകയും ചെയ്തു. പിന്നെയല്ലേ എന്റെ കുരുട്ടുബുദ്ധി പ്രവര്‍ത്തിച്ചതു്. ഇതു് പുകഴ്ത്തിയതൊന്നുമല്ല , ഒന്നു് കൊട്ടിയതാണെന്നു്. കമ്മ്യൂണിസ്റ്റുകള്‍ "ആലോചിക്കുകയും" "കാരണങ്ങള്‍ കണ്ടെത്തുകയും" മാത്രമേ ചെയ്യുകയുള്ളു. അതൊക്കെ പ്രവൃത്തിപഥത്തിലാക്കാന്‍ വിശുദ്ധന്മാര്‍ വേണം.
അങ്ങനെ നോക്കിയപ്പോള്‍ എനിക്കിവിടെ ധാരാളം കമ്മ്യൂണിസ്റ്റുകളെ കാണാന്‍ പറ്റുന്നുണ്ടു്. വിശുദ്ധന്മാര്‍ വിരളമാകാനുള്ള കാരണവും അതു് തന്നെ.

സ്റ്റെയ്ക്ക് മാര്‍ക്കറ്റ്

2007-10-19T17:15:00.000+03:00

ഓഹരിവിപണിയിലെ തകര്‍ച്ച അന്വേഷിക്കണം: പാര്‍ട്ടികള്‍

മുന്നേറ്റവും അന്വേഷിക്കേണ്ടതല്ലേ ?
കാശിട്ടു് കാശു് വാരാന്‍ പോയാലുള്ള അനുഭവം ആരും പുറത്തു് പറയാറില്ല, കാരണം മരിച്ചവര്‍ സംസാരിക്കാറില്ല.

കര്‍ഷക പെന്‍ഷന്‍

2007-10-19T15:41:00.000+03:00

കര്‍ഷക പെന്‍ഷന്‍ 130 രൂപയായി വര്‍ദ്ധിപ്പിച്ചു.- വാര്‍ത്ത

ഖജനാവിനുണ്ടാവുന്ന അധികബാദ്ധ്യത കൂടി അറിഞ്ഞശേഷം പ്രതികരിച്ചാല്‍ മതിയായിരുന്നു.

കഷ്ടം , കര്‍ഷകരെങ്ങനെ ഇതു്കൊണ്ടു് ജീവിക്കും എന്നാണു് കരുതുന്നതു് ? 130 രൂപ 30 ദിവസം. അപ്പോള്‍ ദിവസം എത്ര രൂപ ? അഞ്ചുറുപ്യ തെകച്ചൂല്യ. ഇതു് കിട്ടാന്‍ വേണ്ട നടപടിക്രമങ്ങള്‍ എന്തൊക്കെയാണാവോ ? ഇതു് കൊടുക്കാന്‍ എത്ര കാശു് വേറെ ചെലവാകും, ശമ്പളം-കിമ്പളം-ബത്ത-പടി-കമ്മറ്റി ഇനത്തില്‍ ?
എത്ര പേര്‍ക്കു് ഇതു്കൊണ്ടു് പ്രയോജനമുണ്ടു് ?

ഒരു തനി അരാഷ്ട്രീയവാദിയുടെ ചോദ്യമായി കരുതിയോ ? നിങ്ങള്‍ക്കു് നല്ല നമസ്കാരം !

സര്‍വ്വകലാശാലയെ ഉയര്‍ത്തിയാല്‍ എന്തു് കിട്ടും

2007-10-19T15:30:00.000+03:00

കൊച്ചി ശാസ്ത്ര സാങ്കേതിക സര്‍വ്വകലാശാലയെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് എഞ്ചിനീയറിംഗ് സയന്‍സ് ആന്‍ഡ് ടെക്നോളജി ആക്കി ഉയര്‍ത്താന്‍ കേന്ദ്ര സര്‍ക്കാര്‍ തീരുമാനിച്ചു.
ദീപിക വാര്‍ത്ത

സര്‍വ്വകലാശാലയെ ഉയര്‍ത്തിയാല്‍ ഇന്‍സ്റ്റിറ്റ്യൂട്ടാണോ കിട്ടുക ? ഈ "ഉയര്‍ച്ച" കൊണ്ടു് സര്‍ക്കാര്‍ ലക്ഷ്യമിടുന്നതെന്തു് ? ഈ സര്‍വ്വകലാശാലയുടെ കീഴില്‍ പ്രവര്‍ത്തിച്ചിരുന്ന കോളജുകളും കോഴജുകളും തുടര്‍ന്നു് എങ്ങനെ പ്രവര്‍ത്തിക്കും ?
ചോദ്യങ്ങള്‍ തനി കമ്യൂണിസ്റ്റ് രീതിയിലായിപ്പോയെങ്കി ക്ഷമി (ഷമി എന്നും പറയാം)

കഥയോ കദയോ

2007-10-14T14:42:00.000+03:00

കഥയോ കദയോ ?
കഥ എന്നൊക്കെ ഉച്ചരിക്കുന്ന മലയാളികളുണ്ടോ?
കദ എന്നല്ലേ ആളുകള്‍ ഉച്ചരിക്കുന്നതു് ?

തു റ ന്നു തൊറന്നു
ചി ര വ ചെരവ
പ ക ല്‍ പഗല്‍
ഭ ര ണി ബരണി (ബരണീടെ ബ യാണോ ബലൂണിന്റെ ബ ആണോ എന്നാണു് ചോദ്യം വരാറു്)

കഥ കഥ തന്നെയാണെന്ന കാര്യത്തില്‍ എനിക്കു് സംശയമൊന്നുമില്ല കേട്ടോ. അതില്‍ കുറച്ച് സാഹിത്യ ഭംഗിയൊക്കെ വേണം എന്നാല്‍ എന്നാണു് എന്റെ പക്ഷം. അല്ലാത്തതൊക്കെ വെറും കദയായാല്‍ പോരേ. പറയാനും എളുപ്പം. വായിക്കാനും എളുപ്പം !

ഈദ് ആശംസകള്‍

2007-10-14T01:18:00.000+03:00

നോമ്പോ പിടിക്കാന്‍ പറ്റിയില്ല. പെരുന്നാളെങ്കിലും കൂടണ്ടേ ! ഊദ് മണക്കുന്ന ഈദ് ആശംസകള്‍.

മതചാനലുകളും മതമില്ലാചാനലുകളും വേറിട്ട ചാനലുകളും വെറുതെയുള്ള ചാനലുകളും ബ്ലോഗുകളും പത്രങ്ങളും ആശംസകള്‍ ചൊരിഞ്ഞ ശേഷമായ്ക്കോട്ടെ ഇതെന്നു് വിചാരിച്ചു. ഒരു ഫോര്‍മാലിറ്റി. അല്ലെങ്കില്‍ ആളുകളെന്തു് വിചാരിക്കും എന്നു് കരുതീട്ടൊന്നുമല്ല.

മനുഷ്യനെ മനുഷ്യനാക്കാന്‍ മനുഷ്യന്‍ മാത്രം തീരുമാനിച്ചാല്‍ പോരായെന്നു് കരുതുന്ന ഒരു മനുഷ്യന്റെ ആശംസകള്‍.

Boofiya

2007-10-13T14:31:00.000+03:00

അറബ് നാടുകളില്‍ (ചുരുങ്ങിയ പക്ഷം സൌദിയില്‍) ജീവിക്കുന്നവര്‍ക്കു് ബൂഫിയ എന്താണു് എന്നറിയാമായിരിക്കും. നമ്മുടെ ചായക്കടയുടെ ഒരു ചെറുപതിപ്പാണു് ഇതു്. ചായക്കട ഇവിടെ കഫ്‌ത്തീരിയ ആണു്. മറ്റു് പലതിലുമെന്നതു് പോലെ ഇതിന്റെ ഇംഗ്ലീഷ് എന്തായിരിക്കും, എന്താണു് ഈ വാക്കിന്റെ ഉറവിടം എന്നു് ഞാന്‍ ആലോചിക്കാറുണ്ട്.
അങ്ങനെയിരിക്കെ യാദൃച്ഛികമായി ഞാനൊരു ബോര്‍ഡ് കണ്ടു : Buffet Sulaiman . ഒരു നൈജീരിയന്‍ ബൂഫിയ !

[വാല്‍: ഇന്നലെ ചെന്നു് നോക്കിയപ്പോള്‍ അതു് Boofiya Salim ആയിരിക്കുന്നു. ഒരു മലയാളിയാണു് ഇപ്പോള്‍ നടത്തിപ്പുകാരന്‍ ]

ഭക്ഷണം നാണയമാകുമ്പോള്‍

2007-10-11T01:52:00.000+03:00

ഭക്ഷ്യവിളകള്‍ നാണ്യവിളകളായി പരിഗണിച്ചു്പോരുന്നതാണു് നമ്മുടെ ഒരു പ്രതിസന്ധി. ഉണ്ണാന്‍ വച്ചിരിക്കുന്ന അരിയെടുത്തു് വിറ്റ് റ്റീവി വാങ്ങി ക്രിക്കറ്റ് കളി കണ്ടിരിക്കുകയാണു് നാം.
നമ്മുടെ ആവശ്യം കഴിഞ്ഞു് മിച്ചമുള്ളതു് മാത്രമേ പുറമേയ്ക്ക് കൊടുക്കേണ്ടതുള്ളൂ. അതും നാട്ടില്‍ ഉണ്ടായേക്കാവുന്ന വിളനാശവും മറ്റും കണക്കാക്കി ഒരു കരുതല്‍ശേഖരവും ഉണ്ടാക്കിയ ശേഷം.
ഈയൊരു കാഴ്ചപ്പാടോടെയാണു് അരി കയറ്റുമതി കേന്ദ്രസര്‍ക്കാര്‍ നിരോധിച്ചതെങ്കില്‍ അതു് അഭിനന്ദാര്‍ഹമാണു് . ഭക്ഷണം (വിളവ്) കേടു് കൂടാതെ സൂക്ഷിച്ചു്വെയ്ക്കാനുള്ള സൂത്രം കൂടി സര്‍ക്കാര്‍ അടിയന്തിരമായി ഉണ്ടാക്കണം. അരി മാത്രം പോരല്ലോ, അനുസാരികളും വേണ്ടേ. ഈയൊരു നിലപാടു് എല്ലാ ഭക്ഷ്യവിളകളുടെ കാര്യത്തിലും സര്‍ക്കാര്‍ സ്വീകരിക്കണം. കാര്യം ഞങ്ങള്‍ പ്രവാസികള്‍ പട്ടിണിയാകും, എന്നാലും അയല്‍വക്കക്കാരന്റെ വിശപ്പ് തീര്‍ത്തിട്ടു് മതി പ്രവാസികളുടെ വിശപ്പ് തീര്‍ക്കല്‍.
എന്നാല്‍ ഇതൊരു താത്കാലിക ഏര്‍പ്പാടു് മാത്രമേ ആകാവൂ. ഭക്ഷണോത്പാദനം വര്‍ദ്ധിപ്പിക്കുക എന്നതു് അടിയന്തിരമായി ചെയ്യേണ്ടതാണു്. അല്ലാതെ, പശ്ചിമബംഗാള്‍ സര്‍ക്കാര്‍ പറയുന്നതു് പോലെ, "ഞങ്ങളുടെ ഭക്ഷ്യലഭ്യത ഞങ്ങള്‍ ഉറപ്പ് വരുത്തിയതു്കൊണ്ട് പാടശേഖരങ്ങളില്‍ വ്യവസായികബിപ്ലബം നടത്തുന്നതില്‍ നിങ്ങക്കെന്താ" എന്നു് ചോദിക്കരുതു്. വളക്കൂറുള്ള മണ്ണും പണിയെടുക്കാന്‍ മനസ്സുമുള്ളവര്‍ എല്ലായിടത്തും ഉണ്ടാവണമെന്നില്ല.
"ഞമ്മടേല്‍ കായ്ണ്ട്. അതോണ്ട് ഞമ്മ പണിയെടുക്കൂല്ല" എന്ന മലയാളിനിലപാടു് അങ്ങേയറ്റം അപഹാസ്യവും തിരുത്തപ്പെടേണ്ടതുമാണു്. അവനവനു് വേണ്ടതും അധികവും അവനവന്‍ തന്നെ അദ്ധ്വാനിച്ചു് വിളയിച്ചെടുക്കണം. അതില്‍ വാണിജ്യതാത്പര്യത്തേക്കാളുപരി സമൂഹനന്മയായിരിക്കണം. ഉദ്ദേശ്യശുദ്ധിയോടെ ചെയ്യുന്ന പ്രവൃത്തികളെ പ്രകൃതിയുടെ വിളയാട്ടത്തിനൊന്നും തടുക്കാനാവില്ല.
സ്വന്തം അടുക്കളഭാഗത്തോ, ടെറസ്സിന്മേല്‍ തന്നെയോ ചെറിയൊരു പച്ചക്കറിത്തോട്ടം ഉണ്ടാക്കാനെന്തേ നമുക്കു് പറ്റുന്നില്ല. (ഫ്ലാറ്റുകാരെ ഒഴിവാക്കി, അവര്‍ക്കും കമ്മ്യൂണിറ്റി തോട്ടങ്ങളുണ്ടാക്കാമെങ്കിലും)
പണിയെടുക്കാതെയുണ്ടാകുന്ന ദുര്‍മേദസ്സ് കളയാന്‍ ചികിത്സ. വിഷം തളിച്ച ഭക്ഷണം കഴിച്ചുണ്ടാകുന്ന അസുഖങ്ങള്‍ക്കും ചികിത്സ.
നമുക്കു് കുറച്ചു് നാളെങ്കിലും "ജീവിച്ചു്" കൂടേ ?

ദിശാബോധം നഷ്ടപ്പെടുമ്പോള്‍

2007-10-09T04:09:00.000+03:00

ആണവകരാറിന്റെ കാര്യത്തില്‍ കാങ്ഗ്രസും കമ്യൂണിസ്റ്റും രണ്ടു് ചേരിയിലാണു്. എന്നാല്‍ താങ്ങുന്നവനെ "താങ്ങുന്ന" പണിയാണു് കാങ്ഗ്രസ് എടുക്കുന്നതു്. ബേണങ്കി പാലം ബലിച്ചോ കോയാ എന്നാണു് പ്രസ്താവം. ഇതു്പോലൊരു അഹങ്കാരത്തിന്റെ സ്വരത്തിലായിരുന്നു ഭാജപ കഴിഞ്ഞ പ്രാവശ്യം സംസാരിച്ചിരുന്നതു്. അഭിപ്രായ സര്‍വ്വേക്കാരും "പ്രവചിച്ചിരുന്നതും" അതു് തന്നെ. എന്നിട്ടെന്നാ പറ്റിയെന്നു് കണ്ടതല്ലേ.
അമേരിക്കന്‍ അഹങ്കാരത്തിന്റെ ഒരു കോപ്പിക്കാറ്റ് ആകാന്‍ നമ്മുടെ രാഷ്ട്രീയക്കാര്‍ പാടു്പെടുന്നു. ആണവശക്തിയില്ലെങ്കില്‍ നമുക്കെന്തോ അപകടം സംഭവിക്കും പോലും ! ഈ ഉള്ള പാടു് വച്ചിട്ടല്ലേ നമ്മുടെ ഉറുപ്യ അമേരിക്കന്‍ ഡോളറിനെ വെറപ്പിച്ച് നിറുത്തുന്നതു്. സ്റ്റോക്കു്മാര്‍ക്കറ്റിന്റെ സൂചികയാണെങ്കില്‍ ഒരൊറ്റദിവസം കൊണ്ടു് ആയിരം കേറുകയും ഇറങ്ങുകയും ചെയ്യുന്നു. ഈ "കയറ്റിറക്കങ്ങളില്‍" ലാഭം കൊയ്യുന്നവര്‍ ആരുടെ ചെലവിലാണു് അതു് നേടുന്നതു്. ? ആരും അതു് അന്വേഷിക്കില്ല. നാമിപ്പഴും ഇല്ലാത്ത പൊങ്ങച്ചവും പറഞ്ഞു് കാലം കഴിക്കുന്നു.
123-456 കരാറുകള്‍ നമുക്കു് എന്തു് നേട്ടമാണു് നല്‍കുന്നതു് , കുറച്ചു് ഇന്ധനം തരുമെന്നതോ ? അതോ ഇനി അണ്വായുധം ണ്ടാക്കിക്കോ എന്നു് സമ്മതിച്ചോ . അണുപരീക്ഷണം നടത്ത്യാ കാട്ടിത്തരാം എന്ന് പറയുന്നതോ ?
Either You are with us Or against us എന്നാണു് "മാഡവും" ഭംഗ്യന്തരേണ പറഞ്ഞതു്.
മാര്‍ക്കിസ്റ്റുകാരുടെ Dilemma മനസ്സിലാക്കാം. എനി തെരഞ്ഞെടുപ്പുണ്ടായാല്‍ ഈ സീറ്റുകളൊക്കെ നിലനിര്‍ത്ത്യാലും (കൊറെ പുളിക്കും) പിന്നേം കാങ്ഗ്രസിനെ പിന്തുണയ്ക്കണം , കാങ്ഗ്രസിനു് അതു് ആവശ്യം വരുകയാണെങ്കില്‍ !
മര്യാദയ്ക്കു് കൂട്ടുമന്ത്രിസഭയൊക്കെയുണ്ടാക്കി പാര്‍ട്ടിക്കു് ഭരിച്ചാപ്പോരായിരുന്നോ , ഈ മന്ത്രിമാരുടെ ചീത്തവിളി കേക്കണോ !

കണ്ട്രികളുടെ സ്വന്തം നാടു്

2007-10-08T18:40:00.000+03:00

എടപ്പാളില്‍ ഒരു ഗര്‍ഭിണിയെ മര്‍ദ്ദിച്ച ജനക്കൂട്ടം നാം ദൈവങ്ങളല്ല വെറും കണ്ട്രികളാണെന്നു് തെളിയിച്ചു. ലജ്ജാവഹമായ ഈ സംഭവത്തില്‍ ഒരു മലയാളിയായിപ്പോയ ഞാന്‍ അവരോടു് മാപ്പും ചോദിക്കുന്നു.
കണ്ണേ തുറക്കുക !

സുകുമാര്‍ അഴിക്കോടും വിവാദങ്ങളും

2007-10-07T02:54:00.000+03:00

വിവാദങ്ങളിലൂടെയാണു് അദ്ദേഹം ജീവിക്കുന്നതു്.
ആരെങ്കിലും എവിടെയെങ്കിലും എന്തെങ്കിലും പറഞ്ഞാല്‍ അതില്‍ കേറി അഭിപ്രായം പറയും, തനിക്കു് ഒട്ടും അറിയാത്ത കാര്യമാണെങ്കില്‍ പോലും.

അവാര്‍ഡ് കിട്ടിയാല്‍ നിരസിക്കും, തനിക്കിതിനേക്കാള്‍ വലിയ അവാര്‍ഡാണു് തരേണ്ടിയിരുന്നതു് എന്നു് ഒപ്പം പറയുകയും ചെയ്യും.

കുറച്ച് സമീപ ഉദാഹരണങ്ങള്‍:
ഫാരിസിന്റെ ഇന്റര്‍വ്യു കണ്ടശേഷം അദ്ദേഹം തീരുമാനിച്ചു ഫാരിസ് ഒരു അഹങ്കാരിയാണെന്നും യുവാക്കള്‍ അദ്ദേഹത്തെ മാതൃകയാക്കിയാക്കിയാല്‍ അപകടമാണെന്നും. താനെത്രത്തോളം അഹങ്കാരിയാണെന്നൊന്നും അദ്ദേഹം ഓര്‍ത്തില്ലേ ആവോ ! അതോ കേരളത്തില്‍ ഒരഹങ്കാരി മാത്രമേ പാടുള്ളു എന്നുണ്ടോ ?

പ്രൊഫ. എം എന്‍ വിജയന്റെ മരണം പോലും വിവാദമാക്കാന്‍ അദ്ദേഹം ശ്രമിക്കുന്നതു് കാണുമ്പോള്‍ തോന്നുന്നതിങ്ങനെ: അഴീക്കോടിന്റെ മരണം ആരു് വിവാദമാക്കും ! വിജയന്‍ മാഷ് തന്റെ പ്രവര്‍ത്തനങ്ങള്‍ക്കിടയില്‍ വച്ചാണു് മരിച്ചതു്. അതിനും വേണം ഒരു യോഗം.

വിവിധ ഭാഷകളിലെ "th" മലയാളത്തില്‍

2007-10-01T02:17:00.001+03:00

that - ദാറ്റ്
theology - തിയോളജി
math - മാത്ത് , മഠ് സന്ദര്‍ഭം പോലെ

Hadith - ഹദീസ് .
Batha - ബത്ഹ

വനിതാമാഹാത്മ്യം

2007-09-30T20:51:00.000+03:00

ദീപികാ ചെയര്‍മാനും സ്ഥലത്തെ പ്രധാന വെറുക്കപ്പെട്ടവനുമായ ഫാരിസ് അബൂബക്കര്‍ വനിതയേയും അതിനു് പിന്നിലെ വനിതയേയും വാഴ്ത്തുന്നതു് കാണുക. ഇദ്ദേഹത്തെയാണോ അഹങ്കാരിയെന്നു് സുകുമാര്‍ അഴീക്കോട് നിരീക്ഷിച്ചതു്? ശ്രീശാന്തിനെയൊക്കെ കുറ്റം പറയുന്ന ചേല്ക്ക് ഇതൊക്കെ എഴുതിയതു് രണ്‍ജിപണിക്കരാണെന്നും മറ്റും തട്ടിവിട്ടേക്കാം.
എന്നാലും പറയുമ്പോള്‍ എല്ലാം പറയണമല്ലോ.
"സൂക്ഷിക്കുക, കോസ്മറ്റിക്സ് ഹാനികരമോ" എന്ന ഫീച്ചറിന്റെ ഒത്ത നടുവില്‍ കോസ്മറ്റിക്സിന്റെ പരസ്യവും മറ്റും ഉണ്ടാക്കുന്ന കണ്‍ഫ്യൂഷന്‍ ചില്ലറയല്ല.
എന്നാല്‍ കൈരളിയിലും പീപ്പിളിലും മറ്റും ഐസക്കിന്റെ വീമ്പിളക്കത്തിനു് ശേഷം(ഇടയില്‍) ലോട്ടറി (മാഫിയ)ക്കാരുടെ പരസ്യവും നറുക്കെടുപ്പ് ലൈവും ഒക്കെ കാണുമ്പോഴും ഈ കണ്‍ഫ്യൂഷന്‍ തോന്നാറുണ്ട്. അതേ കണ്‍ഫ്യൂഷന്‍ പ്രവാസികളുടെ "ദുരിതഷോ" പരിപാടികള്‍ സ്പോണ്‍സര്‍ ചെയ്യുന്നവരുടെ പരസ്യങ്ങള്‍ കാണുമ്പോഴും തോന്നാറുണ്ടു്.
കണ്‍ഫ്യൂഷന്‍ കണ്‍ഫ്യൂഷനായി നില്‍ക്കുന്നതു് കൊണ്ടും കൂടിയാണു് ആക്ഷേപത്തിനു് മുതിരാത്തതു്.
ഈയിടെ വനിതയില്‍ വന്ന "നിങ്ങളുടെ കുട്ടിക്കിതു് സംഭവിക്കാതിരിക്കട്ടെ" എന്ന ഫീച്ചറിനെ പലരും (ഞാനും കൂടിയോയെന്നോര്‍മ്മയില്ല) പിച്ചിച്ചീന്തുകയുണ്ടായി. അവരെയാരേയും "മലപ്പുറം ജില്ലയില്‍ ഗര്‍ഭ ഛിദ്രം കൂടുന്നു" എന്ന ഭയാനകമായ സര്‍വ്വേ‍ റിപ്പോര്‍ട്ട് അനലൈസ് ചെയ്യാന്‍ കണ്ടില്ല. നാം സെലക്റ്റീവാണു് ഏതിനും.

സി-ഡാക് സോഫ്റ്റ് വെയര്‍ ഓപ്പണ്‍ സോഴ്സ് ആക്കാത്തതെന്തു് ?

2007-09-29T20:18:00.000+03:00

ആസ്കി (ഇസ്കി) യുഗത്തിനു് വേണ്ടി സി-ഡാക് ഒരു പിടി സോഫ്റ്റ്വെയറുകളും ഫോണ്ടുകളും നിര്‍മ്മിച്ചിട്ടുണ്ടു്. യൂണിക്കോഡിലേക്കു് അവ അര്‍ദ്ധമനസ്സോടെ മാറ്റുന്നുമുണ്ടു്. വാണിജ്യതാത്പര്യങ്ങളില്ലാത്ത അവര്‍ക്കിതു് ഓപ്പണ്‍സോഴ്സാക്കിക്കൂടെ ? എത്രമാത്രം ഫണ്ടാണു് "ഡവലപ്പ്മെന്റിനു്" ചെലവാക്കുന്നതു്. അതെങ്കിലും ലാഭിക്കാമല്ലോ. അതുമല്ല, വോളന്റിയര്‍ ചെയ്യാന്‍ ധാരാളമാളുകള്‍ പുറത്തു്നില്‍ക്കുമ്പോള്‍ എന്തിനീ ക്ലോസ്ഡ് സോഴ്സ് പരിപാടി ? ഓസീയാര്‍ തുടങ്ങിയ ആപ്ലിക്കേഷനുകള്‍ ജനകീയമാകട്ടെ.

പഴഞ്ചൊല്ലുകള്‍

2007-09-28T19:57:00.000+03:00

കുരയ്ക്കുന്ന പട്ടി കടിക്കില്ല.
ഒരു പഴഞ്ചൊല്ലാണു്.
കടിക്കുന്ന പട്ടികളുണ്ടെന്നു് (അതോ പൂച്ചകളോ) മൂന്നാര്‍ ദൌത്യത്തിന്റെ തുടക്കത്തില്‍ തോന്നിക്കുകയുണ്ടായി. പക്ഷെ പഴഞ്ചൊല്ലില്‍ പതിരില്ലാത്തതു് കൊണ്ടും പഴഞ്ചൊല്ലുകള്‍ക്കൊരു പഞ്ഞവും ഇല്ലാത്തതു് കൊണ്ടും "ചെമ്മീന്‍ ചാടിയാല്‍ മുട്ടോളം പിന്നേം ചാടിയാല്‍ ചട്ടീല് " എന്ന സ്ഥിതിയിലായി.
ആളുകള്‍ക്കു് എന്തെങ്കിലും സഹായം ചെയ്യുന്നതു് ഇരു ചെവി അറിയാതെ ആവരുതെന്നും ഇക്കാര്യത്തില്‍ മാതാഅമൃതാനന്ദമയിയെയാണു് എല്ലാവരും പിന്തുടരേണ്ടതെന്നും ഒരു പുതുചൊല്ലുമുണ്ടായി.
ആണവകരാറും വാതകപൈപ്‌ലൈനും ഇറാനും അമേരിക്കയും ചൈനയുമൊക്കെ നമ്മുടെ ചായക്കടകളിലും ആല്‍ത്തറകളിലും അതിന്റെ പുതിയ പതിപ്പായ ബ്ലോഗുകളിലും ചര്‍ച്ചാവിഷയമായെങ്കിലും പൊട്ടിപ്പൊളിഞ്ഞ റോഡുകളേക്കാളും ചീഞ്ഞളിഞ്ഞ വിവാദളേക്കാളുമൊന്നും അതില്‍ ജനങ്ങള്‍ക്കു് താത്പര്യം കാണുന്നില്ല. സദ്ദാമിനെ തട്ടിയതോടെ സദ്ദാമും മഅദനിയെ വിട്ടതോടെ മഅദനിയും ഒരു വിഷയമേയല്ലാതായി.
കുരയ്ക്കുന്ന പട്ടികളെ വായില്‍ കോലിട്ടു് കുത്തിയാല്‍ പോലും കടിക്കില്ല എന്ന സ്ഥിതിയിലാണു് ഇപ്പോള്‍.
എന്നാലും പട്ടി പുല്ല് തിന്നേമില്ല, പയ്യിനെ തീറ്റേമില്ല.
എങ്ങനെയാണു് ഭരിക്കേണ്ടതെന്നറിയുമെങ്കില്‍ പുറമേ നില്‍ക്കാതെ ഭരിച്ചു കാണിക്കു്. അറിയാത്ത പുള്ള ചൊറിയുമ്പ അറിയും .കേരളത്തില്‍ നമ്മള്‍ കാണുന്നതല്ലേ ഭരണനേട്ടങ്ങള്‍ !

സിദാന്‍ മറ്റരാസിയെ ഹെഡ് ചെയ്തതു് കണ്ടപ്പോഴുണ്ടായ വികാരത്തോടു് അടുത്തു് നില്‍ക്കുന്നതാണു് ഇപ്പഴത്തെ എന്റെ അവസ്ഥ. കമ്യൂണിസ്റ്റല്ലെങ്കിലും ഞാനും ഒരു ഇടതു്പക്ഷ സഹയാത്രികനാണല്ലോ.ചാണ്ടി-മാണി-കുഞ്ഞാലിക്കുട്ടി യൊക്കെ മന്ത്രിയാകുന്നതു് എനിക്കു് ഓര്‍ക്കാന്‍ കൂടി പറ്റുന്നില്ല.

ദാ ഒരു കീബോഡ് (ഇന്‍സ്ക്രിപ്റ്റ് തന്നെ)

2007-09-28T17:59:00.000+03:00

പിന്നേം കീബോഡല്ല. ഇന്റലിജന്റ് അല്ലാത്ത പൊട്ടന്‍ കീബോഡ്.
ഹ അടിച്ചാല്‍ ഹ കിട്ടും.
ക അടിച്ചാല്‍ ക കിട്ടും
ക ാ ക ് ക അടിച്ചാല്‍ കാക്ക കിട്ടും
(എളുപ്പത്തിനു് ക ാ (ആള്‍ട്ട്) ക അടിച്ചാലും മതി)

ആള്‍ട്ട് ചന്ദ്രക്കല നോണ്‍ജോയ്നിങ് ചന്ദ്രക്കല

(വിശദീകരണമെഴുതാനുള്ള ഭാഷാവൈദഗ്ദ്ധ്യമില്ല, ക്ഷമിക്കണം)

WITHOUT SHIFT

ൊ

ൃ

BACKSPACE

TAB

ൌ

ൈ

ാ

ീ

ൂ

ബ

ഹ

ഗ

ദ

ജ

ഡ

ഞ്ഞ

ര്‍

CAPS

ോ

േ

്

ി

ു

പ

ര

ക

ത

ച

ട

ENTER

SHIFT

െ

ം

മ

ന

വ

ല

സ

യ

SHIFT

CTRL

ALT

SPACE

ALT-GR

CTRL

WITH SHIFT

ഒ

ള്‍

(

)

ഃ

ഋ

BACKSPACE

TAB

ഔ

ഐ

ആ

ഈ

ഊ

ഭ

ങ

ഘ

ധ

ഝ

ഢ

ഞ

‍ക്‍

CAPS

ഓ

ഏ

അ

ഇ

ഉ

ഫ

റ

ഖ

ഥ

ഛ

ഠ

ENTER

SHIFT

എ

ണ്‍

ണ

ന്‍

ഴ

ള

ശ

ഷ

ല്‍

SHIFT

CTRL

ALT

ZERO WIDTH SPACE

ALT-GR

CTRL

WITH ALT-GR (OR CTRL-ALT)

൧

൨

൩

൪

൫

൬

൭

൮

൯

൦

BACKSPACE

TAB

ൗ

ന്ദ

പ്ര

സ്ര

ശ്ര

ബ്ബ

ങ്ങ

ഗ്ഗ

ദ്ദ

ജ്ജ

[

]

CAPS

ച്ച

ട്ട

്ZWNJ

ശ്ച

ഹ്മ

പ്പ

്ര

ക്ക

ത്ത

;

ENTER

SHIFT

ണ്ഡ

ഞ്ച

മ്മ

ന്ന

വ്വ

ല്ല

സ്സ

ക്ഷ

്ല

്യ

SHIFT

CTRL

ALT

SPACE

ALT-GR

CTRL

WITH ALT-GR AND SHIFT

‍zwj

‌zwnj

ൠ

BACKSPACE

TAB

ത്സ

ന്മ

ക്ര

ൡ

ത്സ

ത്ഭ

ഗ്ല

ഗ്ന

ദ്ധ

ജ്ഞ

{

}

CAPS

ച്ഛ

ണ്ട

ഌ

ത്മ

ഹ്ന

മ്പ

റ്റ

ങ്ക

സ്ഥ

ENTER

SHIFT

ന്ധ

ഞ്ജ

ണ്ണ

ന്ത

്വ

ള്ള

ശ്ശ

യ്യ

SHIFT

CTRL

ALT

ZERO WIDTH SPACE

ALT-GR

CTRL

ഇതു് ഇന്‍സ്ക്രിപ്റ്റിനെ വിപുലപ്പെടുത്തിയ കീബോര്‍ഡാണു്.
ചില്ലക്ഷരങ്ങള്‍ക്കും മറ്റു കൂട്ടക്ഷരങ്ങള്‍ക്കും ഒറ്റ കീസ്റ്റ്രോക്കില്‍ കാര്യം നടക്കും.

സാധാരണ മലയാളത്തില്‍ കൂടുതല്‍ വരുന്ന വാക്കുകള്‍ ഷിഫ്റ്റില്ലാതെയും അല്ലാത്തവ ഷിഫ്റ്റിലൂടെയും വരുത്തുന്ന ഒരു രീതിയാണു് ഇന്‍സ്ക്രിപ്റ്റ് വിഭാവനം ചെയ്തതു്. (മലയാളമെന്നതു് ഇന്ത്യന്‍ ഭാഷകള്‍ എന്നാക്കിയാല്‍ കുറച്ചു്കൂടി ശരിയാകുമെന്നു് തോന്നുന്നു.)

് ഷിഫ്റ്റ് അ
ി ഷിഫ്റ്റ് ഇ
ക ഷിഫ്റ്റ് ഖ
ക യുടെ മുകളില്‍ ഗ
ത യുടെ മുകളില്‍ ദ

അങ്ങനെയങ്ങനെ...

എക്സ്റ്റന്റ് ചെയ്തതു് പരമാവധി ഇരട്ടകള്‍ ആള്‍ട്ടില്‍ കിട്ടുന്നതു് പോലെ. പിന്നെ കാലിയായി കിടന്ന സ്ഥലങ്ങളില്‍ ചില്ലുകളിട്ടു. കുത്തു, കോമ, സാമഗ്രികള്‍ അവിടെത്തന്നെ കിട്ടുന്നതു് പോലെ.
ഉദാ: ക ആള്‍ട്ട് ക്ക
് ആള്‍ട്ട് ്ZWNJ (NON JOINING CHANDRAKKALA)

സെമികോളനും ക്വോട്ടും ആള്‍ട്ടില്‍ കൊടുത്തതു് കൊണ്ട് ച്ച യും ട്ട യും സ്ഥലം മാറ്റിയിട്ടു.

എല്ലാ കീ സ്ട്രോക്കുകളും പഠിക്കേണ്ട കാര്യമില്ല. അത്യാവശ്യമുള്ള ആള്‍ട്ടുകളെ മാത്രം ഉപയോഗിച്ചാല്‍ മതി.
ക ് ക = ക്ക
ത ് ഥ = ത്ഥ
ത ് ത = ത്ത

ഇതു് വിന്‍ഡോസില്‍ പരീക്ഷിച്ചതാണു്. താത്പര്യമുള്ളവര്‍ക്കു് പരീക്ഷിക്കാവുന്നതാണു്.

പത്തനംതിട്ടയെ അപമാനിക്കരുതു്

2007-09-28T16:57:00.000+03:00

ജില്ലാകലക്ടറാകാന്‍ യോഗ്യതയില്ലാത്ത രാജുനാരായണസ്വാമിയെ പത്തനംതിട്ടയിലെ കലക്ടറാക്കിയിരിക്കുന്നു.
ഇടുക്കിയില്‍ നിന്നും അദ്ദേഹത്തെ മാറ്റിയപ്പോള്‍ അവിടത്തുകാര്‍ ഹര്‍ത്താലാചരിച്ചു. പത്തനംതിട്ടക്കാര്‍ ഹര്‍ത്താലാചരിച്ചുമില്ല. അപ്പോള്‍ യോഗ്യതയില്ലാത്തതു് എനിക്കോ നിങ്ങള്‍ക്കോ സര്‍ക്കാരിനോ ?

സ്വാമിയേക്കാള്‍ ശക്തന്‍ സിങ് - കാരണം ബാക്റ്റീരിയ

[മൂന്നാറിനെ പറ്റി ഞാന്‍ മുമ്പ് പറഞ്ഞതു് ഇനിയും പരൂക്ഷിക്കാവുന്നതാണു് ]

ആദ്യത്തെ മലയാളം ഫോണ്ട് - തൂലിക

2007-09-27T03:57:00.000+03:00

യുണീക്കോഡ് മലയാളമുപയോഗിച്ച് ആദ്യം പുറത്തിറങ്ങിയ ഓപ്പണ്‍ ടൈപ്പ് ഫോണ്ട് തൂലികയാണു്. പുതിയലിപിയിലും പഴയലിപിയിലും അതു് 2002-ല്‍ തന്നെ പുറത്തിറങ്ങിയതായി അവരുടെ വ്വെബ് സൈറ്റ് അവകാശപ്പെടുന്നു. പക്ഷെ ഈ ഫോണ്ടുകള്‍ തോന്നിയതു് പോലെ വിതരണം ചെയ്യാനുള്ള അവകാശം ഇല്ല. അവരുടെ സൈറ്റില്‍ നിന്നും ഡവുണ്‍ലോഡ് ചെയ്തു് ഉപയോഗിക്കാം.

2004-ല്‍ ഇറങ്ങിയ ഫോണ്ട് എങ്ങനെ ആദ്യത്തേതാകും ?

വോള്‍ട്ടും രചനയും ജീപിയെല്‍ പ്രശ്നങ്ങളും (സംശയം)

2007-09-20T20:14:00.000+03:00

മൈക്രോസോഫ്റ്റ് വോള്‍ട്ട് എന്ന ടൂള്‍ ഉപയോഗിച്ചാണു് സാധാരണ വിന്‍ഡോസ് ഉപയോക്താക്കള്‍ ഫോണ്ടുകളില്‍ ഓപ്പണ്‍ ടൈപ്പ് ലേയൌട്ട് ചേര്‍ക്കുന്നതു്.
ഒരു ജീപിയെല്‍ ഫോണ്ട് നാമെടുത്തു് "വോള്‍ട്ടി"യാല്‍ നാമാണു് ആ "അക്രമം" ചെയ്തതെന്നു് എവിടെയും രേഖപ്പെടുത്താന്‍ സാധിക്കില്ല. (എന്റെ പരിമിതമായ അറിവില്‍).
എന്നാല്‍ ജീപീയെല്‍ പ്രകാരം അതു് രേഖപ്പെടുത്തേണ്ടതാണു്. അല്ലെങ്കില്‍ ഇതു് അലമ്പാക്കിയതു് ഒറിജിനല്‍ പബ്ലിഷറാണെന്നു് ജനം കരുതും.
അപ്പോപ്പിന്നെ വോള്‍ട്ടിന്റെ ഉപയോഗം ഒറിജിനല്‍ പബ്ലിഷര്‍ക്കു് മാത്രമല്ലേയുള്ളൂ. പിന്നെ വിദ്യാര്‍ത്ഥികള്‍ക്കും, ഇതിന്റെ പ്രവര്‍ത്തനം മനസ്സിലാക്കാന്‍.

രചനയുടെ കോപ്പിറൈറ്റ് ആര്‍ക്കായാലും സാധാരണ യൂസര്‍ക്കൊന്നുമില്ല. എന്നാല്‍ ഡെവലപ്പര്‍ അറിഞ്ഞിരിക്കണം അതിന്റെ പകര്‍പ്പവകാശവും ലൈസന്‍സിങ് പ്രശ്നങ്ങളും.
ഒരു ജീപിയെല്‍ ഫോണ്ട് എംബഡ് ചെയ്താല്‍ ആ ഡോക്യുമെന്റ് ജീപീയെല്ലില്‍ പെടുമോ ? അങ്ങനെയെങ്കില്‍ ആ ഫോണ്ടുപയോഗിച്ചു് പ്രസിദ്ധീകരിക്കുന്ന പത്രവും അതില്‍ പെടണ്ടേ, പെടുമോ ?

രചനയോ അഞ്ജലിയോ മോഡിഫൈ ചെയ്യണമെങ്കില്‍ ഞാനെന്തൊക്കെ ചെയ്യണം ? അറിയാവുന്നവര്‍ പറഞ്ഞുതന്നാല്‍ ഉപകാരമായി. അല്ലെങ്കില്‍ ഞാന്‍ വല്ല അബദ്ധവും ചെയ്തു പോകും. പോയി ലൈസന്‍സ് വായിച്ചു്നോക്കി തന്നത്താന്‍ പഠിക്കെടാ എന്നു് മാത്രം പറയരുതേ പ്ലീസ്, അറിവുള്ളവരേ ! എനിക്കറിയുന്നതൊക്കെ ഞാനിവിടെ എഴുതുന്നതല്ലേ.

ഫോണ്ടിന്റെ "വോള്‍ട്ട് സോഴ്സ്" കിട്ടുന്നതെങ്ങനെ ?

2007-09-19T23:26:00.000+03:00

ചോദ്യം: ഓപ്പണ്‍ ടൈപ്പ് ഫോണ്ടിന്റെ "വോള്‍ട്ട് സോഴ്സ്" എങ്ങനെ കിട്ടും ?
ഉത്തരം 1: ഫോണ്ട് വോള്‍ട്ട് ചെയ്തതാണെങ്കില്‍ ചെയ്തയാള്‍ പബ്ലിഷ് ചെയ്താല്‍ കിട്ടും.
ഉത്തരം 2: ഫോണ്ട് വോള്ട്ട് ചെയ്തതല്ലെങ്കില്‍ ഇച്ചിരി കാശു് ചെലവുള്ള പണി ഞാന്‍ പറഞ്ഞുതരാം.
മൈക്രോസോഫ്റ്റിന്റെ ഓയെസിലാണല്ലോ വോള്‍ട്ടുന്നതു്. അപ്പോ കുറച്ചു് ചിലവൊക്കെയാകാം.
ഫോണ്ട് ലാബ് സ്റ്റുഡിയോ എന്ന സോഫ്റ്റ്വെയര്‍ വാങ്ങുക. (വേര്‍ഷന്‍ 5)- $649 എന്നാണു് കണ്ടതു്.അല്ലെങ്കില്‍ സുഹൃത്തുക്കളുടെ സഹായം തേടാം.
ഓപ്പണ്‍ ടൈപ്പ് ഫോണ്ട് ഓപ്പണ്‍ ചെയ്യുക.
വിന്‍ഡോ - പാനല്‍സ് - ഓപ്പണ്‍ടൈപ്പ് അമര്‍ത്തുക.
അവിടെ വരുന്ന മെനുവില്‍ നിന്നു് സേവ് ഫീച്ചേര്‍സ് അമര്‍ത്തുക.
സേവ് ആസ് ടൈപ്പ് വോള്‍ട്ട് പ്രോജക്റ്റ് ഫയല്‍ എന്നു് കൊടുക്കുക.
മനോധര്‍മ്മം അനുസരിച്ച് ഫയലിന്റെ പേരു് നല്‍കുക.
സേവ് ബട്ടണ്‍ അമര്‍ത്തുക.

നിങ്ങള്‍ക്കു് വോള്‍ട്ട് സോഴ്സ് ലഭ്യമായിക്കഴിഞ്ഞു.(ഇപ്രകാരം ലഭിച്ച രചനയുടെ സോഴ്സ് ഇവിടെ.)
ഇതു് ഇനി വോള്‍ട്ട് തുറന്നു് ഇമ്പോര്‍ട്ട് പ്രോജക്റ്റ് ചെയ്യാം.

വിന്‍ഡോസില്‍ അക്ഷരരൂപങ്ങളുടെ പകര്‍പ്പവകാശത്തോടൊപ്പം അനുമതി പത്രവും കാണിയ്ക്കുന്നു

2007-09-18T15:24:00.000+03:00

സിബുവിന്റെ സംശയം മാറ്റാന്‍ ഫോണ്ട് ഫോര്‍ജ് ഒന്നും വേണ്ടതില്ല.
മൈക്രോസോഫ്റ്റിന്റെ ഫോണ്ട് പ്രോപര്‍ട്ടീസ് എക്സ്റ്റന്‍ഷന്‍ ഇന്‍സ്റ്റാള്‍ ചെയ്താല്‍ മതി.
ഗ്നോമിലെ കാര്യം പ്രവീണ്‍ എഴുതിയിരിക്കുന്നു.

രചനയുടെ ലൈസന്‍സ് വിന്‍ഡോസില്‍

പണമുള്ളവരെല്ലാം വെറുക്കപ്പെട്ടവരോ ?

2007-09-13T03:18:00.000+03:00

തന്റെ സമ്പാദ്യത്തില്‍ നിന്നും ഒരോഹരി നാടിന്റെ നന്മയെക്കരുതി ഒരു ധനവാന്‍ ചെലവഴിക്കുന്നതിനെ സംശയദൃഷ്ടിയോടെ കാണുന്നതെന്തിനു് ?
ഞാനൊരാളെ സഹായിക്കുന്നതു് അയാളില്‍ നിന്നും നാളെ ഒരു സഹായമോ ലാഭമോ പ്രതീക്ഷിച്ചുകൊണ്ടല്ല, മറിച്ചു് ആ സഹായം കൊണ്ടു് അയാള്‍ നന്നായാല്‍ അയാള്‍ മറ്റു് സഹായം അര്‍ഹിക്കുന്നവര്‍ക്കു് ഉപകാരിയായേക്കാം എന്നു് ശുഭാപ്തിവിശ്വാസം മുന്‍നിര്‍ത്തിയാണു്. ഒരു പട്ടിണിപ്പാവം നോക്കിനില്‍ക്കുമ്പോള്‍ എനിക്കു് ഭക്ഷണം കഴിക്കാനാവില്ല. പട്ടിണിപ്പാവങ്ങള്‍ ഉണ്ടാകാന്‍ പാടില്ല എന്നതു് എന്റെ സ്വാര്‍ത്ഥതയായാല്‍ പോലും (എനിക്കു് സമാധാനമായി ഭക്ഷണം കഴിക്കാന്‍ വേണ്ടി) അതില്‍ തെറ്റില്ല എന്നാണു് എന്റെ പക്ഷം. പണമുള്ളവരെ വെറുക്കുന്നതും ഭയപ്പെടുന്നതും ആത്മവിശ്വാസമില്ലാത്തവരാണു്. അനാവശ്യമായ ഭീതി സമൂഹത്തില്‍ വിതച്ചു് ആത്മവിശ്വാസം നശിച്ച ഒരു ജനതയെത്തന്നെ സൃഷ്ടിക്കുകയും ചെയ്യുന്നു. ക്രെഡിറ്റ് കാര്‍ഡുകളും വായ്പകളും ഊഹക്കച്ചവടങ്ങളും അതുപയോഗിക്കാനും മറ്റും സാമര്‍ത്ഥ്യമുള്ളവര്‍ക്കു് മാത്രമുള്ളതാണു്. അങ്ങേവീട്ടിലെ ലവന്‍ കാശുണ്ടാക്കിയെന്നു് കരുതി , സാമര്‍ത്ഥ്യമില്ലാത്തവന്‍ ഇറങ്ങിപ്പുറപ്പെട്ടാല്‍ ലവനു് ഇരയായി ഭവിക്കുമെന്നല്ലാതെയെന്തു് വരാന്‍ !

കടം അപകടമാണെന്ന മുന്‍വിധി നല്ലതാണു്. അതാരുടെ കയ്യില്‍ നിന്നായാലും. എന്നാല്‍ സഹായവും അപകടമാണെന്ന വിലയിരുത്തല്‍ നല്ലതല്ല തന്നെ. അതു് നല്ല മനസ്സോടെ സ്വീകരിക്കുന്നതാണു് എപ്പോഴും ഉത്തമം.

വാല്‍:
ദൈവത്തെ സ്മരിക്കാത്ത "വിശ്വാസി"യും യുക്തിയില്ലാത്ത "വാദി"യും തമ്മിലുള്ള അഭംഗുരചര്‍ച്ചകള്‍ നടക്കുമ്പോഴാണു് ,"മനുഷ്യരല്ലേ ,ദൈവമൊന്നുമല്ലല്ലോ, തെറ്റു് പറ്റാതിരിക്കാന്‍" എന്ന ഒരു പരാമര്‍ശം ഒരു കമ്യൂണിസ്റ്റ് നേതാവില്‍ നിന്നും "തെറ്റി" കേള്‍ക്കാനിടയായതു് !

ഞാനും ബ്ലോഗ് ഡിലീറ്റും

2007-09-09T19:51:00.000+03:00

എത്ര പേര്‍ക്കു് അറിയുമെന്നോ അറിയാന്‍ താത്പര്യമുണ്ടെന്നോ എനിക്കറിയില്ല, ഞാനും ഒരിക്കല്‍ എന്റെ ബ്ലോഗു് ഡിലീറ്റ് ചെയ്തിട്ടുണ്ട്. മലയാളത്തിലായിരുന്നില്ല ഞാനന്നു് എഴുതിയിരുന്നതു്. വീട്ടിലേക്കു് പോലും ഞാന്‍ ആംഗലേയത്തിലാണു് കത്തുകളെഴുതാറു്. ഭാര്യയ്ക്കായാലും മാതാപിതാക്കള്‍ക്കായാലും. വിഷയത്തിലേക്കു് വരാം.
ഒരു പ്രസിദ്ധ ടീവി ചാനലിന്റെ ബ്ലോഗു് സ്പേസ് ഞാനന്നു് ഉപയോഗിച്ചിരുന്നു (ഇപ്പഴും ഉപയോഗിക്കുന്നു വല്ലപ്പഴും). ആദ്യ പോസ്റ്റ് തന്നെ അരമണിക്കൂറിനകം "പോസ്റ്റ് ഓഫ് ദ് ഡേ" എന്ന പദവി നേടിയതും ധാരാളമാളുകള്‍ അതു് ആസ്വദിച്ചു് കമന്റ് ചെയ്തതും എന്നെ കുറച്ചൊന്നുമല്ല ആഹ്ലാദിപ്പിച്ചതു്. പിന്നീടും പോസ്റ്റുകളിടാന്‍ അതെനിക്കു് പ്രചോദനം നല്‍കി. എന്നാല്‍ അവ പത്തു്മിനിറ്റിനകം "പുതിയ പോസ്റ്റുകള്‍" എന്ന ലിസ്റ്റില്‍ നിന്നും പോകാന്‍ തുടങ്ങുകയും ആളുകള്‍ അവ വായിക്കണമെങ്കില്‍ "ശ്രദ്ധിക്കപ്പെട്ട പോസ്റ്റുകള്‍" എന്ന ലിസ്റ്റിലെങ്കിലും വന്നാലേ പറ്റൂ എന്നും ഞാന്‍ മനസ്സിലാക്കി. ഓരോ പേജു് വിസിറ്റും കൌണ്ടര്‍ ഇന്‍ക്രിമെന്റ് ചെയ്യുന്നതായും കണ്ടു. മാത്രമല്ല ഒരു പ്രത്യേകതയും ഇല്ലാഞ്ഞ ഒരു പോസ്റ്റായിരുന്നു അന്നു് പോസ്റ്റ് ഓഫ് ദ് ഡേ.
എന്റെ പോസ്റ്റ് പേജു് ഞാന്‍ റിഫ്രഷ് ചെയ്തു് ആദ്യം "ശ്രദ്ധിക്കപ്പെട്ട പോസ്റ്റുകള്‍" എന്ന ലിസ്റ്റില്‍ വരുത്തി. പിന്നെയും റിഫ്രഷ് ചെയ്തു് പോസ്റ്റ് ഓഫ് ദ് ഡേ ആക്കി.
ഇതു് തുടര്‍ന്നപ്പോള്‍ മറ്റു ബ്ലോഗര്‍മാര്‍ക്കു് സംശയമായി. അവരതു് പരസ്യമായിത്തന്നെ ചോദിക്കാന്‍ തുടങ്ങി. "ഞാനൊന്നുമറിഞ്ഞില്ല രാമനാരായണ" എന്ന മട്ടില്‍ ഞാനും നിന്നു.
എന്റെ നിലപാടുകള്‍ക്കു് കടകവിരുദ്ധമായിരുന്നു എന്റെ പ്രവൃത്തികള്‍ എന്നു് എനിക്കു് ബോദ്ധ്യപ്പെടുത്തിയ ആ ദിവസം വന്നു. പതിവു് പോലെ എന്റെ പോസ്റ്റ് റിഫ്രഷ് ചെയ്തു് ഞാന്‍ "പോസ്റ്റ് ഓഫ് ദ് ഡേ" ആക്കി. കുറച്ചു് കഴിഞ്ഞു് നോക്കിയപ്പോള്‍ മറ്റൊരു പോസ്റ്റ് "പോസ്റ്റ് ഓഫ് ദ് ഡേ" ആയിരിക്കുന്നു. ഒന്നുമാലോചിച്ചില്ല, വീണ്ടും റിഫ്രഷ് ചെയ്തു പദവി തിരിച്ചു പിടിച്ചു. കുറച്ചു് കഴിഞ്ഞപ്പോഴതാ എന്റെ കള്ളത്തരം എക്സ്പോസ് ചെയ്തുകൊണ്ടു് ഒരു പോസ്റ്റ്. ഞാന്‍ "പോസ്റ്റ് ഓഫ് ദ് ഡേ" സൃഷ്ടിക്കുന്നതെങ്ങനെയെന്നു് വളരെ കൃത്യമായി അദ്ദേഹം അതില്‍ എഴുതി. എന്നാല്‍ ഞാനതു് ശക്തിയുക്തം നിഷേധിക്കുകയാണു് ചെയ്തതു്. മാത്രമല്ല എന്നെ മനഃപൂര്‍വ്വം അപമാനിക്കാന്‍ അദ്ദേഹം കള്ളക്കഥ മെനയുകയാണെന്നു് വരെ ഞാനാരോപിച്ചു.മാത്രമല്ല എന്റെ ബ്ലോഗു് തന്നെ ഞാന്‍ ഡിലീറ്റ് ചെയ്തു കളഞ്ഞു. രാത്രി കിടന്നിട്ടു് എനിക്കു് ഉറക്കം വന്നില്ല. നന്മകളും സത്യവും ശുഭാപ്തിചിന്തകളും പോസ്റ്റുകളില്‍ നിറയ്ക്കുന്ന ഞാന്‍ തന്നെയോ ഇത്ര സത്യവിരുദ്ധമായ നിലപാടെടുക്കുന്നതു് . ആ അനുഭവം ഒരു നല്ല പാഠമായെടുക്കണമെന്നും നിരുപാധികം മാപ്പപേക്ഷിച്ചാലേ "റാല്‍മിനോവിനു് " നിലനില്‍പുള്ളു എന്നും ഞാന്‍ മനസ്സിലാക്കി. നേരം വെളുക്കാന്‍ നിന്നില്ല. ആത്മാര്‍ത്ഥമായ ഒരു ഖേദപ്രകടനം പോസ്റ്റു ചെയ്തു. അതു് അന്നത്തെ "പോസ്റ്റ് ഓഫ് ദ് ഡേ" ആയി എന്നാണു് എന്റെ ഓര്‍മ്മ. ആ മാപ്പപേക്ഷ അവിടത്തെ ബ്ലോഗര്‍മാര്‍ സ്വീകരിച്ചു എന്നാണു് ഞാന്‍ മനസ്സിലാക്കിയതു്. പിന്നീടു് പലരുടെയും നിര്‍ദ്ദേശപ്രകാരം വ്യക്ത്യാധിഷ്ഠിതമായ ആ പോസ്റ്റ് ഞാനും എന്നെ എക്സ്പോസു് ചെയ്തു് കൊണ്ടുള്ള പോസ്റ്റ് അദ്ദേഹവും ഡിലീറ്റ് ചെയ്തു. എന്നെ എക്സ്പോസ് ചെയ്തയാള്‍ പിന്നീടു് ഒരു സുഹൃത്തായി മാറിയെന്ന ഗുണം കൂടി ലഭിച്ചു. പിന്നീടു് സേര്‍ച്ച് കാഷില്‍ നിന്നും പോസ്റ്റുകളും കമന്റുകളും റീസ്റ്റോര്‍ ചെയ്തു. ഇപ്പഴും ഈ രീതി "റാല്‍മിനോവ് മെത്തേഡ് " എന്നാണു് അവിടെ അറിയപ്പെടുന്നതു്. എനിക്കതില്‍ വിഷമമില്ല. തെറ്റു് ചെയ്യുന്നവന്‍ ശിക്ഷിക്കപ്പെടണം. തെറ്റു് ചൂണ്ടിക്കാണിക്കുന്നവനെ പ്രതിയാക്കി രക്ഷപ്പെടാന്‍ ശ്രമിക്കരുതു്. മനഃസമാധാനം കിട്ടില്ല.
എനിക്കു് ഞാനായി തുടരാന്‍ ഇപ്പോഴും സാധിക്കുന്നതു് തെറ്റിനു് മാപ്പപേക്ഷിച്ചതു്കൊണ്ടും അതു് സ്വീകരിക്കപ്പെട്ടതും കൊണ്ടാണു്.
ഇതിവിടെ ഷെയര്‍ ചെയ്യുന്നതു് ആര്‍ക്കെങ്കിലും സമാന അനുഭവങ്ങളുണ്ടായാല്‍ യുക്തമായ തീരുമാനമെടുക്കാന്‍ സഹായകമാവും എന്നു് കരുതിയാണു്.

[ഇതു് പലര്‍ക്കും അറിയുന്ന കാര്യമാണു്, വെളിപ്പെടുത്തല്‍ എന്നു് പറയാനൊക്കില്ല]

ചാറ്റിങ്ങും വിവാഹത്തട്ടിപ്പും

2007-09-06T11:07:00.000+03:00

ചാറ്റിങ്ങ് എക്സ്ട്രാപൊളേറ്റ് ചെയ്താല്‍ വിവാഹത്തട്ടിപ്പുമായി റിലേറ്റ് ചെയ്യാം എന്നു് വായിക്കുകയുണ്ടായി.
ഇതു് പൂച്ചയെ എക്സ്ട്രാപൊളേറ്റ് ചെയ്തു് പുലിയാക്കുന്നതു് പോലെയാണു്.
ഒരു കാര്യവും ജനറലൈസ് ചെയ്യാന്‍ പാടില്ല.
ഒരാളുടെ ഉദ്ദേശ്യമെന്തെന്നു് അയാള്‍ പറയാതെ മറ്റൊരാള്‍ക്കു് അറിയാന്‍ സാധിക്കില്ല. മുമ്പും പറഞ്ഞതാണെങ്കിലും ഇനിയും പറയും.

ഞാന്‍ വിവാഹിതനും രണ്ടു് പെണ്‍കുട്ടികളുടെ പിതാവുമാണെന്നു് കരുതുക. എനിക്കെന്തേ ഒരു പെണ്‍കുട്ടിയോടു് മണിക്കൂറുകളോളം ചാറ്റ് ചെയ്യാന്‍ പാടില്ലേ. എനിക്കു് അധമവികാരങ്ങളില്ലാത്തിടത്തോളം ഞാന്‍ മറ്റുള്ളവരുടെ വികാരത്തെ മുറിവേല്‍പിക്കാത്തിടത്തോളം എനിക്കതിനുള്ള സ്വാതന്ത്ര്യമുണ്ടു്. ഭാര്യയേയും കുഞ്ഞുങ്ങളേയും മാത്രമല്ല, മാതാപിതാക്കളേയും ഗുരുക്കന്മാരേയും സുഹൃത്തുക്കളേയും (ലിംഗഭേദമില്ലാതെ) സമൂഹത്തേയും സ്നേഹിക്കണം എന്നു് തന്നെയാണു് എന്റെ പക്ഷം.
"എനിക്കായി നീയും നിനക്കായി ഞാനും ഒരേ കെസ്സ് പാടാം ഖിയാമം വരേയും.."
എന്ന പാട്ടു് ഓക്കേ. എന്നാല്‍ അതു്
"എനിക്കു് മാത്രമായി നീയും നിനക്കു് മാത്രമായി ഞാനും ഒരേ കെസ്സ് പാടാം ഖിയാമം വരേയും.."
എന്നു് മാറ്റിയാല്‍ എനിക്കു് ഓക്കേയല്ല.

ആളുകളെ ചെളിവാരിയെറിയാന്‍ എളുപ്പമാണു്. അതു് കഴുകിക്കളയാനെന്നാല്‍ എളുപ്പമല്ല.

ആരേയും വെള്ളപൂശല്‍ എന്റെ ദൌത്യമല്ല. കാരണം "ഒരാളുടെ ഉദ്ദേശ്യമെന്തെന്നു് അയാള്‍ പറയാതെ മറ്റൊരാള്‍ക്കു് അറിയാന്‍ സാധിക്കില്ല." എന്നതു് തന്നെ.

[ഈ വിഷയത്തില്‍ പ്രതികരിക്കണമെന്നു് തോന്നുന്നവര്‍ എനിക്കു് ഈമെയിലോ ഊമെയിലോ അയച്ചോളു. അല്ലെങ്കില്‍ സ്വന്തം ബ്ലോഗിലെഴുതിക്കോളൂ. ഇതിനു് ഇവിടെ നോ കമന്റ്സ്]

ഗൂഗിള്‍ ചില്ല് ജോയ്നര്‍ കളയുന്നില്ല.(കളയുന്നുണ്ട് - അപ്ഡേറ്റ്)

2007-09-04T19:47:00.000+03:00

ഗൂഗിള്‍ ജോയ്നര്‍ കളയുന്നില്ലെന്നതിന്റെ തെളിവിതാ.

അതു് പൊട്ടത്തെളിവാണു്. ഒരൊറ്റ ജോയ്നറുകളും ഗൂഗിള്‍
സംരക്ഷിക്കുന്നില്ലായെന്നതാണു് വാസ്തവം.
പക്ഷേ ഗൂഗിള്‍ എന്തു്ചെയ്യുന്നുവെന്നു് നാം
പരിഗണിക്കേണ്ടതില്ല എന്നാണു് വിദഗ്ദ്ധമതം.

[അതിനിപ്പോ ആരെങ്കിലും മറിച്ചു പറഞ്ഞോയെന്നു് ചോദിക്കരുതു് പ്ലീസ്. എന്റെ ധാരണ ഇതുവരെ അങ്ങനെയായിരുന്നു. പലരും പറഞ്ഞുകേട്ടുള്ള ധാരണയായിരുന്നു അതു്. ചിലപ്പോള്‍ എന്റെ ഓര്‍മ്മപ്പിശകുമാവാം. ആരും അങ്ങനെ പറഞ്ഞിട്ടുണ്ടാവില്ല.]

ഉമേശ്വരനെത്തേടിപ്പോയി

2007-09-02T21:22:00.000+03:00

അല്ലെങ്കില്‍

ജഗദീശ്വരനെത്തേടിപ്പോയി

ഇതെങ്ങനെ വായിക്കും ?

ഇങ്ങനെയൊക്കെ മലയാള ഓണ്‍ലൈന്‍ പത്രങ്ങളില്‍ പ്രതീക്ഷിക്കാവുന്നതുമാണു്.

ഇതിന്റെ നോണ്‍ജോയ്നര്‍ പോയാല്‍
ഉമേശ്വരനെത്തേടിപ്പോയി (ജഗദീശ്വരനെത്തേടിപ്പോയി) എന്നു് വായിക്കാം.

ഇതും മുന്നേ എഴുതിയതും കര്‍ട്ടണ്‍ വാക്കുകളേപ്പോലെ സ്പേസിട്ട് തീര്‍ക്കാവുന്നതേയുള്ളൂ.

നിയമങ്ങള്‍ ലംഘിക്കപ്പെടുമ്പോള്‍

2007-09-02T10:57:00.000+03:00

ദൈവത്തിന്റെ സ്വന്തം നാട് എന്ന വാദം അംഗീകരിക്കാത്ത കൊതുകു നഗരം. അവിടെയുള്ള ഒരു മള്‍ട്ടിപ്ലെക്സില്‍ ഷോപ്പിങ്ങിനിറങ്ങിയതാര്‍ന്നു. റോഡ് സൈഡില്‍ തന്നെ ഒരു മെര്‍സിഡിസ് കിടക്കുന്നതു് കണ്ടപ്പോള്‍ അതിനോടു് ചേര്‍ന്ന ഒഴിവുള്ള സ്ഥലം നോക്കി വണ്ടി ഒതുക്കി.
ഷോപ്പിങ് കഴിഞ്ഞ് തിരികേ വന്നപ്പോഴതാ വൈപ്പറിനടിയില്‍ ഒരു കടലാസ്. മറ്റു് രണ്ടു് വണ്ടികള്‍ക്കും ഈ കുറിപ്പുണ്ട്. മേഴ്സിയുടെ പൊടി പോലുമില്ലതാനും.
"പാരലല്‍ പാര്‍ക്കിങ്ങ് മാത്രമുള്ളിടത്തു് വണ്ടി ചരിച്ചിട്ടിട്ടു് ട്രാഫിക്കിനു് ഹിന്‍ഡ്രന്‍സ് സൃഷ്ടിച്ചുവെന്നു് ഒഫന്‍സ് "
പെട്ടെന്നു് തന്നെ പോയി ഫൈനടച്ചു. "ആ വണ്ടി എടുത്തും പോയി , നിങ്ങള്‍ക്കു് ഫൈന്‍ കിട്ട്വേം ചെയ്തു അല്ലേ?" - വിവരം പറഞ്ഞപ്പോള്‍ ഓഫീസറുടെ പ്രതികരണം.

ഇതിപ്പോള്‍ ഓര്‍ക്കാന്‍ കാരണം ഈയിടെയായി ഉണ്ടാകുന്ന വിവാദങ്ങളാണു്.
കുരുവിളയും മുനീറുമൊക്കെ നാട്ടുനടപ്പായിരിക്കാം ചെയ്തതു്. പക്ഷേ നിയമങ്ങള്‍ ലംഘിക്കപ്പെട്ടിരുന്നുവോ എന്നതാണു് പ്രസക്തം. അതുകൊണ്ട് തന്നെ അവകാശങ്ങള്‍ക്കു് വേണ്ടി സംസാരിക്കണമെങ്കില്‍ നാട്ടിലെ നിയമങ്ങള്‍ ലംഘിക്കാതിരിക്കണം.
കൈക്കൂലി കൊടുത്തു് പ്രയോറിറ്റി ലിസ്റ്റ് മറികടന്നു് നേടുന്ന സേവനങ്ങളിലെ അപാകത ചൂണ്ടിക്കാണിക്കാന്‍ അര്‍ഹത നഷ്ടപ്പെടുന്നുവെന്നു് ചുരുക്കം.

അറ്റോമിക് ചില്ലുകള്‍ വരുന്ന വഴി

2007-08-31T15:08:00.000+03:00

ഇന്ത്യന്‍ ഗവണ്മന്റിലെ ചില ഭാഷാബുദ്ധിജീവികള്‍ മലയാളം യുണീക്കോഡിലെഴുതാന്‍ പുറപ്പെട്ടു. അപ്പോഴാണു് മനസ്സിലാകുന്നതു് ചില്ലക്ഷരങ്ങളെഴുതാന്‍ വലിയ ബുദ്ധിമുട്ടാണെന്നു്. എന്നാലവയെ എന്‍കോഡ് ചെയ്യാന്‍ പറയാം. പറഞ്ഞു. യൂട്ടീസി പറഞ്ഞു "അങ്ങനെ ചുമ്മാ പറഞ്ഞാപ്പോര, ഇതിനൊക്കെ ചില മാനദണ്ഡങ്ങളൊക്കെയുണ്ടു്. അതൊക്കെ പാലിച്ച് മര്യാദയ്ക്ക് എഴുതിത്താ".
വിദഗ്ദ്ധരൊക്കെ കൂലംകഷമായി ആലോചിച്ച് , "പഠിച്ചു് " എഴുതിക്കൊടുത്തു. ഭാഷയ്ക്കെന്തു് നേട്ടം എന്നതായിരുന്നില്ല നോട്ടം. കാര്യങ്ങള്‍ എളുപ്പമാക്കിക്കിട്ടുക. അതുമാത്രം.യൂട്ടീസി കനിഞ്ഞില്ല. അവര്‍ ചോദിച്ചു "ഇപ്പോള്‍ ഈ ചില്ലെന്നു് പറയുന്ന സാധനം എങ്ങനെയെങ്കിലും എഴുതാന്‍ പറ്റുന്നുണ്ടോ ?".. ഉണ്ടേ.. "എന്നാപ്പിന്നെ അങ്ങനെയങ്ങ് എഴുതിയാപ്പോരേ"
ഉത്തരം മുട്ടിയ വിദഗ്ദ്ധര്‍ കൂടുതലാളുകളെ ഈ വിഷയത്തിലേക്കു് റിക്രൂട്ട് ചെയ്തു. "മരം വെട്ടറിയാത്തതിനു് കോടാലിക്ക് തെറി വിളിക്കുക" എന്ന നയം പ്രകാരം ജോയ്നര്‍മാരെ കോടാലികളാക്കി പ്രഖ്യാപിച്ചു. "ചില മരങ്ങള്‍ ഈ കോടാലികളുപയോഗിച്ചു് മുറിക്കാന്‍ അനുവാദമില്ല" എന്ന ന്യായവും കണ്ടെത്തി. ആ മരങ്ങളുടെ "വേണ്ടര്‍മാര്‍" എന്തു്പറഞ്ഞാലും ഈ കോടാലികളെ വളപ്പിന്റകത്തേക്കു് പോലും കയറ്റില്ല എന്നും അവര്‍ വാദിച്ചു. യുണീക്കോഡ് മലയാളം തന്നെ ഇതു് വരെ അംഗീകരിക്കാത്ത ചില "വെണ്ട"പ്രതിനിധികള്‍ ഈ വാദത്തിനു് വലിയ പ്രാമുഖ്യം നല്‍കുകയും ഒരു കോടാലിക്കു് പകരം ചില്ല് എന്ന ആശയത്തിനു് പിന്തുണ നല്‍കുകയും ചെയ്തു.
ചില്ലിനനുകൂലമായ ഓരോ വാദങ്ങളും ഖണ്ഡിക്കപ്പെട്ട അവസരത്തില്‍ ഐഡീയെന്‍ അവതരിക്കുകയും ഐഡീയെന്‍ പ്രതികൂലഘടകമാവുമെന്നു് കണ്ടപ്പോള്‍ "അതൊന്നും ഇപ്പോ ചിന്തിക്കേണ്ട വിഷയമല്ല" എന്നു് മലക്കം മറിയുകയും ചെയ്തു.
ജോയ്നറുടെ പോലെത്തന്നെ നോണും അര്‍ത്ഥവ്യത്യാസം വരുത്തുന്നവനാണെന്നു് തെളിയിച്ചപ്പോള്‍ "ഇതൊരു ഒറ്റമൂലിയൊന്നുമല്ല" എന്നൊരു പുതിയ നിലപാടും കണ്ടു.
"എനിക്കു് ബോദ്ധ്യമായി.നിങ്ങള്‍ക്കും ബോദ്ധ്യമായേ പറ്റൂ" എന്നൊരു വിചിത്രനിലപാടെടുത്തുകൊണ്ടു് ചില്ല് എന്‍കോഡ് ചെയ്യാന്‍ തീരുമാനിച്ചിരിക്കുന്നു. ആണവകരാറിന്റെ കാര്യത്തില്‍ പ്രധാനമന്ത്രിയെടുത്ത നിലപാടൊക്കെ എത്ര ഭേദം! വെറുതെ ആളുകളെ ചര്‍ച്ചയ്ക്ക് വിളിച്ചു് മെനക്കെടുത്തിയില്ലല്ലോ.. കേന്ദ്രസര്‍ക്കാര്‍ ആവശ്യപ്പെട്ടപ്പോത്തന്നെ ചില്ല് കൊടുക്കുകയായിരുന്നെങ്കില്‍ ബാക്ക്വേര്‍ഡ് കംപാറ്റിബിലിറ്റി പ്രശ്നമെങ്കിലും ഇല്ലാതെ കിട്ടിയേനേ.
മറ്റേ കോടാലിയുടെ കാര്യത്തില്‍ "അതിപ്പോ ഞാനെന്നാ പറയാനാടാ ഉവ്വേ" എന്ന നിലപാടിലുമാണിപ്പോള്‍. ഇനി കോടാലി മാറ്റണമെങ്കില്‍ മലയാളം തമിഴ് പോലെ എഴുതുന്ന സൂത്രം വേണമെങ്കില്‍ ആക്കിത്തരാം എന്നാണു് ഒടുവില്‍ കിട്ടിയ വാര്‍ത്ത.

ഭാഗ്യവാന്‍

2007-08-30T10:26:00.000+03:00

എത്തേണ്ട സമയത്തു് എത്തേണ്ട സ്ഥലത്തു് കൃത്യമായി എത്താന്‍ കഴിയുന്നവന്‍ ഭാഗ്യവാന്‍ എന്നു് എന്റെ സുഹൃത്തു് പറയുന്നു.

എത്തേണ്ട സമയത്തു് എത്തേണ്ട സ്ഥലത്തു് കൃത്യമായി എത്തിയതു് മനസ്സിലാക്കാന്‍‍ കഴിയുന്നവന്‍ ഭാഗ്യവാന്‍ എന്നു് ഞാന്‍ പറയുന്നു.

നിങ്ങളെന്തു് പറയുന്നു ?

അനുകരണീയമായ മാതൃക

2007-08-28T12:58:00.000+03:00

ദീപികയുടെ മുഖപ്രസംഗം . ഫ്ലിക് ചെയ്തു.
കോപ്പി പേസ്റ്റും ഇതാ:

ഒരോണത്തിനു മുഖപ്രസംഗം എഴുതുമ്പോള്‍ ഇത്തരം കാര്യങ്ങള്‍ പറയാമോ എന്നായിരുന്നു ആദ്യചിന്ത. എന്നാല്‍ ഓണത്തിന്റെ അവസരത്തിലെങ്കിലും കുറച്ചു സത്യങ്ങള്‍ പറയണം എന്ന ചിന്തയാണ് ഇതെഴുതാന്‍ പ്രേരണ.

കടപ്പാടു് മൊത്തമായി ദീപികയ്ക്ക്.

ഈ നിലപാടു് ഓണത്തിനു് മാത്രമായി ചുരുക്കരുതേ. ഇതൊരു തുടക്കമായിക്കോട്ടെ .

ഞാനിനി സ്കൂളില്‍ പോവില്ല

2007-08-26T13:50:00.000+03:00

ഒരു ഒമ്പതാം ക്ലാസ്സുകാരി അമ്മയോടു് പറഞ്ഞതാണു് പ്രസ്തുത വാക്യം. കാര്യം തിരക്കിയപ്പോള്‍ കുട്ടി പറഞ്ഞതു് സ്റ്റോക്കു്മാര്‍ക്കറ്റ് "തകരുന്ന" ദിവസങ്ങളില്‍ ടീച്ചര്‍ വളരെയധികം ദേഷ്യത്തിലായിരിക്കുമെന്നും അനാവശ്യമായി വഴക്കു്പറയുമെന്നാണു്.
അമ്മ സ്കൂളില്‍ പരാതി കൊടുത്തതോടെയാണിതു് വാര്‍ത്തയാകുന്നതു്.
രാജ്യത്തിന്റെ "വികസന"ത്തിന്റെ പങ്ക് പറ്റാന്‍ അദ്ധ്യാപകരും ശ്രമിക്കുമ്പോഴുണ്ടാകുന്ന "സൈഡ് ഇഫക്റ്റ് " ആയിരിക്കാമിതു്.
വിവാഹച്ചെലവിലേക്കും മറ്റും കരുതിവെച്ചിരുന്ന പണം "ഇരട്ടിപ്പിക്കാന്‍" സ്റ്റോക്ക്മാര്‍ക്കറ്റിലിറക്കി കുത്തുപാളയെടുത്ത ആളുകളേയും ഇടയ്ക്ക് നമുക്കു് സ്മരിക്കാം.
സ്റ്റോക്ക്മാര്‍ക്കറ്റ് ഷെയറുകള്‍ വാങ്ങാനും വില്‍ക്കാനുമുള്ള സ്ഥലമായി മാത്രം ഉപയോഗിക്കപ്പെടുമ്പോള്‍ മാത്രമാണു് അതില്‍ ശരിയുള്ളു. അവിടെ ഷെയറുകള്‍ക്കു് പകരം ഊഹങ്ങള്‍ കച്ചവടം ചെയ്യുമ്പോള്‍ അതു് ചൂതാട്ടശാലയായി അധഃപതിക്കുന്നു. ചൂതാട്ടക്കാരന്റെ മനസ്സ് അശാന്തമായിരിക്കും.
ഭൂമിക്കച്ചവടത്തേയും ഇതിനോടു് ചേര്‍ത്തുവായിക്കാവുന്നതാണു്. ഒരാളുടെ പ്രവൃത്തിയുടെ ഉദ്ദേശമെന്തെന്നു് മറ്റൊരാള്‍ക്കു് അയാള്‍ പറഞ്ഞാലല്ലാതെ അറിയുവാന്‍ സാധിക്കില്ല. പിന്നെ ചെയ്യാവുന്നതു് ഊഹമാണു്. അതിന്റെ ദോഷമാണു് ഞാന്‍ പറഞ്ഞു്വന്നതു്. പരദൂഷണം അതിന്റെ ഒരു ബൈപ്രൊഡക്റ്റ് ആണു്.

J യുടെ ഉച്ചാരണം

2007-08-26T13:33:00.000+03:00

J യുടെ ഉച്ചാരണം യ എന്നാണോ ? Jesus - യേശു, Benjamin - ബെന്‍യാമിന്‍ ... July , June എന്നിവ അറബിയില്‍ എഴുതുന്നത് യൂല്യൂ, യൂന്‍യൂ... എന്നിങ്ങനെയാണ്.. Jean val Jean എന്ന പ്രസിദ്ധകഥാപാത്രം ഴാങ് വാല്‍ ഴാങ് ആണ്.
Jules Rimet Trophy യൂള്‍ റിമെ ട്രോഫിയാണ്.
എന്നു് മുതല്‍ക്കായിരിക്കും ജ എന്ന് ഉച്ചാരണം വന്നിട്ടുണ്ടാവുക ? യൂസഫിനെ ജോസഫാക്കാന്‍ മാത്രമാണോ അത്? വിജയന്‍ ബംഗാളില്‍ ബിജോയ് ആയപ്പോള്‍ സഖാക്കള്‍ അത് കേരളത്തിലേക്കും കൊണ്ടുവന്നതു് പോലെ..

അടിപൊളി സീന്‍

2007-08-23T22:54:00.000+03:00

ഈ ടീവി വിഡ്ഢിപ്പെട്ടിയാണെന്നു് പറഞ്ഞവനിട്ടു് രണ്ടു് പൊട്ടിക്കണം. അല്ലെങ്കില്‍ ഇത്രയും നല്ല സീന്‍ എവിടെ കാണാന്‍ പറ്റും ?
കഥാനായകന്‍ ജാമ്യത്തിലിറങ്ങുന്നതാണു് സീന്‍. പോലീസുകാരൊക്കെ അദ്ദേഹത്തിന്റെ കരസ്പര്‍ശമേല്‍ക്കാന്‍ മത്സരിക്കുന്നു. ആറു് വര്‍ഷം കഠിനതടവു് ലഭിച്ച പുള്ളിയാണെങ്കിലെന്താ നക്ഷത്രങ്ങളെത്തൊടാനൊക്കെ കിട്ടുന്ന അവസരങ്ങള്‍ അപൂര്‍വ്വമല്ലേ ?
ഇദ്ദേഹത്തിനെയൊക്കെ എന്തിനു് ജയിലിനുള്ളിലിടണം ? അകത്തും ഇതു്തന്നെയായിരിക്കുമല്ലോ സ്ഥിതി. വെറുതെ സിനിമാനിര്‍മ്മാതാക്കളുടെ കാശു്കളയാന്‍ !

റാല്‍മിനോവ് -ചിന്തകളും കുറിപ്പുകളും

തോല്‍ക്കുക എല്ലായ്പ്പോഴും

എന്തുകൊണ്ടു് തോറ്റു ?

ഒരു കണക്കിനു് ഇതാ ഭേദം

മൻമോഹൻ ഇടതുപക്ഷത്തെ ഇഷ്ടപ്പെടുന്നു

Vote LDF വോട്ട് എൽ ഡി എഫ്

ശശി തരൂരിനോടു് മലയാളത്തില്‍ ...

ഒരു തെരഞ്ഞെടുപ്പു് ചോദ്യം

If pro is the opposite of con,

എന്തുകൊണ്ടു് സീപ്പീയെം മുന്നണി

ശശി തരൂര്‍ ഭാജപ സ്ഥാനാര്‍ത്ഥിയോ ?

തെരഞ്ഞെടുപ്പു് വിഷ് ലിസ്റ്റ്

ഒരു പാസ്​പോര്‍ട്ട് തരൂ പ്ലീസ്

കേരളത്തില്‍ എത്ര പാര്‍ട്ടികള്‍ വേണം ?

സംവൃതോകാരമില്ലാത്ത കാലം

കുട്ടി ചത്തോട്ടെ, ന്നാലും ...

ചെങ്ങറ - ഭൂമി കൊടുക്കരുതോ

God Save America

ബക്കറ്റിലെ വെള്ളമല്ല കമ്മ്യൂണിസ്റ്റ്

വെറുതെ കൊതിപ്പിച്ചു അഥവാ ബിരിയാണി കൊടുക്കുന്നുണ്ടെങ്കിലോ ?

കുഴപ്പമില്ല

സോമനാഥിനു് പഠിക്കുന്നോ അച്ചുതാനന്ദന്‍ ?

ക്രീമി കടി

വോട്ട് രാഷ്ട്രീയം അവകാശം

പ്രശസ്തരുടെ ബ്ലോഗ് സ്പൂഫ് ചെയ്യാന്‍...

നാനോ ഫ്രോഡ് - വായിക്കാന്‍ മറക്കല്ലേ

ഇതും നല്ലതിനാകട്ടെ അഥവാ മമ്മൂട്ടിയുടെ ബ്ലോഗ്

ബലിപെരുന്നാളിലെ ബലി - ഒരു വായന

ഇനി പട്ടാളം ഭരിച്ചാ മതി.

ഇസ്ലാമിക് ബാങ്കിങ്

ആഡ്‍വാണിജി അറിയാന്‍

ഓടിവരൂ, ബാങ്കില്‍ നിക്ഷേപിക്കാം

ഇനിയും വേണോ ഓഹരി വിപണി ?

റിയല്‍ എസ്റ്റേറ്റ് മാഫിയക്കാരേ, സൂക്ഷിച്ചോണ്ടൂ !

സ്മാര്‍ട്ട് സിറ്റിയില്‍ ചൂഷണമാകാമോ ?

സര്‍ക്കാരിനു് തിരിച്ചടി

മെഡിക്കോസിനു് പിന്തുണ

ചലോ മൂന്നാര്‍

തീവ്രവാദിപ്പോലീസിന്റെ ശ്രദ്ധയ്ക്കു്

ക്രെഡിറ്റ് ക്രന്‍ച് (Credit Crunch)

ഈ അക്രമത്തിനു് മാപ്പില്ല

ഈ "സിമി" ഒരു "ഭയങ്കരന്‍ " തന്നെ

വൃക്ക തട്ടിക്കുന്ന വെറുക്കപ്പെട്ടവന്‍

അമ്മ ആര്‍ക്കു് വേണ്ടി ?

എന്താ അഭിനവിനെ അഭിനന്ദിച്ചാല്‍ ?

ഗുരുവേ മാപ്പു് !

പാടപുസ്തഗവിവാദം

മുസ്ലിം താത്പര്യം രാഷ്ട്രതാത്പര്യത്തിനു് എതിരോ ?

ആര്‍ക്കാനും വേണ്ടി ഓക്കാനിക്കരുതു്

ബജറ്റിലെ സൂത്രം

രാഷ്ട്രീയകൊലപാതകം അഥവാ കൊലപാതകരാഷ്ട്രീയം

C A T - ക്യാറ്റോ ?

ഓഹരിവിപണി നിരീക്ഷിക്കുമ്പോള്‍

സ്പൂഫിങ് എന്ന അപകടം

ലിനക്സിന്റെ സാദ്ധ്യതകള്‍

വിലകള്‍ കൂടട്ടെ

മനുഷ്യനും സോഫ്റ്റുവെയറും

ദൈവനാമത്തില്‍ സത്യപ്രതിജ്ഞ

മലയാളിയ്ക്കെന്തിനാ ഇംഗ്ലിഷും അറബിയുമൊക്കെ ?

ഹര്‍ത്താലുകളെ കുറ്റം പറയുമ്പോള്‍

ഇവരെ ഐഡന്റിഫൈ ചെയ്യാമോ ?

കോണ്‍സുലേറ്റ് സന്ദര്‍ശനം

തെഹല്‍ക്ക റിപ്പോര്‍ട്ട് - ചില ചിന്തകള്‍

സ്മാര്ട്ട്സിറ്റിയും ആണവകരാറും

മനോരമ ന്യൂസ് ഇന്റര്‍നാഷണല്‍

ആത്മഹത്യ

യൂണിഫോം വിവേചനം അഥവാ ഇന്ത്യാവിഷം

ആതിഥേയനെ ചീത്ത വിളിക്കാമോ ?

സഭ്യത

വിശുദ്ധനും കമ്മ്യൂണിസ്റ്റും

സ്റ്റെയ്ക്ക് മാര്‍ക്കറ്റ്

കര്‍ഷക പെന്‍ഷന്‍

സര്‍വ്വകലാശാലയെ ഉയര്‍ത്തിയാല്‍ എന്തു് കിട്ടും

കഥയോ കദയോ

ഈദ് ആശംസകള്‍

Boofiya

ഭക്ഷണം നാണയമാകുമ്പോള്‍

ദിശാബോധം നഷ്ടപ്പെടുമ്പോള്‍

കണ്ട്രികളുടെ സ്വന്തം നാടു്

സുകുമാര്‍ അഴിക്കോടും വിവാദങ്ങളും

ഒരു പാസ്പോര്‍ട്ട് തരൂ പ്ലീസ്

ഗൂഗിള്‍ ചില്ല് ജോയ്നര്‍ കളയുന്നില്ല.(കളയുന്നുണ്ട് - അപ്ഡേറ്റ്)

ഉമേശ്വരനെത്തേടിപ്പോയി